English | عربی | Kurdî دواهەواڵ
ڕاستەوخۆ  
 
له‌ عێراق رێژه‌ی تووشبوون به‌ ئایدز به‌رزده‌بێته‌وه‌
2019-08-20 [01:05 AM]

ZNA-هه‌ولێر


حاڵه‌ته‌كانی تووشبوون به‌ نه‌خۆشی ئایدز له‌ عێراق زیاد بووه‌ و به‌ڕێوه‌به‌ری فه‌رمانگه‌ی ته‌ندروستی پارێزگای زیقار ده‌ڵێت: "له‌ ساڵی 2019 دا حاڵه‌ته‌كانی تووشبوون به‌ ئایدز دوو به‌رامبه‌ر زیادیكردووه‌".

دكتۆر حه‌یده‌ر حه‌نتوش، به‌ڕێوه‌به‌ری به‌شی ته‌ندروستی گشتی له‌ فه‌رمانگه‌ی ته‌ندروستی زیقار له‌ لێدوانێكی رۆژنامه‌وانیدا گوتوویه‌تی: "ساڵی رابردوو له‌ سنووری پارێزگاكه‌دا ته‌نها 4 حاڵه‌تی تووشبوون به‌ ڤایرۆسی ئایدزمان هه‌بووه‌، به‌ڵام ئه‌مساڵ گه‌یشتووه‌ته‌ 10 حاڵه‌ت".

هه‌روه‌ها گوتوویه‌تی: "ته‌ندروستی پارێزگاكه‌ كار بۆ گرتنه‌به‌ری ریوشوێنی زیاتری خۆپارێزیی دژی نه‌خۆشییه‌كه‌ ده‌كات و رێنمایی و ئامۆژگاریی هاووڵاتیان ده‌كات بۆ ئه‌وه‌ی مه‌كینه‌ی سه‌رتاشین و هیچ كه‌ره‌سته‌یه‌كی دیكه‌ كه‌ له‌ رێگه‌یه‌وه‌ خوێن بگوازێته‌وه‌ به‌ هاوبه‌شیی به‌كارنه‌هێنن".

یه‌كێكی دیكه‌ له‌ هۆكاره‌كانی زیادبوونی تووشبوون به‌ نه‌خۆشییه‌كه‌ی بۆ چوونه‌ ده‌ره‌وه‌ی هاووڵاتیان و گه‌ڕانه‌وه‌یان له‌ وڵاتانی دیكه‌ و ئه‌نجامنه‌دانی پشكنینی پزیشكی و هه‌ڵسوكه‌وت و موماره‌ساتی نه‌گونجاو و ئه‌نجامدانی نه‌شته‌رگه‌ری وه‌ك تاتۆ و كه‌ڵه‌شاخ (حیجامه‌) گه‌ڕاندووه‌ته‌وه‌.

 





ئەم هەواڵە 9676جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad