English | عربی | Kurdî دواهەواڵ
ڕاستەوخۆ  
 
كێ‌ نه‌هێلا پێكڤه‌ژیان بژاله‌ببیت؟!
2019-08-10 [06:47 AM]

نڤیسینا : زۆزان هارۆن


چه‌ندین په‌یڤێن خۆش و سه‌ره‌نجراكێش ژ لایێ‌ سه‌رۆكێ‌ هه‌رێما كوردستانێ‌ رێزدار نێچیرڤان بارزانی ڤه‌ هاتنه‌ ئاراسته‌كرن بۆ كوردێن ئێزدی ل سالڤه‌گه‌ڕا پێنجێ‌ یا جینۆسایدكرنا ئێزدیان دا، كو ل باژێرێ‌ دهۆكێ‌ هاته‌ برێڤه‌برن، گۆت كو كوردستان و ئێزدی ژێك ناهێنه‌ جوداكرن و  ئه‌و د خه‌م و كۆڤان و ژانێن ئێزدیا دگه‌هن. په‌یامه‌كا پر بهابوو بۆ وان لایه‌نێن هاندانێ‌ دكه‌ن كو كوردێن ئێزدی ژ كورد و كوردستانێ‌ دووربێخن و ئاگرێ‌ فتنێ‌ بهێته‌ چاندن، به‌لێ‌ ئه‌ڤ په‌یامه‌ یا رۆهن و ئاشكرابوو كو سه‌میان خوه‌دیێ‌ ڤی گه‌لێ‌ مه‌زلۆم هه‌یه‌، و سۆز داینه‌ وان د گه‌ل وان دابیت هه‌تا دووماهیێ‌ زێده‌باری دۆپاتكرنێ‌ ل سه‌ر وێ‌ یه‌كێ‌ كو ئێزدیاتی و لالش و شنگال و شه‌رفه‌دین، ل كوردستانێ‌ ناهێنه‌ جوداكرن. چنكو ب راستی ئه‌و كاره‌ساتا هاتیه‌ سه‌رێ‌ برایێن ئێزدی مینا جه‌نابێ‌ وی كه‌رمكری كو هیچ كه‌سه‌كی باوه‌ر نه‌دكر دێ‌ د سه‌د سالا بیست و ئێكێ دا تاوانه‌كا هنده‌ دڕنده‌ و نه‌مرۆڤایه‌تی ب ڤی ره‌نگی ببینیت. كاره‌ساته‌كا نه‌چاڤه‌رێكری بوو، كیانێ‌ هه‌میان هه‌ژاند، جه‌نابێ‌ وی ب وێ‌ پیرۆزیێ‌ و پایه‌به‌رزیێ‌ ڤه‌ گۆت ئه‌م خوه‌ لبه‌ر گیانێ‌ پاقژێ‌ جانگۆریێن كۆمكوژیا ئێزدیان دچه‌مینین. و ئه‌و چ جاران ژبیرا وان ناچن، هه‌تاهه‌تا دێ‌ مینن پشكه‌ك ژ بیردانكا نیشتمانیا هه‌ڤپشك یا هه‌موو گه‌لێ‌ كوردستانێ‌. ته‌كه‌زیا سه‌رۆك نێچیرڤان بارزانی ل سه‌ر موكمیا گه‌هێن پێكڤه‌ژیانێ‌ ل سه‌ر ئێزدیان، ژ بۆ وێ‌ نموونا زێندی یه‌ یا كولتوورا پێكڤه‌ژیانێ‌ ل گه‌ل پێكهاتێن دی یێن كوردستانێ‌ ل ڤی وه‌لاتی، ل سه‌ر ئاخا بابوكالێن خوه‌ ماینه‌ و په‌سنا وێ‌ ئێكێ‌ دكه‌ت كو جه‌نابێ‌ وان بۆ هه‌تا هه‌تا سه‌ربلند و سه‌رفراز دێ‌ ل سه‌ر ڤێ‌ ئاخێ‌ مینن.
هه‌ر  دیسا ژ وان په‌یڤێن ره‌سه‌ن مینا ره‌سانتیا ئێزدیان ئه‌و بوون ده‌مێ‌ گۆتی كو دێ‌ مینن و دێ‌ لالشا نوورانی و میرگه‌ها شه‌رفه‌دین پارێزن، كوردستان ژی هه‌ر دێ‌ مینین وارێ‌ پێكڤه‌ژیانێ‌ و مالا هه‌موو پێكهاتێن دینی و یێن نه‌ته‌وه‌یی د ڤی وه‌ڵاتی دا، ئه‌ڤ په‌یڤانه‌ بوونه‌ جهێ‌ دلخۆشیا وان كه‌سوكارێن قوربانیێن ئێزدی یێن نه‌خۆشی و ده‌رده‌سه‌ری دیتین، برینێن وان سارێج بوون و هه‌ست ب هه‌بوونا سه‌میانه‌كی كرن، نه‌خاسمه‌ پشتی كو میره‌ك بۆ هه‌موو ئێزدیێن جیهانێ‌ هاتیه‌ هه‌لبژارتن. و لسه‌ر پێكڤه‌ژیانێ‌ جه‌نابێ‌ وی قه‌وله‌كێ‌ جوانێ‌ ئێزدیان ئینا زمان، كو كوردستان و ئێزدی چ جاران ناهێنه‌ ژێكجوداكرن. ئێزدی د قه‌وله‌كێ‌ خوه‌ دا دبێژن:
ئه‌م ئێزدینه‌
سه‌رناڤێ‌ سولتان ئێزینه‌
ب ئۆل و ئه‌ركانێت خۆ دڕازینه‌..
جابێ‌ بده‌نه‌ كوردستانێ‌
بلا قایم كه‌ن ئیمانێ‌
شه‌رفه‌دین میره‌ ل دیوانێ‌..
ڤێ‌ گۆتنێ‌ ب راستی باندۆرا خحوه‌ نه‌ ب تنێ‌ ب سه‌ر ئێزدیان بخوه‌ كریه‌، به‌لێ‌ زۆربه‌یا هه‌ڤوه‌لاتیێن كوردستانێ‌ خۆشبوون وه‌سا ب زاره‌كێ‌ پاك و نێزیك ده‌ڤۆكا ئێزدیان كه‌ره‌مكر. ب خۆشحالی ڤه‌ و ب درووشمێ‌ پێكهاتنیا سه‌رۆكاتی و حوكمه‌تا هه‌رێمێ‌ جه‌نابێ‌ وی سۆز داینه‌ ئێزدیان كو دێ‌ یێ‌ هاریكار بیت و دێ‌ هه‌موو پشته‌ڤانیێ‌ بۆ كه‌ت، داكو خه‌لكێ‌ مه‌یێ‌ ئێزدی ل وه‌لاتی بمینن، ل وه‌ڵاتێ‌ خوه‌ و ل كوردستانێ‌، ل به‌ر سیبه‌را لالشا نوورانی و میرگه‌ها شه‌رفه‌دین بمینن، پشتڕاستی و باوه‌ری بۆ وان ڤه‌گه‌ڕیت. كۆكا ئێزدیاتیێ‌ ل ڤی وه‌لاتی، ل سه‌ر ڤێ‌ ئاخێ‌ یه‌ ئێزدیاتی ل ڤێره‌یه‌.





ئەم هەواڵە 1846جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad