2019-08-20 [01:23 AM]

داوا لە عادل عەبدولمەهدی سەرۆک وەزیرانی عێراق دەکرێت، بڕیاری هەڵوەشاندنەوە و رێکخستنەوەی حەشدی شەعبی هەڵپەسێرێت.
مەنار عەبدولموتەڵیب ئەندامی ئەنجوومەنی نوێنەران، لە هاوپەیمانیی بونیادان، داوای لە عادل عەبدولمەهدی سەرۆک وەزیرانی عێراق کرد، بڕیاری هەڵوەشاندنەوە و رێکخستنەوەی حەشدی شەعبی هەڵپەسێرێت و هۆکارەکەشی بۆ بە ئامانج گرتنی پێگە و جبەخانەکانی حەشد گێڕایەوە. 
ئەو پەرلەمانتارە ئاماژەی بۆ ئەمەش‌کرد، ئەو بڕگەیەی لە بڕیاری رێکخستنەوەی حەشدی شەعبیدا هاتووە، لەبارەی دیاریکردنی شوێنی پێگەکانی حەشد، دەبێتە هۆکارێک بۆ بە ئاسانی بە ئامانج گرتنی ئەو بنکانە لەلایەن ئەو وڵاتانەی نەیاری حەشدن.