English | عربی | Kurdî دواهەواڵ
ڕاستەوخۆ  
 
مە خوین بۆ ڤێرە رشتیە بهێلن تێدە ب ئازادی بژین
2019-07-28 [10:08 AM]

نڤیسینا : لەیس حسێن


ماوێ چەند سالایە کو پەکەکێ بۆ ناکۆکی و ململانیێن خوە ل گەل ئالیێن دی هاتیە و جهێ هوە ل سەر ئاخا هەرێما کوردستانێ چێکریە و ئەڤ چەندە ژی مەترسی یە لسەر دەڤەرێ د چەند بوارێن ژیانا خەلکێ گوندێن چیای ژبەرکو رۆژانە ژی تۆپبارانکرن و تەقەیێن جودا جودا ل وان ناڤچەیان تێنە کرن.
لێ کاودان و روودانێن ڤێ داویێ ئەوێن ل دەڤەرێ قەومین و گوهۆرینێن سیاسی یێن چێبووین و ب هیجەتێن جودا جودا رێ لبەر هژمارەک ژ هێز و پارتێن سیاسی یێن دی و یێن بەرێ ژی پتر خوەشکر کو هێزا خوە ب سەر دەڤەرێ دا ب سەپینن و بووە ئەگەرێ تێکدانا رەوشا ئەمنی و ئازراندنا خەلکێ بێ گونەھ و تێکدانا جهێن کاری و تالانکرنا مالێن وان.
پشتی کۆمکوژیا داویێ یا ئێزدیان ئەوا ل 3ی تەباخا سالا 2014ێ ل دەڤەرا شنگالێ ب سەرێ گەلێ ئێزدی هاتی دەرفەت بۆ چەند ئالی و جیهەتیێن ژ دەرڤەی دەڤەرێ چێبوو کو کۆنترۆلێ لسەر وێ دەڤەرێ و ناڤچەیێن بسەرڤە ژی بکەن و ب ئەوان ئەگەران ژی رەوشا دەڤەرێ یا هۆسا بەرەڤ چارەنڤیسەکا نەدیار دچیت.
بیرەوەریا پێنجێ بسەر ڤێ کۆمکوژیێ دا نێزیک دبیت و هەتا نهوە زۆربەیا هەرا زۆر کو نێزیکی 85% ژ خەلکێ قەزا شنگال ئاوارەینە و ل کەمپێن سنوورێ پارێزگەها دهۆکێ ژیانا خوە دەرباس دکن و سەرەرای کو خزمەتگوزاری گەلەک کێمبووینە لێ ئاوارە هیش بەرهەڤ نینن ڤەگەرینە سەر و مال حالێن خوە ئەو چەندە ژی بۆ چەند ئەگەران ڤەدگەریت:
1- هەبوونا هێزێن سەر ب پەکەکێ ڤە ل ور و رێکخستنێن وان یێن جودا جودا
2- هەبوونا هێزێن سەر ب حەشدا شەعبی ڤە کو یەکجار شنگال ژ ستراتیجیەت و دەڤەرا کو سنورێ حەشدێ یە ژێ دورە
3- رۆلێ خراب یێ حکومەتا عیراقێ دگێرت کو زۆربەیا گیر و گرفتێن ل دەڤەرێ هەین ژ ئەگەرا نە رێکخستنا لەشکەری و ئیداری یا حکومەتا فیدرالە
4- نە ڤەگەریانا پێشمەرگەی بۆ دەڤەرێن کوردستانی یێن ل دەرڤەی ئیدارەیا هەرێمێ تایبەت ژی دەڤەرا شنگال کو خەلکێ وێ گەلەک ژ حکومەتا عیراقێ بێ هیڤی بووینە و زۆربەیا وان ژی دبێژیت و ل ناڤ وان دا بوویە ئاخفتنەکا رۆژانە ئەوژی "ڤەگەرا مە ب ڤەگەرا پێشمەرگە رایە بۆ شنگال" ژبەر کو ل هەیاما نیڤ چەرخی یە حکومەتا ناڤەند وەک پێدڤی هاریکاری و خزمەتا شنگال و ئێزدیان نەکریە.
5- نەبوونا ئێمناهیەکا دروست و باورەپێکری ژئالیێ 
وەلاتیێن دەڤەرێ ڤە
6- هەروەسا پەیدابوونی ململانی و ناکۆکیێن زۆر ل دەڤەرێ ب چەند سەدەما ل ناڤبەینا هێز و ئالیێن سیاسی و لەشکەری یێن جودا ل ور
7- نەبوونا خزمەتگوزاریێن ساخلەمی و پەرورەدێ و شارەوانیێ و هتد ل دەڤەرێ و ناڤچەیێن دەوروبەری وێ
8- نە پاقژکرنا ناڤچەیێن ل باشووری چیایێ شنگال ژ بۆمبە و پاشمایێن داعش یێن کو ل سالا 2014ێ دەما شنگال داگیرکرین ل پاش خوە هێلابوون.
ئەڤ خال و ئەگەرێن مە لسەری دیارکرین ئەگەرێن سەرەکی یێن نە ڤەگەریانا ئاوارەیانن بۆ سەر دەڤەرێن وان کو وەکو ل پێشچاڤ زەرەرەکا زۆر ب دەڤەرێ و خەلکێ وێ ئێخستیە.
لەورا ب راستی ژی لسەر پەکەکێ و هێزێن دن یێن ل ورە کو ڤێرە بهێلن دا کو بکاربن ب ئارامی و ئازادی لسەر ڤێ ئاخێ بژین ژبەر کو خوینا مە یا لسەر هاتیە رشتن و ئاخا هەرێما کوردستانێ یە و ژ دەڤەرێن ماددەیا 140 و ئەڤە دبیتە بەزاندنا سنوورێ هەرێمێ و دەولەتێ ژئالیەکی ڤە بۆ حەشدێ و ژئالیێ دی ڤە بۆ پەکەکێ کو ئەڤە جهێ ناکۆکیێن وان نینە دهێن و شەری دگەل ئالیێن دی لسەر ئاخا هەرێما کوردستانێ دکەن.
پێشتر ژی، نێچیرڤان بارزانی کو د پۆستێ سەرۆکێ جڤاتا وەزیرێن هەرێما کوردستانێ بوو، گەلەک جاران ژ هێزێن نە شەرعی یێن شنگالێ خواستیە وێ دەڤەرێ بجهبهێلن و شەرێ خوە ڤەگوهێزنە ناڤا وەلاتێ خوەدا، ل هەمبەردا ژی گرنگیەکا زۆر ب ژیان و ژیارا ئاوارەیانن ددا کو دناڤا کەمپان دا هەر چ نەبیت کێمترین کێماسی هەبن هەتا کو ئێمناهیا شنگالێ وەکو جاران ڤەدگەریت





ئەم هەواڵە 1945جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad