English | عربی | Kurdî دواهەواڵ
ڕاستەوخۆ  
 
ئەڤە نە شۆڕەشە و نە كوردایەتی
2019-07-28 [07:16 AM]

نڤیسینا : زوهری جەبەلی


مرۆڤێن مەزن دەما شۆڕەشێ‌ بۆ رزگار كرنا گەلێ‌ خوە دكەن ژ زوڵم و زۆرییێ‌، مەزنتر دبن، دبن قەهرەمانێن رزگار كرنا گەلێن ژێردەست و كارێزمایێ‌ دیرۆكی. لێ‌ گەڵەك مرۆڤ ژی ل ژێر ناڤێ‌ شۆڕەشا، گەلەكی دكەن قوربانی و وی گەلی ب پاشڤە دبن. كوردا گەڵەك شۆڕەش كرینە و گەڵەك قوربانیدانە، تنێ‌ شۆڕەشا سەر گرتی و بوویە ئۆمێد بۆ تەڤی گەلێ‌ كورد، شۆڕەشا بارزان بوویە كو شیایە كوردان بگەهینتە مافێن خوە. سەركردێن دن ژی هەبوونە ل ژێر ناڤێ‌ شۆڕەش و بەرخوەدانێ‌ زۆر زرار گەهاندینە كوردان و بووینە بەربەست ل هەمبەری پێشڤەچۆنا دۆزا كورد، پەكەكە وەك میناك كو چەند ساڵە ل ژێر ناڤێ‌ شۆڕەش و بەرخوەدان ژ بۆ گەلێن ژێر دەست، زرارەك مەزن گەهاندییە دۆزا كورد، ژ بلی كوو كارەكێ‌ وەسا كر كوو پاشگرێ‌ تیرۆرێ‌ بكەڤیت پاش ناڤێ‌ كوردان، گەڵەك زارووكێن كوردان ب كوشتن دانە و، ئەو زرارێن ل شاشیێن پەكەكێ‌ بەر كوردان كەفتی، گەڵەك زێدەترن ژ وان زرارێن دووژمنێن كوردان ب سەرێ‌ وان ئانینە. دابڕانا ژن و كوڕێن كوردان ژ خاندن و زانستی و عاسێ‌ كرنا وانا ل ناڤ دۆڵ و نهالێن چیایێن كوردستانێ‌، چێ كرنا ئایدولۆژییەتەكا كەسی و تۆندڕەو، وێران كرنا زێدەتر ل نیڤا گوندێن كوردان، دژایەتیكرنا دۆزا كورد و پێشڤەچۆنا باشوورێ‌ كوردستانێ‌ د ئالیێ‌ سیاسی و ئابووری و دیپلۆماسیڤە، كوشتنا خەڵكێ‌ سڤیل ل سنوورێن كوردستانێ‌، ئالیگرییا دووژمنێن باشوور و مۆزاییدە كرن ب ناڤێ‌ كوردان،چێكرنا چەند هێزێن چەكدار ل ژێر ناڤێن سەیر و عەنتیكە و بێ ناڤەڕۆك، لاواز كرنا هەستێ‌ نەتەوەیی و نیشتمانی، ستاندنا رەگەزێ‌ مرۆڤاتیێ‌ ل ژن و مێران، برنا زارووكان ل خاندنگەه و كولان و جادەیان، ئۆ چەند كارێن دن یێن چەپەڵ ژ ئالیێ‌ پەكەكێڤە زیانەك مەزن گەهاندە دۆزا كورد و خاكا كوردستانێ‌.
پەكەكە نەشیا رۆلەكێ‌ باش ببینیت ژ بۆ رزگار كرنا كوردان ل ژێر زوڵما دووژمنان، بەرووڤاژی، پەكەكە بوویە بەشەك ژ زڵمێ‌ و هەردەم دەستێ‌ وێ‌ د دەستێ‌ نەیارێن كوردا بوویە، ب ڤێ‌ یێكێ‌ ژی دۆزا كوردان ل هەر چار ئالییا بێتر ئالۆز بوویە. نها پەكەكە بوویە چەپەر ژ بۆی پاراستنا سنوورێن هند وڵاتێن داگیركەرێن كوردستانێ‌ و ل جهێ‌ وان وڵاتا، بوویە پاسەڤانێ‌ وانا ژ بۆ پاراستنا سنوورێن وان ل كۆمبوونا كورد و ئالیێن دن، یێن كو خەباتێ‌ دكەن ژ بۆ دەستخستنا مافێ‌ گەلێ‌ كورد.
پەكەكێ‌ ژ بلی زیانێن گیانی، زیانەك مەزن ل باشوورێ‌ كوردستانێدا، سۆتنا رەز و باغ و پاوانێن وەڵاتییان و سرووشتێ‌ خوەزاییێ‌ كوردستانێ‌، چۆلكرنا گوندان، مفا وەرگرتنا گوندییان ل بەرهەمێن سرۆشتیی وەكی، كەزان و گەنگر و مازی، شینكاتیێن خارن و دەرمانێن كوردی. میناك ل ساڵا 2015 ل راپۆرتەكا مەیدانیدا ل گوندێ‌ (ئێدلبێ‌) ل دەڤەرا مزووریی باڵا، ب بهایێ‌ 394 ملیۆن دیناران د سێ‌ مەهاندا زیان گەهاندە گوندییان تنێ‌ ل بەرهەمێ‌ كەنگر و مازی و كەزانێ‌، ژ بلی شینكاتیێن بهاری و بەرهەمێن سرووشتی، كوو وەڵاتی مفای ژێ‌ دبینن و خوەدی كرنا مالاتی هەر ل جهێ‌ خۆ كوو زیانەك مەزنە بۆ هەرێما كوردستانێ‌.
ئەڤ كارێن پەكەكێ‌ ژی تنێ‌ مەسەلەكا سیاسییە و ل ژێر فەرمانێ‌ وڵاتەكێ‌ جیران كوو سەرێ‌ كوردان نەڤێت، زۆرترین زرار گەهاندنە وەڵاتیێن هەر چار ئالیێن كوردستانێ‌. 
هاتنا پەكەكێ‌ ژ بۆ مەخموور و شنگاڵ و برنا زارووكێن ئێزدیا، هەولا تیرۆرا كەسایەتیێن سیاسی ل شارێن هەرێمێ‌،پەقاندنا بۆڕیێن نەفتا هەرێمێ‌، خۆ نێزیك كرن ل گوندییان، ئەڤ كارێن پەكەكێ‌ ل ژێر هەژموونا وەڵاتێن جیراندایە و چەند مەبەستەك ل پشت هەنە، چێكرنا شەڕەكێ‌ ناڤخوەیی و ئالۆز كرنا ئەمنییەتا هەرێمێ‌، ڤەشارتنا لاوازبوونا پەكەكێ‌ و غافلكرنا خەڵكی ب ڤان مەسەلانڤە، ئالۆزكرنا پەیوەندیێن هەولێر و ئانكارا و بەغدا كوو دێ‌ ب زرارا پەكەكێ‌ تەواو بیت، خوە ئامادەكرن ژ بۆ شەڕێ‌ ئیران و ئەمریكە كوو یا دوورە ل روودانێ‌،لاواز كرنا ئابوورییا هەرێمێ‌ و، ڤەشارتنا شكەستا سیاسی و چەكداری و شۆڕەش و خەباتا خوە و، شكەستێن وانا ل باكوورێ‌ كوردستانێ‌ و، چەندین گڤاشێن دن ژ ئالیێ‌ دووژمنانڤە و ئەزبەنی گوتنا پەكەكێ‌. لێ‌ مخابنی ئەو گەریلایێن ب نییەتەكا كوردانە و پاقژڤە دچن بۆ رزگار كرنا خاكا كوردستانێ‌ و ئامانجێن گەلێ‌ كورد.





ئەم هەواڵە 994جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad