English | عربی | Kurdî دواهەواڵ
ڕاستەوخۆ  
 
سه‌رده‌مێ زێرینێ خواندنا بلند
2019-08-23 [08:12 AM]

نڤیسینا : دیــنــدار مسته‌فا


خویا كو ئێك ژ خالێن بهێز بۆ پێشكه‌فتن و گهۆرینا هه‌ر ملله‌ته‌كێ دئه‌ڤرۆدا ب خواندن و زانستیڤه‌ یا گرێدایه‌، ئه‌ڤجا ب هه‌ر شێواز و میكانزمه‌كێ  یان دهه‌ر قوناغ و سه‌رده‌مه‌كێدا بیت. هه‌لبه‌ته‌ ره‌وشا خواندنێ ل هه‌رێما كوردستانێ بگشتى به‌ریا دامه‌زراندنا پارتى دیموكراتى كوردستان وه‌كو حزبا سه‌ركێش ل باشورێ كوردستانێ دئاستێ پێتڤى دا نه‌بوو، به‌لكو دگه‌ل ژ دایكبوونا پارتى، شوره‌شێن مه‌زن دوارێ سیاسى و خه‌باتا چه‌كدارى و گهورینێن جڤاكى و ئابورى و زانستى و مه‌عریفى په‌یدابوون و كاریگه‌ریه‌كا راسته‌وخۆ ل سه‌ر هوشمه‌ندیا جڤاكێ كوردى په‌یداكر. ئه‌ڤه‌ سه‌ره‌رایى رێگریكرنا به‌رده‌واما دوژمنێ ملله‌تێ كورد ل سه‌ر كونترولكرن یان نه‌چاركرنا ملله‌تێ كورد ل باشورێ كوردستانێ ب هه‌مى رێكێن هوڤانه‌ ئه‌وێن دژى هه‌مى خواست و حه‌زێن مرۆڤى. به‌لێ پارتى و ئالیگرێن ئایدولوژیا رێبازا بارزانیێ گوره‌پان بۆ دۆژمنى بجه نه‌هێلا. به‌لكو به‌رده‌وامیى دا ئه‌ڤێ رێبازا پیرۆز هه‌تا سه‌رهه‌لدانا پیرۆز. ئێدى قوناغه‌كا نوى ل هه‌رێما كوردستانێ ده‌سپێكر. بتایبه‌ت پشتى دامه‌زراندنا حكومه‌تا هه‌رێما كوردستانێ. گرنگیه‌كا زێده‌تر ب كه‌رتێ خواندنێ بگشتى هات دایین. نه‌مازه‌ خواندنا بتایبه‌ت ژى پشتى لێكدانا هه‌ردوو ئیداران و دروستبونا كابینا ئێكگرتیا حكومه‌تا هه‌رێما كوردستانێ ل سالا 2005ێ كه‌رتێ خواندنا بلند چۆ دقوناغه‌كا نویدا، دامه‌زراندنا وه‌زاره‌ته‌كا تایبه‌ت بنافێ وه‌زاره‌تا خواندنا بلند و فه‌كولینین زانستی...
ئه‌وژى ب پالپشتیا حكومه‌تا هه‌رێمى و هه‌بوونا كه‌سانێن میناكێن وه‌كه‌ نێچیرڤان بارزانى كو ل وى ده‌مى سه‌رۆكێ حكومه‌تا هه‌رێما كوردستانێ بوو. ئه‌ڤ كه‌رته‌ هاته‌ ڤه‌ژاندن ب ئه‌زموندارى و رولگێریا جه‌نابێ وێ ئێدى ره‌وشا خواندنا بلند به‌ر ب بلندبوونێ ڤه‌ چوو. ژبه‌ركو ئه‌وى گرنگیه‌كا تایبه‌ت دا ئه‌ڤى كه‌رتى و بنیاته‌كێ بهێز بۆ ئاڤاكر، هه‌ر لسه‌ر ئه‌وى بنیاتى ئه‌ڤ كه‌رته‌ رۆژ بۆ رۆژى و سال بۆ سالێ به‌ر ب قوناغێن باشتر وئاسویێن گه‌شتر برێڤه‌دچیت. هه‌تا گه‌هشتیه‌ سه‌رده‌مێ زێرینێ خۆ. كو دكارم بێژم هه‌تا ئه‌ڤرۆكه‌ژى هه‌مى ئه‌و گهۆرین و به‌ره‌ڤ پێشچوونێن كو كه‌رتێ خواندنا بلند بخوڤه‌ دیتى دوارێ هه‌بوونا ژماره‌یه‌كا زۆرا زانكۆیێن حكومى كو نها زێده‌ترى 19 زانكویێن حكومى و 3 زانكۆیێن پولى ته‌كنیكى و 19 زانكۆیێن تایبه‌ت و ناحكومى و زیده‌ترى 14 په‌یمانگه‌هێن تایبه‌ت ل باشورێ كوردستانێ هه‌نه‌. ئه‌ڤه‌ د ده‌مه‌كێدا كو به‌ریا سه‌رهه‌لدانێ تنێ 2 زانكۆیێن حكومى ل باشورێ كوردستانێ هه‌بوون.  هه‌ردیسان هه‌ر دهه‌مان بیاڤدا نێچیرڤان بارزانى گرنگیدا ب كه‌رتێ خواندنێ بگشتى و خواندنا بلند بتایبه‌ت دهه‌مى كابینه‌یێن خودا ب بربره‌یا پێشكه‌فتنا جڤاكێ دانابوو. ژبه‌ركو چڤاكێ خواندنا تاكه‌كێ هوشیار و به‌رهه‌مدار به‌رهه‌م دئینیت. له‌وڕا هه‌ر ل سایێ ئه‌ڤێ دیدگه‌هێ ب هه‌ولو گاڤێن خۆ یێن دلسۆزانه‌ جه‌نابێ وى به‌رده‌وام بزاڤكریه‌ خزمه‌ت و خزمه‌تگوزاریا پێشكه‌شى ئه‌ڤى بیاڤى بكه‌ت. دوارێ دروستكرنا ئاڤاهیان و دابینكرنا پێتڤیێن ئه‌ڤان زانكویان و ڤه‌كرنا تاقیگه‌هێن زانستیێن پێشكه‌فتى و دانان و په‌یره‌وكرنا سیسته‌م و رێكێن خواندنا پێشكه‌فتى ب ماف وه‌رگرتن ژ ته‌كنولوژیا سه‌رده‌م و ڤه‌كرنا خواندنا بلند ل هه‌مى پشكێن ئه‌ڤان زانكویان و بلند كرنا ئاستێ ئه‌ڤان زانكویان دوارێ زانستى دا ب به‌راورد دگه‌ل ئاستێ زانكویێن عێراقێ، هه‌روسا ره‌ونه‌كرنا قوتابیان بۆ خواندنا بلند (ماسته‌ر و دكتورا) ل وه‌لاتیێن پێشكه‌فتى و كو هه‌تا نهاژى ئه‌ڤ چه‌نده‌ یا به‌رده‌وامه‌.  دیسان جهێ ئاماژه‌پێكرنێ یه‌ كو به‌رهه‌مێ ئه‌ڤان زانكویا تا راده‌یه‌كێ زۆر جڤاكه‌كێ ساخله‌م و هوشیار و خواندى به‌رهه‌م ئینایه‌، كو سالانه‌ ل ئه‌ڤان زانكویا ب هزاران فێرخواز دبیاڤێن جودا جودایێن زانستى دا دهێنه‌ دناڤ جڤاكى دا خزمه‌تێ دبیاڤێ خودا دكه‌ن. ئه‌ڤه‌ژى نیشانا وێ چه‌ندێ یه‌ كو كه‌رتێ خواندنا بلند ل باشورێ كوردستانێ دسه‌رده‌مێ زێرینێ خودا گوزه‌ردكه‌ت.





ئەم هەواڵە 613جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad