English | عربی | Kurdî دواهەواڵ
ڕاستەوخۆ  
 
سه‌رۆكاتیا هه‌رێمێ‌ و پاراستنا ئێزدیان!
2019-08-09 [06:01 AM]

نڤیسینا : رێژین نهێلی


هه‌روه‌كو د گۆتارا خوه‌ دا رێزدار نێچیرڤان بارزانی فه‌رمۆتی كو ب درێژیا دیرۆكێ‌، ئێزدییان گه‌له‌ك فه‌رمان و كاره‌سات و تالی و زه‌حمه‌تی دیتینه‌. مه‌ردانه‌ به‌ڕه‌ڤانی ل خۆ كریه‌ و ب سه‌ر و مالێ‌ خوه‌، دین و باوه‌ڕیا خوه‌ یا ئۆلی و زمان و كولتوور و عورف و عاده‌تێن خوه‌ پاراستینه‌. گیانێ‌ خوه‌ دایه‌، لێ‌ چ جارا ڕاده‌ست نه‌بووینه‌ و دین و باوه‌ڕیا خوه‌ چ جاره‌كێ‌ به‌رنه‌دایه‌. دڤێ‌ ڕێكێدا گه‌له‌ك قوربانی یێت مه‌زن داینه‌. ئه‌م ب ڕێز و پێزانین ئه‌ڤڕۆ لبه‌ر ئیراده‌ و گیانێ‌ به‌ڕه‌ڤانی و خۆپاراستنا ئێزدییا ڕادوه‌ستین و به‌ژنا خوه‌ دچه‌مینین.
ئه‌ڤ گۆتنه‌ وێ‌ راستیێ‌ دسه‌لمینیت كو دێ‌ پاراستنا برایێن ئێزدی جهێ‌ متمانێ‌ بیت و مینا دبێژن هه‌ر به‌ره‌ك ل جهێ‌ خۆ یێ‌ بقه‌دره‌ ، دیار دبیت كو خه‌لكێ‌ هه‌رێما كورستانێ‌ چه‌نده‌ دلسۆزی ئێزدیانه‌ و ئه‌ڤه‌ چه‌نده‌ ژی هه‌ر جه‌نابێ‌ وی د گۆتارێ‌ دا ئاماژه‌ پێ‌ كری و  گه‌له‌ك سوپاسیا خه‌لك و ئیدارا پارێزگه‌ها دهۆكێ‌ و جه‌نابێ‌ پارێزگاری كری كو خه‌لكێ‌ ده‌ڤه‌را دهۆكێ‌ ده‌رگه‌هێن مال و مزگه‌فت و قوتابخانێن خوه‌ بۆ ئاوارێن ئێزدی ڤه‌كرن و هاریكاریا وان كر و كه‌ڤالێ‌ پێكڤه‌ژیان و پێكڤه‌بوونێ‌ و جاره‌كا دی بۆ جیهانی نیشادان، و دوباتی ژی كر و گۆت: ئه‌ز لێره‌ جاره‌كا دی سوپاسیا هه‌موو خه‌لكێ‌ دهۆكێ‌ بۆ ڤێ‌ چه‌ندێ‌ دكه‌م.
ئه‌ڤه‌ ژ لایه‌كی و ژ لایێ‌ خوه‌ ڤه‌ ژی ناهێته‌ ڤه‌شارتن ئه‌و هه‌لویستێ‌ حوكمه‌تا وی یا به‌ری نها ب پێشوازیكرنا ئاواره‌یێن ئێزدی د ناڤا پتر ژ 20كه‌مپان دا و دابینكرنا هه‌موو پێدڤیێن سه‌ره‌كیێن ژیانێ د ناڤا كه‌مپان دا. نه‌خاسمه‌ دوان كاودانێن به‌رته‌نگیێ‌ دا و قه‌یرانا ئابووری و شه‌رێ‌ تیرۆرستێن داعش ل سه‌ر سه‌رێ‌ هه‌رێما كوردستانێ‌ و ئه‌و كاودانێن پشتی هینگی یێن ب سه‌ر مه‌ دا هاتین ژ هێرشێن حه‌شه‌دا شه‌عبی و گه‌ف و گۆرا.
حكوومه‌تا حه‌یده‌ر عه‌بادی و دۆرپێچكرن ژ برینا بۆدجێ‌ و دپێچكرنا فرۆكخانه‌یان، به‌لێ‌ چو كێماسی نه‌بوون د سه‌میانیكرنا ئاواره‌یان دا، ژ بلی وێ‌ نڤیسینگه‌ها نێچیرڤان بارزانی سازكری بۆ ڤه‌گه‌راندنا ره‌ڤاندیێن ئێزدی ژ ده‌ستێ‌ تیرۆرستێن داعشێ‌، رزگاركرنا پتر ژ سێ‌ هزار گرتیێن ئێزدی یێن ده‌ست داعشێ ب رێكا وێ‌ نڤیسینگه‌ها كاروبارێن ره‌ڤاندیان یا گرێدای نڤیسینگه‌ها جه‌نابێ‌ نێچیرڤان بارزانی  بوویه‌. چونكو ڤه‌گه‌راندن ژی پشكه‌كه‌ ژ پاراستنێ‌. هه‌موو تشت ب رۆهنی و ئاشكرایی كه‌فتنه‌ رۆژه‌ڤێ‌ و نیازێن زه‌لال ل هه‌مبه‌ری ڤی بابه‌تی د گۆتارا جه‌نابێ‌ وی دا دیارن ده‌مێ‌ كه‌رمكری و  گۆتی ئه‌م گه‌له‌ك باش ده‌رد و ژان و تالیێن ئێزدیا دزانین، ئه‌م باش دزانین ژیانا پێنج سالا د كه‌مپێن ئاواره‌یێ دا چه‌ندا زه‌حمه‌ته‌، ئه‌م دزانین و دبینین كانێ‌ كۆچبه‌ری و جودابوونا ژ مالباتێ‌ چه‌ندا ب ئێش و ژانه‌. چونكو ئه‌وان ژ ئه‌ڤ دۆخه‌ و ده‌رده‌سه‌ریانه‌ ل رۆژێن سه‌ختێن خه‌باتێ‌ دیتینه‌ و ژیانا ل چه‌ل و چیا و پێشمه‌رگاتیێ‌ به‌ری مه‌ هه‌میان دیتینه‌، جینۆسایدێن ئه‌نفالان و ب هزاران هنداكرنا بارزانیان و ب ساخی بنئاخكرن، هه‌مان كاره‌ساتن. له‌ورا ئه‌و دبێژیت كو ئه‌و باش پێ‌ دحه‌سیێن و  های ژ ڕۆندك و گری و نالینا دایكێت خۆ یێت ئێزدی هه‌یه‌، و دزانین ب دلێ‌ تژی حه‌سره‌ت و كول و كۆڤان، چاڤێ‌ وان یێ‌ ل ڤه‌گه‌ڕا عه‌زیز و خۆشتڤی یێن خوه‌. ئه‌م دزانین كو برینا ئێزدیان گه‌له‌كا كووره‌ و ب ساناهی ده‌رمان نابیت.
لێ‌ دیسا ژی گه‌له‌ك و گه‌له‌ك باش وێ‌ ڕاستیێ‌ ژی دزانن كو ئارمانج و مه‌ره‌ما دوژمنان، بێ‌ ئومێدكرن و ده‌رخێستنا ئێزدیان ژ ئاخ و وه‌لاتێ‌ وان یێ‌ باب و كالان و تێكدانا پێكڤه‌ژیانا خه‌لكێ‌ كوردستانێ‌ یه‌.
ئه‌و بۆ وێ‌ ئێكێ‌ یه‌ كو ده‌رز بكه‌ڤنه‌ دناڤا پێكڤه‌ژیانا كوردستانێ‌ و پاراستنا وان بكه‌ڤیته‌ ته‌قه‌له‌قێ‌.. له‌ورا ژی جه‌نابێ‌ وی گۆت كو مه‌ره‌ما دوژمنان ئه‌وه‌ یا وان دڤێت ئێزدی ل سه‌ر ئاخا خوه‌ نه‌مینن و ده‌ربه‌ده‌ری دونیایێ‌ ببن، بێكه‌س و بێ‌ خودان بن، ده‌ربه‌ده‌ر و كۆچبه‌ری دونیایێ‌ ببن. كۆك و زمان و كولتوور و ئۆلا خوه‌ بهێلن و ژبیر بكه‌ن.





ئەم هەواڵە 904جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad