English | عربی | Kurdî دواهەواڵ
ڕاستەوخۆ  
 
کریڤێ خینێ
2019-08-09 [06:10 AM]

نڤیسینا : کاروان سالح


مروڤاینی و سەرەدەریا جان د ناڤبەرا کوردێ ئێزدی و یێ موسلمان و یێ مەسیحی سەرەدەریەکا گەلەک ب مروڤاتی و هەڤالینی دهێتە کرن ، ئەوا ل سالا ٢٠١٤ ب سەر کوردێن مە یێن ئێزدی دا هاتی ئێکە ژ خالێن رەش یێن دیروکێ ل ڤی سەردەمی ، ئەو کارەساتە بومە وەک کوردێن موسلمان گەلەک یا مەزن بوو و بۆ جهێ دل ئێشێ بۆ هەمی خەلکێ کوردستانێ ، چنکو ئەو خیشک و کچ و دەیکێن مە کوردان بوون ، لێ هندی ئەم بۆ وان خزمەتێ بکەین هەر کێمە ل بەرامبەر وێ کارەساتا بسەر وان دا هاتی چنکو چ نەخوشی ژ نەخوشیا نامیسێ مەزنتر نینن ، لسەر ڤێ کارەساتێ را حەشدا شەعبی و پەکەکێ شنگال یا داگیرکری و مێشکێ کوردێن مە یێن ل وێ دەڤەرێ یێ سەردابری ، ئەڤە ژی بویە ئەگەر کو حکومەتا هەرێمێ نەشیایە شنگالێ ئاڤەدان بکەت د زانین ئەرکێ ئاڤەدانکرنا وێ دکەڤیتە سەر حکومەتا عیراقێ بەلێ سەرەرای وێ چەندێ هەرێما کوردستانێ یا بەرهەڤ بوو و دا ئاڤاکەت شنگالێ لێ بونە رێگر ، دیسان هەر ژ دەستپێکا شەری و تا نهو نێچیرڤان بارزانی سەرۆکێ هەرێما کوردستانێ ل وی دەمی نڤیسینگەهەکا تایبەت پێکئینا ژ بۆ رزگارکرنا کچ و ژن و زەلام و زارویێن مە کوردان ژ دەستێ داعشا تیرورست ، دیسان ب ئامادەبوونا نێچیرڤان بارزانى سه‌رۆكێ هه‌رێما كوردستانێ و مه‌سرور بارزانى سه‌روكێ حكومه‌تا هه‌رێما كوردستانێ بیره‌وه‌ریا پێنچ سالیا كاره‌ساتا شنگالێ ل دهوکێ هاتە ساخكرن و نێچیرڤان بارزانی د گوتارەکێ دا باس ل پێکولێن پارێزگەھبونا شنگال کر و گوت دێ کار ل سەر ڤێ چەندێ ب جدی کەین ، ئەڤە ژی جهێ دل خوشیا شنگالیا یە و وەک خەونەکێ یە بۆ وان ، مەزنترین خزمەت بۆ برایێن مە یێن ئێزدی ئەوە کو کەس و کارێن وان بهێنە قورتالکرن ژ دەستێ کافرا و بۆ ڤێ چەندێ ئەو سوپاسدارێن نێچیرڤان بارزانی نە کو خوە ل وان کریە خودان .
باب و باپیرێن مە دگوتن کریفێ مە یێ خینێ بۆ مرنێ د گەل بن و هاریکار و پشتەڤانێن وان بن ئەو ژی هەروەسا ب خینێ یێن دگەل برایێن خوە یێن موسلمان ، حەژێکرن و رێزگرتن دناڤبەرا کوردێ ئێزدی و یێ موسلمان گەلەک یا بلندە و ب چاڤەکێ مەزن سەحدکەنە ئێک ، ل دەمێ ئاوارەبونا وان بومە دیاربو کانێ چەند ئەو ب بهانە ل دەف خەلکێ خوە یێ دهوکێ و دەم ل دەست مزگەفت و قوتابخانە و مالێ خوە بۆ وان ڤەکرن و هاریکارییا وان کرن و تا نهو ژی سەرەدەریا کەسێ مالێ یا ل گەل د هێتە کرن ژ لایێ حکومەت و وەلاتیان ڤە ، رەوشتێ بەرز یێ مروڤێ کورد ل بەرتەنگیا دیاردبیت و ب ئەرکێ خوە رابون ب تایبەت سەروکێ هەرێمێ نێچیرڤان بارزانی.





ئەم هەواڵە 856جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad