English | عربی | Kurdî دواهەواڵ
ڕاستەوخۆ  
 
پارتی، بارزانیی ،پارێزەری دەستكەوتە نیشتیمانییەكان
2019-08-06 [03:00 AM]

نوسینی : رێبوار حەمەلاو شوانی


پارتی دیموكراتی كوردستان هەر لە یەكەم رۆژی بونیاتنانی تا بەئەمڕۆ ، هەر رۆژێكی تەمەنی ئەم پارتییە سەروەرییەكی بۆ خۆی و بۆ میللەتەكەی تۆمار كراوە، لەبەر ئەوەی هیچ كاتێك سازشی لەسەر مافە رەواكانی كورد نەكردووە، هەمیشە دوژمنان بە چاوی رقەوە لێیان روانیوە و پیلانیان دژی داڕشتووە، سوپاس بۆ خوا و بە پشتیوانیی گەلی كورد و حیكمەتی سەركردایەتییەكەی، گشت پیلانەكانیان بوونەتە بڵقی سەر ئاو، هەر لە ئەنفال و كیمیاباران و گوند سووتانەوە تا دەگاتە بڕینی قوتی خەڵك و هێرشی داعش، داگیركەرانی تر، بەڵام پشتئەستوور بە هێزی جەماوەر، پارتی بە رابەرایەتیی سەرۆكی نەتەوەیی كورد مەسعوود بارزانی كورد بە ئاقارێكی ئارام دەگەیەنێت. ڕۆڵی پارتی وەك پێشەنگ لە هەڵگیرساندنی تەواوی شۆڕش و داستانەكانی نەبەردیدا دیارە، لەوانە شۆرشی ئەیلوول، شۆڕشی گوڵانی پیشكەوتنخواز، داستانی خواكوڕك و ڕاپەرینی مەزنی بەهاری ساڵی 1991، بەشداریكردن لە ڕووخاندنی رژێمی بەعس. دواتر دروستكردنی عێراقی نوێ‌ ،وەك هەمیشە پارتیی دیموكراتی كوردستان خەمخۆری بەرگریكردن لە خاكی كوردستان و پەیامی سەربەخۆییە و بۆ ئەم مەبەستەیش پشتیوانیی جەمارەی خەڵكی كوردستان و كۆمەڵگای نێودەوڵەتیی وەرگرتووە. پارتی هەروەك چۆن وزە و توانای پەرتەوازەی لە چەترێكدا كۆ كردەوە، هەمیشە كاری بۆ ئەوە كردووە یەكریزی و یەكهەڵویستی ریزەكانی گەلی كورد بپارێزێ‌ ،چونكە یەكریزی كلیلی سەركەوتنە . یەكڕیزی و خەبات بۆ وەدەستهێنانی مافی نەتەوەیەك، پەروەردەی كوردانە، برەودان بە هۆشیاریی كۆمەڵایەتی و بەرزكردنەوەی متمانە بەخۆبوونی تاكی كورد، لە پرەنسیپە بنچینەییەكانی پارتین.. وێڕای یەكخستنەوەی ماڵی كورد، پارتی لە خەباتی سیاسی و سەربازی و دیپلۆماسیی خۆی بەردەوام بوو و دەیان و سەدان دۆستی بە پرسی كورد ئاشنا كرد، كە ئێستا لوتكەی ئەو كارە سیاسی و سەربازی و دیپلۆماسیانە لە كوردستاندا دەبینینەوە. لەمپەر و تەگەرە زۆر بوون لەسەر رێگەی پارتیمان، بەڵام بە سەركردایەتیی (سەرۆك بارزانی) و خوێنی شەهیدان و قارەمانێتیی پێشمەرگە و ورە و هاوكاریی جەماوەر هەموو لەمپەرەكان تێك شكێنران، وا كوردستان لە ژێر ئاڵا پیرۆزەكەیدا پە پێشڕەوی (سەرۆك بارزانی) دوایین لەمپەریش پشتسەر دەنێت.
گەر سەرنج بدەین پارتی دیموكراتی كوردستان لەچ قۆناغێكی سەخت و دژوار و لە نێو جەرگەی داگیركەرانی كوردستان دروست بووە، یاخود بارودۆخی ئەو كات چۆن بوو قۆناغێك بوو پڕاوپڕ لە كارەسات تازە كۆتایی بە كۆماری كوردستان هاتبوو لای دوژمانی كورد ئیدی تازە كورد تەواو ناتوانێت سەرهەڵبنێتەوە و كۆتای هاتووە.پارتی دیموكراتی كوردستان بە رێبەرایەتی مستەفا بارزانی كاتەوە بەڵێنی بەخەڵكی كوردستان دا، ئەوە تا من هەم منم درێژە بە خەبات و قوربانی دان دەدەمەوە. منم دەبمە بەرز ڕاگری گەل و نیشیتمان و بەدەست هێنانی مافەكانتان.
بۆیە ئەگەر سەیری ڕابردووی ئەو مێژووە بكەینەوە دەبیین زۆر ئەستەم بووە كە پارتی درێژە بەخەبات بدات بەڵام دامەزرێنەرەكەی جەنەرال مستەفا بارزانی وەك كەسایەتیەكی بەهێزی ناوچەكە و رۆڵی حەكیمیانە ئەم سەركردە مەزنە گڕو تینێكی بێ وێنەی داوەتە قۆناغی دروست بوونی پارتی و خەبات و بەرخودانەكانی.
پارتی دیموكراتی كوردستان بە ڕێبازێكی پڕاوپڕ لە ڕاستی و دروستی و ئامانج و خەبات كردنی لە پێناو نەتەوەیەك و ڕزگار كردنی گەلێك دەستی بە خەباتی چەكداری و سیاسی كرد.
وەك پارتێكی پێشڕەو بەرەو ئومێدی خەڵكی كوردستان بەدیار كەوت ڕۆژ لەدوای ڕۆژ دەبووە جێگای ئومێدی خەڵكی ستەملێكراوی خەڵكی كوردستان.
لە مەیدانی تێكۆشاندا سەرقافڵەی پێشەنگی كوردایەتی و مەردایەتی سەیردەكرا زیاتر جێگای خۆی لە ناو دڵی جەماوەر دەكردەوە.
جەماوەریش بە تێكڕا لەگەڵ سەرەوەریەكانی پارتی تێكەڵ دەبوون. پارتی دیموكراتی كورستان نەك تەنها لە خەبات و تێكۆشان ڕۆڵی هەبووە بەڵكو قوتابخانەیەك بووە بۆ پێگەیاندنی سەركردە و فەرماندە و كادری پێشكەووتووی سیاسیەكان ئەوەتا ئەمە حاشا هەڵنەگرە كە چەندین كادری پێشكەوتووی پارتی بونەتە سكرتێر و سەرۆكی حیزب و لەناو لایەنەكان رۆلێ خۆیان دەبینن، جگە لەوەش بە هەزار كادیری پێشكەوتووی لێ دەرچووە كە ئەوەش بەگەورەترین سەروەرەیەكانی پارتی دەژمێردرێت.
كە بتوانێت كادیر پێ بگەیەنێت خزمەتی بكەن، سەرچاوەی فكری و سیاسی و كوردایەتیان لە پارتی هەڵقوڵاوە.





ئەم هەواڵە 880جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad