English | عربی | Kurdî دواهەواڵ
ڕاستەوخۆ  
 
فوئاد حوسێن له‌گه‌ڵ كونسولی تازه‌ی ئابووری ئه‌مریكا له‌به‌غدا كۆبووه‌وه‌
2019-08-06 [08:42 AM]

ZNA-هەولێر


د.فوئاد حوسێن، جێگری سه‌رۆك وه‌زیران بۆ كاروباری ئابووری و وه‌زیری دارایی پێشوازی له‌ كونسوڵی تازه‌ی ئابووری ئه‌مه‌ریكا ده‌كات له‌ به‌غدا.

دوێنێ دووشه‌مه‌ 5/8/2019 د.فوئاد حوسێن ، جێگری سه‌رۆك وه‌زیران بۆ كاروباری ئابووری - وه‌زیری دارایی، پێشوازی له‌ پاتریك جۆن كونسوڵی تازه‌ی ویلایه‌ته‌ یه‌كگرتووه‌كانی ئه‌مه‌ریكا كرد بۆ كاروباری ئابووری له‌به‌غدا و شاندی یاوه‌ری، له‌م دیداره‌دا تیشك خرایه‌ سه‌ر په‌یوه‌ندی دووقۆڵی نێوان عێراق وئه‌مه‌ریكا به‌تایبه‌تی له‌بواری ئابووری دا.

هاوكات باس له‌بارودۆخی ئابووری عێراق و كۆبوونه‌وه‌كانی ئاماده‌كردنی ستراتیژی تازه‌ی بودجه‌ی گشتی ساڵی داهاتوو كرا كه‌ تیایدا یه‌كه‌مین هه‌نگاو نراوه‌ بۆ گۆڕینی بودجه‌ له‌ بودجه‌ی ژماره‌یی بۆ بودجه‌ی ئه‌دا و كاركردن.

له‌لای خۆشیه‌وه‌ كونسوڵی تازه‌ی ویلایه‌ته‌ یه‌كگرتووه‌كانی ئه‌مه‌ریكا ئاماده‌یی وڵاته‌كه‌ی نیشان دا بۆ پاڵپشتیكردنی ئابووری عێراق و به‌هێزكردنی په‌یوه‌ندی دووقۆڵی پێشكه‌وتووی نێوان به‌غدا و واشنتۆن.

هاوكات هه‌ردوولا تیشكیان خسته‌ سه‌ر ئه‌و گرفتانه‌ی كه‌رتی تایبه‌ت به‌هۆیانه‌وه‌ ده‌ناڵێنێت به‌تایبه‌تی كاركردنی كرێكاری بیانی له‌ پرۆژه‌كانی وه‌به‌رهێنان وكاركردن به‌گشتی له‌عێراق.





ئەم هەواڵە 7828جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad