English | عربی | Kurdî دواهەواڵ
ڕاستەوخۆ  
 
هیچ که‌س رازی نییه‌ كورد له‌ سووریا جیا بێته‌وه‌
2019-08-04 [01:44 AM]

ZNA - هه‌ولێر


 

توێژه‌ری کاروباری سووریا و مامۆستای زانکۆی فلۆرانسی ئیتالیا رایگه‌یاند، هه‌موو پێکهاته‌کانی سووریا دژ به‌ جیابوونه‌وه‌ی کورد له‌و وڵاته‌ن و وتیشی، حیزبه‌كانی دیكه‌ی ئۆپۆزیسیۆنی سووریا پێشوازی له‌ پڕۆژه‌ی کورد بۆ دامه‌زراندنی خۆبه‌ڕێوه‌به‌ری یان فیدڕاڵیزم ناکه‌ن.

جۆزێف داهر توێژه‌ری کاروباری سووریا و مامۆستای زانکۆی فلۆرانسی ئیتالیا به‌ گۆڤاری ژاکۆبینی ئه‌مریکای راگه‌یاندووه‌، به‌و شێوه‌یه‌ که‌ ده‌وترێت پارتی کوردیی ده‌سه‌ڵاتداری باکووری سووریا په‌یوه‌ندییێکی ژێربه‌ژێری له‌گه‌ڵ ده‌وڵه‌تی سووریا نییه‌ چوونکه‌ پارتی یه‌کێتیی دیموکراتی کوردی سووریا (PYD) ئاماده‌ بوو تورکیا کانتۆنی کوردنشینی عه‌فرین له بنده‌ست‌ کورد ده‌ربێنێت به‌ڵام ئه‌و حیزبه‌ ئاماده‌ نه‌بوو مامه‌ڵه‌ له‌گه‌ڵ ده‌وڵه‌تی تورکیا بکات له‌سه‌ر بێده‌نگ‌کردنی چه‌که‌کان له‌ عه‌فرین و پێدانی به‌ ده‌وڵه‌تی سووریا.

باسی له‌وه‌ش كرد، حیزبه‌ ئۆپۆزیسیۆنه‌کانی سووریا پێشوازی له‌ پڕۆژه‌ی کورد بۆ دامه‌زراندنی خۆبه‌ڕێوه‌به‌ری یان فیدڕاڵیزم ناکه‌ن چوونکه‌ زۆربه‌ی گرووپه‌کان له‌ سه‌ره‌تای ده‌ستپێکردنی دانووستانه‌کانه‌وه‌ دژایه‌تیی خۆیانیان له‌گه‌ڵ هه‌ڵگرتنی وشه‌ی عه‌ره‌بی له‌ "کۆماریی عه‌ره‌بیی سووریا" ده‌ربڕیبوو.

جۆزێف داهر وتیشی، هه‌موو پێکهاته‌کانی سووریا دژ به‌ جیابوونه‌وه‌ی کورد له‌و وڵاته‌ن و ئه‌و مه‌سه‌له‌ش به‌شێکی گه‌وره‌ له‌ کورده‌کان ده‌گرێته‌وه‌ چوونکه‌ نزیکه‌ی نیوه‌ی کورده‌کان له‌ دیمه‌شق و حه‌له‌ب ده‌ژین و ژیان له‌و شوێنانه‌ به‌ لایانه‌وه‌ خۆشتره‌ تاکوو ژیان له‌ ناوچه‌ی کوردنشینی سووریا له‌ باکووری ئه‌و وڵاته‌.

ئه‌وه‌شی خسته‌روو، دروسته‌ په‌یه‌ده‌ کۆنتڕۆڵی لایه‌نی کوردی به‌ده‌سته‌وه‌یه‌ به‌ڵام ڕه‌خنه‌یێکی جیدی له‌سه‌ر ڕه‌فتاری ئه‌و حیزبه‌ به‌رانبه‌ر لایه‌نه‌ کوردییه‌کانی نزیک له‌ ئۆپۆزیسیۆنی سووریا هه‌یه‌.

ئه‌و توێژه‌ره‌ی کاروباری سووریا هۆشداری ده‌دات که‌ لایه‌نی ئۆپۆزیسیۆنی ده‌ره‌وه‌ی سووریا و نزیک له‌ تورکیا به‌ هیچ له‌ونێک ڕازی به‌ پێدانی مافی کورد له‌ سووریا نییه‌ و هۆکاری به‌ره‌نگاری توند و تۆڵی تورکیا له‌گه‌ڵ ده‌سه‌ڵاتدارێتیی کورد له‌سه‌ر باکووری سووریا هاوکاریی ئه‌و لایه‌نه‌یه‌ له‌گه‌ڵ ئه‌نقه‌ره‌.

 

 





ئەم هەواڵە 3760جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad