English | عربی | Kurdî دواهەواڵ
ڕاستەوخۆ  
 
كێشه‌ی نێوان مه‌لا فاتیح شارستێنی و مه‌لا هه‌ڵۆ چاره‌سه‌ركرا
2019-08-18 [11:43 AM]

ZNA- هه‌ولێر


یه‌كێتی زانایانی ئایینی ئیسلامی كوردستان بڵاویكردووه‌ته‌وه‌، له‌سه‌ر راسپارده‌ی دكتۆر عه‌بدوڵڵا مه‌لا سه‌عید، سه‌رۆكی یه‌كێتییه‌كه‌، كێشه‌ی نێوان مه‌لا فاتیح شارستێنی و مه‌لا هه‌ڵۆ حەمە رەشید چاره‌سه‌ر كراو.

به‌ گوێره‌ی راگه‌یه‌ندراوی یه‌كێتییه‌كه‌، كه‌ له‌ وێبسایتی فه‌رمی خۆیان بڵاویانكردووه‌ته‌وه‌، ئه‌مڕۆ 18ی ئابی 2019، هه‌ریه‌ك له‌ مه‌لا فاتیح و مه‌لا هه‌ڵۆ بانگهێشتنی لقی سلێمانی یەکێتی زانایان کران و كۆتایی به‌ كێشه‌ی نێوانیان هێنراوه‌.

له‌ماوه‌ی چەند رۆژی رابردوو لەرێی وتاری هەینییەوە، وەك کاردانەوە به‌هۆی كلیپێكی هونه‌رییه‌وه‌ هه‌ردوو مه‌لاكه‌ قسەیان ئاراستەی یەك کرد و ئەمەش کاردانەوەی زۆری لە تۆڕە کۆمەڵایەتیەکانەوە بەدوای خۆیدا هێناو نیگەرانی لێکەوتەوە، یەکێتی زانایانیش بەمەبەستی چارەسەری گونجاو، رێکار و هەنگاوی پێویستی گرتەبەر.

یه‌كێتی زانایان دووپات له‌وه‌ش ده‌كاته‌وه‌، کە مینبەر شوێنی کاردانەوە و قسەی نەشیاو نییە و ناکرێ بە توندی و زمانی هەڕەشە مامەڵە بکرێت، چونکە ئەمە لەگەڵ پەیامی ئیسلام یەکناگرێتەوەو زەمینەی ناحەزانی ئیسلام خۆش دەکات و لەو پەنایە توانج و قسەی ناشیرین بەرامبەر مینبەرو زانایان و گوتاری ئایینی دێتە ئاراوە.

ئاماژه‌ به‌وه‌شكراوه‌، دواتر هەردوو مامۆستا ئاشتکرانەوە و گەردەن ئازایی و لێبوردنیان ئاراستەی یەك کردو لە "کەشێکی برایانە" بڕیار درا جارێکی دیكه‌ شتی لەو شێوە دووبارە نەبێتەوە و لاپەڕەیەکی تازە بکەنەوە.

پێشتر به‌ هۆی بڵاوبوونه‌وه‌ی كلیپێكی هونه‌رمه‌ند ماریا هه‌ورامی، له‌ تۆمارێكی ده‌نگی، مه‌لا هه‌ڵۆ قسه‌ به‌ هونه‌رمه‌نده‌كه‌ ده‌ڵێت، هه‌رچه‌نده‌ دواتر په‌شیمانی خۆی له‌ گوته‌كانی ده‌ربڕی، له‌ به‌رامبه‌ریشدا مه‌لا فاتیح شارستینێ له‌ گوتاری هه‌ینیدا، وه‌ڵامی مه‌لا هه‌ڵۆی دایه‌وه‌ و له‌ دژی گوته‌كانی هاته‌ده‌نگ.

ئه‌مڕۆش كێشه‌ی نێوان هه‌ردوو مه‌لاكه‌ له‌ لقی سلێمانی یه‌كێتی زانایانی ئایینی ئیسلامی كوردستان چاره‌سه‌ركرا.





ئەم هەواڵە 2797جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad