English | عربی | Kurdî دواهەواڵ
ڕاستەوخۆ  
 
٧٣ سالێن تەمەنی رێباز بەردەوام و بهێزترە
2019-08-21 [05:29 AM]

نڤیسینا : کاژین نزار


١٦ئاب، ڕۆژا ژدایکبوونا مەزنترین و ب تەمەنترین پارتا نیشتیمانی ل ھەرێما کوردستانێ، ٧٣یەمین سال ڕۆژا دامەزراندنا پارتی دیموکراتی کوردستان ل سەر دەستێ بابێ روحیێ نەتەوەی (مەلا مستەفا بارزانیێ نەمر) ل ١٦/٨/١٩٤٦ لسەر وی بنەمای کۆ خەباتێ بکەن ژبۆ کوردستانەکا دیموکرات و ئازاد و سەربەخۆ ھات دامەزراندن، کو درۆشمێ وێ نویبوون و دادپەروەری و پێکڤە ژیان، و ھێمایێ وێ یێ سەرەکی ھێمایێ خوینا شەھیدێن کوردستانێ و خەباتا بەردەوام ژ پێخەمەت ب دەستڤەئینانا ئازادی سەرفەرازیا کوردستانێ.
پارتی دیموکراتی کوردستان نەھات دامەزراندن کۆ بتنێ ناڤ بیت بەلکۆ بو سومبوڵەکا نەتەوەی ژبۆ ھەموو کوردان، ب کومەکا ئارمانجان ھات دامەزراندن، بھێزکرنا پەیوەندیێن برایانە و پشگیری و ھاریکاریکرن دگەل ھەموو حزب و رێکخراوێن دیموکرات و ئاشتیخۆاز و رەوەندێ کوردی، ڤەگەراندنا ھەموو وان ناڤچێن دابری بۆ سەر ھەرێما کوردستانێ ب رێکا وان میکانزمێن ل ماددەیێ١٤٠ێ دستوورێ عێراقا فیدراڵدا ھەین، و دیسان ئارمانجێن نیشتیمانی خوەشکرن بۆ بنیاتنانا کۆمەڵگەھەکا مەدەنی، و پاراستن و پەرەپێدانا ھەموو وان دەستکەفتێن نەتەوەی و سیاسی و ئابووری و کەلتووری کۆ ب خەباتەکا مێژووی وەرگرتینە، و دبنەرەتدا بەرھەمێ خوینا شەھیدان و قوربانی دانا گەلی، دابینکرنا مافێ ھەر پێکھاتەیەکا ئاینی و مەزھەبی، دیسان باشترین پەیوەندی دگەل حزبێن دیێن ھەرێما کوردستان و عێراقێ، کە ھەمیشە ئارمانجا بارزانیێ نەمر و سەرۆك مەسعود بارزانی کاك ئدریسێ ھەردەم ساخ و رێبازا وان یا بەردەوام نێچیرڤان بارزانی و مەسرور بارزانی (ئاشتی و دوستایەتی) بوویە، وە چەندین ئارمانجێن دن. دیسان پشتگیریکرن و ب ھێزکرنا پەیوەندیێن دوبلوماسی ب تایبەتی ل سەر دەمێ دەست ب کاربوونا نێچیرڤان بارزانی ژبۆ سەرۆکێ حکومەتێ و ھەتا نھا کۆ سەرۆکێ ھەرێمێ یە، کوردستان بوویە خوەدیا پەیوەندیێن بھێزێن نیڤدەولەتی، پشتگیریکرنا پێکۆلا وەلاتێن دۆست و ھەموو ئەو رێکخراوێن نیڤدەولەتیێن حکومی و نەحکومی کۆ بەشدارن د رابوونا سیاسی و ئابووری و کەلتووری یا ھەرێما کوردستانێدا، و چارەکرنا کێشەیان ب ئاشتیانە و رەوا.
ھەلبەت تیما پارتی ل سەردەمێ دەستبکاربوونا نێچیرڤان بارزانی د حکومەتێ دا، کوردستانێ بەرەف پێشچوونەك مەزنتر ب خوەڤە دیت د ھەموو بیاڤێن(خزمەتگۆزاری، پەروەردە، زانکۆ و پەیمانگەھ، وەرزش، ھونەر، ئاڤەدانیا گۆند و باژێران، پەترۆڵ، دامەزراندن، پێکڤە ژیان و ئاڤاکرنا پەرستگەھێن ھەموو ئاینان...ھتد) و ڕوڵەکێ سەرەکی گێرایە، ئەگەر فۆکسا خوە دانینە لسەر پیاڤێ ھونەری و گرنگیا وێ ژ ئالیێ نێچیرڤان بارزانی ڤە پێشکەفتنا وێ یا بەردەوام ل هەرێمێ، فەستیڤاڵێن ھونەری و کەلتووریێن نیڤدەولەتی ل ھەرێما کوردستانێ، فلمە فەستیڤاڵا نیڤدەولەتییا دھۆکێ کۆ (شەش) گەرێن وێ ھاتینەکرن، فلمە فەستیڤاڵاسلێمانیێ (سێ) گەرێن وێ ھاتینەکرن، فلمە فەستیڤاڵا دژە تیرۆرا نیڤدەولەتی ل ھەولێرێ، فلمە فەستیڤاڵا کەلتوورێن جیاواز ل رانیە بۆ دەما (پێنچ) سالانە بەردەوام دھێتەکرن، فەستیڤاڵا ھەولێرێ یا شانۆیا نیڤدەولەتی، دیسان (١٤)گەرێن پێشانگەھا نیڤدەولەتیا پەرتووکان، ئەڤە ھەموو و زێدەباری ھەبوونا گەلەك فەستیڤاڵ و چالاکیێن ناڤخوەیی.
ل داویێ ١٦ئاب، سال ڕۆژا دامەزراندنا پارتی دیموکراتی کوردستان و ژ دایكبوونا سەڕۆك و راپەرێ کورد سەرۆك(مەسعود بارزانی) پیرۆزە ل ھەموو لایەنگرێن پارتی و ھەموو کورد و کوردستانیێن ریفراندومچی یێن ئازادی خۆاز.





ئەم هەواڵە 622جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad