English | عربی | Kurdî دواهەواڵ
ڕاستەوخۆ  
 
عێراق بڕیاری دا كۆگاكانی چەك و تەقەمەنی ببرێتە دەرەوەی شارەكان
بەلەد، تەقینەوەی كۆگای چەك و تەقەمەنی حەشد
2019-08-24 [04:33 AM]

​ZNA – هەولێر


ئه‌نجوومه‌نی ئاسایشی نیشتمانی عێراق به‌ سه‌رپه‌رشتی سەرۆك وەزیرانی عێراق كە فه‌رمانده‌ی گشتی هێزه‌ چه‌كداره‌كانیشە، كۆبووه‌وه‌ و ژماره‌یه‌ك بڕیار و رێنمایی  ده‌ركرد، هاوكات پلانیش دەگیرێتەبەر بۆ بەرەو پێشچوونی هێزی ئاسمانی عێراق.

له‌ كۆبوونه‌وه‌كه‌دا، ئه‌نجوومه‌نی ئاسایشی نیشتمانی عێراق تاووتوێی ژماره‌یه‌ك پێشهاتی تایبه‌ت به‌ ته‌قینه‌وه‌ی جبه‌خانه‌كان كرد و تیایدا جه‌خت له‌وه‌ كرایه‌وه‌ كه‌ نابێت هیچ فڕۆكه‌یه‌ك بەبێ بوونی مۆڵه‌تی فه‌رمانده‌ی گشتی هێزه‌ چه‌كداره‌كان له‌ ئاسمانی عێراق بفڕێت.

هەر لەكۆبوونەوەكەدا بڕیار درا به‌ گواستنه‌وه‌ی كۆگاكانی چه‌ك و تەقەمەنی بۆ ده‌ره‌وه‌ی شاره‌كان و رێوشوێنی پێویستیش له‌و باره‌وه‌ بگیرێته‌به‌ر.

له‌ به‌شێكی دیكه‌ی به‌یاننامه‌ی ئه‌نجوومه‌نی ئاسایشی نیشتمانی عێراقدا هاتووە، وه‌زاره‌تی به‌رگری پلان و رێوشوێنی پێویست بۆ چه‌كداركردن و پێشخستنی هێزی ئاسمانی به‌ گوێره‌ی پێویستییه‌كانی دۆخی ئێستا و داهاتوو ده‌گرێته‌به‌ر.

سه‌رۆك وه‌زیرانی عێراق عادل عەبدولمەهدی جه‌ختی له‌وه‌ كردووه‌ته‌وه‌، كه‌ حكوومه‌ت به‌رپرسه‌ له‌ پاراستنی ته‌واوی یه‌كه‌ سه‌ربازییه‌كان له‌ ناویشیاندا حه‌شدی شه‌عبی.

چەندین جارە كۆگاكانی چه‌ك و ته‌قه‌مه‌نی حه‌شدی شه‌عبی دەتەقێتەوە و دواین رووداویش لە 20 ئاب له‌ به‌له‌د كۆگایەكی چەك و تەقەمەنی حەشدی شەعبی له‌لایه‌ن فڕۆكه‌ی بێفڕۆكه‌وانه‌وه‌ بۆردومان كرا .

 





ئەم هەواڵە 6946جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad