English | عربی | Kurdî دواهەواڵ
ڕاستەوخۆ  
 
مووچە بۆ 13 هەزار مووچەخۆر دەگەڕێندرێتەوە
2019-08-06 [05:58 AM]

ZNA- هه‌ولێر


بەپێی ئەو زانیارییه‌كان، 13 هەزار كەس لەو 18 هەزار كەمئەندامەی مووچەكانیان بڕدراوە، بڕیارە دووبارە مووچەكانیان بۆ خەرج بكرێتەوە.

لە دوو ساڵی رابردوودا، بەهۆی دووبارە پشكنینەوە بۆ كەمئەندامان و خاوەن پێداویستییانی تایبەت، مووچەی 18 هەزار كەس راگیرا.

 

دوای ئەوەی دەرگای تانەدان لە بڕیارەكە كرایەوە، دووبارە پشكنینی پزیشكییان بۆ کرا، دوای وردبینی، ناوی 13 هەزار كەس رەوانەی وەزارەتی دارایی كراوە، بۆ دووبارە خەرجكردنەوەی مووچەكانیان.

 

بەپێی زانیارییەكان، لیستی ناوی ئەو كەسانە ئێستا لە وەزارەتی داراییە، بڕیارە لەگەڵ مووچەی مانگی 5 مووچەكانیان بۆ خەرج بكرێتەوە.

 

مووچەی كەمئەندامان لەنێوان 120 بۆ 150 هەزار دینارە و زیاتر لە 100 هەزار كەسیش لێی سوودمەندن.

 

پێوەند بەم باسەوە، كوێستان محەمەد، وەزیری كاروكاروباری كۆمەڵایەتی رایگەیاند: «دوای جەژنی قوربان مووچەی مانگی ئایاری زیاتر لە 13 هەزار كەمئەندام  خەرج دەكرێت كە مووچەكانیان بەهۆی چاكسازی و دووبارە پشكنین راگیرابوو».

 

جەختی كردەوەی پاش دووبارە پشكنین بۆ خاوەن پێداویستییە تایبەتییەكان دەركەوتووە ئێستا 13 هەزار كەمئەندام مافی ئەو مووچەیەیان هەیە.

 

لەم بارەیەوە شێخ محەمەد گەزنەیی، بەڕێوەبەری تۆڕی كۆمەڵایەتیی ھەولێر رایگەیاند: «ئەوانەی لە دوووبارە پشكنینەوە دەرچوونە، چەند مووچەیان وەرنەگرتبێت، بۆیان خەرج دەكرێتەوە، ئەوەشی دەرنەچووبێت بە یەكجاری مووچەكانیان دەبڕدرێت».

 

جەختیشی كردەوە، چاوەڕوانی وەزارەتی دارایی دەكەن تا مووچەی ئەو كەمئەندامانە خەرج بكرێتەوە، چونكە ئەوەی مافی خۆی وەرنەگرتبێت لە دووبارە پشكنینەوە، پێیان دراوەتەوە.

 

 

باس





ئەم هەواڵە 3283جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad