English | عربی | Kurdî دواهەواڵ
ڕاستەوخۆ  
 
تەمەنەک بۆ پێشخستنا کەرتێ خواندنا بلند
2019-08-19 [05:10 AM]

نڤیسینا : زێره‌ڤان ته‌مو


(73)ساڵ ب سه‌ر دامه‌زراندنا پارتى دیموكراتى كوردستان ده‌رباز دبن ، ئه‌و پارتیا ب باوه‌رى و ئومێد و به‌رچاڤ روونیه‌كا مه‌زن و مسوگه‌ر ، بۆ بجهئینانا خه‌ون و ئارمانجێن ملله‌تێ كوردستانێ و ئاڤاكرنا ده‌وله‌تا كوردستانێ یا سه‌ربخو و بده‌ستڤه‌ئینانا ئایینده‌یه‌كێ پر ده‌ستكه‌فت و گه‌ش ، (73) ساڵێن پڕ خه‌بات و شانازى و كوردایه‌تى ده‌ربازكرى، ئه‌و پارتیا ل سه‌ر ده‌ستێ رێبه‌رێ نه‌ته‌وه‌یا كورد بارزانیێ نه‌مر ل روژا 16/ 8/ 1946 ێ هاتیه‌ ئاڤاكرن كو  ئه‌ڤه‌ ده‌مه‌كێ دا بوو تازه‌ شه‌رێ جیهانێ یێ دوویێ بدوماهیك هاتبوو  ، هه‌ر چه‌نده‌ به‌رییا دامه‌زراندنا پارتى دیموكراتى كوردستان چه‌ند حزب و رێكخراو و بزاڤێن كوردى هه‌بوون لێ ئه‌ڤان نه‌‌كاریبوو ته‌ڤایا گه‌لێ كوردستانێ ل بن ئێك چادرگه‌ه كوم بكه‌نه‌ڤه‌ و ببنه‌ رێكخستنه‌كا بهێز دنێڤ ته‌ڤایا ته‌خ و چینێن كوردستانێ دا ، له‌وما دامه‌زراندنا پارتى دیموكراتى كوردستان ل وى سه‌رده‌مى پێدڤییه‌كا گه‌له‌كا فه‌ر و گرنگ بوو بۆ گه‌لێ كوردستانێ دا ده‌ربرینێ ژ ماف و ئیرادا كوردستانیان بكه‌ت و كه‌سێن تێكوشه‌ر و  كوردپه‌روه‌ر ل هه‌مى ته‌خ و چینان ل ته‌ڤایا كوردستانێ ل  ژێر رێكخستنه‌كا بهێز و یه‌كگرتى و سه‌رتاسه‌رى خه‌باتێ ل پێناڤ مافێن ره‌وا یێن گه‌له‌كێ زولم لێكرى بكه‌ن .
پارتى دیموكراتى كوردستان د ژیێ خۆ یێ (73)ساڵى دا شیایه‌ چه‌ندین ده‌ستكه‌فتێن نه‌ته‌وه‌یى و نیشتیمانى تومار بكه‌ت و یا دیار و به‌رچاڤه‌ژى هه‌ر د دیرۆكێ دا هه‌تا نوكه‌ پارتى دیموكراتى كوردستان زێده‌تر ژ هه‌میان پێداگیریێ ل سه‌ر هه‌لویست و ئارمانج و به‌رژه‌وه‌ندیێن نه‌ته‌وه‌یى و نیشتیمانى یێن گه‌لێ كوردستانێ دكه‌ت ،و هیچ ده‌مه‌كێ ژى ته‌سلیم ب ئیرادا دوژمن وداگیركه‌رێن كوردستانێ نه‌بوویه‌ و نابیت ژى وخودانێ بریارا خۆیه‌ و بریارێ ل كه‌سێ ژى وه‌رناگریت ، له‌وما رۆژ ب رۆژ بهێز دبیت و سه‌ركه‌فتن لدویڤ سه‌ركه‌فتنێ بۆ كورد وكوردستانیان تومار دكه‌ت و پیلانێن دوژمن وداگیركه‌رێن كوردستانێ ودویڤه‌لانكێت وان ژناڤ دبه‌ت ...
دیسان بیره‌وه‌ریا ژ دایك بونا سه‌رۆكێ هێژا مه‌سعود بارزانى یه‌ و ئه‌و سه‌روكێ هه‌مى ژیانا خۆ ل پێناڤ دوزا ره‌وایا گه‌لێ كوردستانێ مه‌زاختى یه‌ و مێژوویه‌كا پر سه‌روه‌رى تۆماركریه‌ و ئه‌ڤرۆ ژى ب شانازی ڤه‌ خۆ ب پێشمه‌رگه‌ دزانیت ..
و بڤێ هه‌لكه‌فتا پیرۆز بفه‌ر دزانین دپێشیێ دا سلاڤ و رێزگرتنێن بێ دوماهیك پێشكێشى بابێ روحى یێ گه‌لێ كورد و دامه‌زرێنه‌رێ پارتى دیموكراتى كوردستان بارزانیێ نه‌مر و كاك ئیدریسێ هه‌رده‌م ساخ و ته‌ڤایا شه‌هیدێن بزاڤا رزگاریخوازا كوردستانێ بكه‌ین .
هه‌ر ب ڤێ هه‌لكه‌فتێ پیروزباهیێن گه‌رم پێشكێشى جه‌نابێ سه‌رۆكێ هێژا وخوشته‌ڤى رێزدار مه‌سعود بارزانى دكه‌ین ، وپیرۆزباهیێن خۆ ئاراسته‌یى سه‌ركردایه‌تیا پارتى دیموكراتى كوردستان و پێشمه‌رگه‌یێن قه‌هره‌مان و ته‌ڤایا كادر وئه‌ندام و لایه‌نگرێن پارتى و خه‌لكێ شه‌ره‌فمه‌ندێ كوردستانێ دكه‌ین ، ده‌ستێن دایكوبابێن شه‌هیدێن سه‌ربلند ماچ دكه‌ین و دبێژینه‌ وان به‌رهه‌مێ خه‌بات و قوربانیدانا وه‌یه‌ ئه‌م ئه‌ڤرۆ گه‌هشتینه‌ ڤێ ئاستێ سه‌روه‌رى و سه‌ركه‌فتنێ و مه‌ شكست ب پیلانێن دوژمن و داگیركه‌ران ئینان .
ئه‌ڤرۆ ژى دده‌مه‌كێ دا كو ئه‌ڤێ هه‌لكه‌فتا پیرۆز ساخ دكه‌ین گه‌لى كوردستانێ پتر ژ هه‌ر ده‌مه‌كێ پێدڤى ب ئێك هه‌لویستیا نه‌ته‌وه‌یى ونیشتیمانى رێكخستنا ناڤماڵا كوردى هه‌یه‌ تاكو هه‌مى مافێن خۆ یێن ده‌ستوورى و یاسایى بده‌ستڤه‌بینیت و كوردستانى ب مافێن خۆ یێن ره‌وا شاد ببن ، دیسان د ده‌مه‌كێ ئه‌م ئه‌ڤێ هه‌لكه‌فتا پیروز ساخ دكه‌ین كو رێزدار نێچیرڤان بارزانى هاتیه‌ هه‌لبژارتن بو پوستێ سه‌رۆكایه‌تیا هه‌رێما كوردستانێ خویایه‌ پێشكه‌ڤتن و پێشڤه‌چوونا هه‌ر وه‌لاته‌كى بیاڤ و كه‌رتێ خواندنێ دایه‌ ئه‌گه‌ر سیناهییه‌كا پوخت و كورت به‌رده‌ینه‌ سه‌ر رۆلێ نێچیرڤان بارزانى بتنێ دبیاڤێ پێشخستنا كه‌رتێ خواندنا بلند دێ بینین پشتى سه‌رهه‌لدانا پیروزا گه‌لێ مه‌ ب تنێ دوو زانكویێن حكومى ل هه‌رێما كوردستانێ هه‌بووینه‌ لێ دنهادا 19 زانكویێن حكومى و 3 زانكویێن پولى ته‌كنیك هه‌نه‌ هه‌روه‌ها ب ده‌هان ئاڤاهى و تاقیگه‌هێن زانستى هاتینه‌ ئاڤاكرن و ب هزاران مامۆستا د باوه‌رنامێن بلند ل ڤان زانكۆیان وانان دبێژن هه‌ڤده‌م 19 زانكۆیێن تایبه‌ت و ئه‌هلى هاتینه‌ ئاڤاكرن دگه‌ل هه‌بوونا 14 په‌یمانگه‌هێن تایبه‌ت ل كوردستانێ هاتینه‌ ڤه‌كرن و پێشبینین مه‌زنتر ل جه‌نابێ ئه‌ندازیارێ ئاڤه‌دانیێ دهینه‌كرن ئه‌ڤ گاڤ ژى هانده‌رن ژبۆنا ئاڤاكرنا  كوردستانه‌كا بهێز. ل دوماهیێ فه‌ره‌ بده‌مه‌ خویاكرن كو هه‌مى ده‌مان پارتى دیموكراتى كوردستان سه‌روكانى و ژێده‌رێ پاراستن و به‌رگرى و به‌ره‌ڤانییا بهایێن نیشتیمانى و نه‌ته‌وایه‌تى و مرۆڤایه‌تى بوویه‌  و دهه‌مى دیرۆكا خوه‌ یا پڕ سه‌روه‌رى دا پارتى بنیاتێ ئێكرێزى و تفاق و هاریكارى و ئێك هه‌لویستیێ بوویه‌ ل كوردستانێ .
سڵاڤ و رێز ل گیانێ پاقژێ ماموستایێ فێرگه‌ها كوردینیێ و دامه‌زرێنه‌رێ پارتى دیموكراتى كوردستان بارزانیێ نه‌مر و كاك ئیدریسێ هه‌رده‌م ساخ و ته‌ڤایا شه‌هیدێن بزاڤا رزگاریخوازا كوردستانێ .





ئەم هەواڵە 1627جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad