English | عربی | Kurdî دواهەواڵ
ڕاستەوخۆ  
 
دووران کالکان ، روویێ دوژمنکارانەیێ پەکەکێ ئاشکراتر دکەت
2019-08-04 [06:24 AM]

نڤیسینا : غیاس خالد زێباری


دووران کالکان ئێک ل دامەزرێنەر و ئەندامێ کومیتەیا برێڤەبرنا پەکەکێ ، ئێکە ژ وان سەرکردێن پەکەکە یێن چەندین جاران گەفێن دوژمنکارانە بەرامبەر ھەرێما کوردستانێ دکەت ، ھەرچەندە پەکەکێ ئەو حزبا ڤی کەسایەتی روولەکێ بەرچاڤ ل دامەزراندن و رێڤەبرنا وێ دا ھەی ، ل دامەزراندنێ ھەتا بەری چەند سالێن کێم ب ھەلگرتنا درۆژمنێن نەتەوی و نشتیمانی ، مینا کوردستانەکا سەربەخۆ ب سەدان ھزار وەلاتیێن باکوورێ کوردستانێ بسەردا برنە و ب ھزاران وەلاتیێن کورد ژبن درۆشمێن بریقەدار و نەتەوی و نشتیمانی بکوشتن دان و پشکەکا زۆرا باکوورێ کوردستانێ وێران و تەتریک کر . 

ئەگەر دیرۆک و سەرەدەریێن ڤێ پارتیێ بخوونین نەخاسمە یێن پشتی سالا ١٩٩٢ ێ ، ھەمی کار و رەفتار و سیاسەتا وان دژی بەرژەوەندیێن خەلکێ کوردستانێ بوونە و نەشیاینە پێگەھەکی ل گۆڕەپانا راستەقینەیا خۆ دابین بکەن . بەلکی شەرێ خۆ بریە دەرڤەی سنوورێ وەلاتێ تورکیا و باکوورێ کوردستانێ . 

دگەل چریسکا ئازادیا باشوورێ کوردستانێ و ئاڤاکرنا پەرلەمان و حکومەتا ھەرێما کوردستانێ شەرێ نافخۆیی بەرپا کر و پرانیا گوند و دەڤەرێن سنووری یێن ھەرێما کوردستانێ داگیرکرینە و رێگرن لھەمبەر ئاڤاکرنەڤا وان و دەلیڤە بۆ وەلاتێ تورکیا خۆشکریە دەڤەرێ بومبەر باران بکەن وەلاتیێن بێ گونەە بکەنە قوربانی ، لرۆژئاڤایێ کوردستانێ ژی سیاسەتا خۆ سەپاندنێ بکار دئینن و رێگرن لھەمبەر چالاکیێن پارت و رێکخستنێن دیتر . 

دروشمێن خۆژی یێن نەتەوی و نشتیمانی کرینە قوربانی بەرژەوەندێن وەلاتێن داگیرکار و بناڤێ ئازادیا گەلان و چ بھای نادەنە پرنسیپێن نەتەوی .

ھەرچەندە خەلکەکێ رەوشەنبیر و ھشیار ژلایێ نەتەوی و نشتیمانی ڤێ راستیا پەکەکێ دزانن ، لێ ھێشتا خەلکەک و ھندەک لایەنێن سیاسی ھەنە پشتەڤانیا پەکەکێ دکەن و ب پارتیەکا کوردستانێ ھژمار دکەن ، لێ د بنەرەت دا پەکەکە نە حزبەکا کوردستانی یە ، نەژی دگەل ئازادی و رزگاریا کوردستانێ یە ، 

دوومای داخۆیانیا سەرکردێ بەرچاڤێ وان ( مراد کالکان ) دەربارەی ھەرێما کوردستانێ بەلگەنە لسەر روویێ ڕەش و دوژمنکارانەیێ پەکەکێ بەرامبەر ھەرێما کووردستانێ و بزاڤا ئازادیخۆازیا کوردستانێ .

دوورانێ ھەردەم دووریایی دبێژیت " ئەگەر پەکەکە تێکبچیت ( پارتی و ئێکەتی دێ تێکچن و دێ کەڤنە د رەوشەکا خراب دا ) ئەڤە گەفەکا دژوارە دژی ھەرێما کوردستانێ و ئامادەکاریێن وانن بۆ شەرەکێ نافخۆیی و پێتڤی یە ھەلویست بەرامبەر بێنە وەرگرتن ، دیارە کالکانی ژبیر کریە کۆ نە ئەو کوردە و نەژی خەلکێ باشوورێ کوردستانێ ، چما ڤی مافەی ددەتە خۆ ڤان گەفان بکەت ، ل پشکەکا دیترا ئاخفتنێن خۆدا دبێژیت " نەبێژن ئەم رزگار بووین کەس نەھێتە لای مە و دێ ب ئارامی ژین ، یان ئازادی بۆ کەس نابیت ، یان دێ ھەمی پێکڤە ژین و ... ھتد .   ئەڤە بەلگەنە کۆ پەکەکە ب ئاشکرایی دژی ئازادیا ھەرێما کوردستانێ و سازیێن وێ یە ، دیسان گۆتنێ، وی بەرۆڤاژی درۆشمێن وان یێ، ئازادیا گەلانن . دڤێرەدا دیار دبیت پەکەکە کەفتیە بن ئەجندایێن پیلانەکا ھەرێمی دژی ھەرێما کوردستانێ و بەرنامە دارشتیە بۆ تێکدانا رەوشا ئاراما ھەرێما کوردستانێ و ل کوشتنا دبلۆماتکارێ تورکیا ل ھەولێرێ دەستپێکریە و نێزیکربوونا چەکدارێن وان بۆ ناڤ گۆند و باژێرێن کوردستانێ درێژیا وی بەرنامەیە داکۆ بەھانەیێن باشتر بدەنە وەلاتێ تورکیا بۆ بۆمبەبارانکرنا گوند و باژێرێن ھەرێما کوردستانێ .

ئەگەر پەکەکە خۆ ب حزبەکا کوردستانی بزانیت دێ ھاریکاربیت بۆ پاراستنا ڤی دەسکەفتێ نەتەوی ، لێ یا ئاشکرایە ئارمانجا وان ژناڤبرنا ڤێ ئازایێ یە و مفای لسەربۆران وەرناگریت . 

ئەگەر پەکەکە کوردستانی بیت ڤان گەفان ل ھەرێما کوردستانێ ناکەت کۆ ھێشتا وەلاتێن داگیرکارێن کوردستانێ  ئەگەر شەرێ ھەرێمێ ژی کربیت بڤی رەنگی گەفە لێ نەکرنە . جھێ ھندێ پەکەکە مفای ل ئەزمۆنا سیاسی و ئیداریا ھەرێما کوردستانێ نەخاسمە یا لسەر دەستێ نێچیرڤان بارزانی سەرۆکێ ھەرێما کوردستانێ وەربگریت ، ئەو ئەزمۆنا ب سیاسەت و سەرەدەریێن وی لگەل وەلاتان ، خەلکێ کوردستانێ پاراستی و پرۆستا ئاڤەدانێ و گەشەبوونا ئابووری پێشڤە بری و ھەردەم ب ئاشتیانە و دیالۆگێ پرس و ئاریشە چارەسەر کرینە و پەیوەندیێن دبلۆماسی لگەل جیھانێ گەھاندینە ئاستەکێ بلند . 

عەباسێ ئازەری ( دووران کالکان ) باش دزانیت ھەرێما کوردستانێ ئەوا کەسایەتیا نێچیرڤان بارزانی سەرۆکایەتیێ لێ دکەت ، ب پیلان و لەشکرێن وەلاتان لناڤ نەچوویە ، گەفێن وی چ جھان ناگرن ، لێ ژبۆ خۆشکرنا دلێ سپونسەرێن وانن ، ئەوێن ئەڤ پلانە بۆ دارشتی . چونکی یاسایێن نیڤ دەولەتی ژی رێکێ نادەن کەس و رێکخستنێن وەلاتێن دیتر دژی سازیەکا فەرمی و دەستووری راوەستن ، نەخسمە کۆ کالکان و ھژمارەکا ھەڤالێن وی و پارتیا وی د لیستا تیرۆرسێ دانە و ھەرێما کوردستانێ خۆدان پێگەھەکێ بھێزە لسەر ئاستێ ھەرێمێ و جیھانی .





ئەم هەواڵە 466جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad