English | عربی | Kurdî دواهەواڵ
ڕاستەوخۆ  
 
ژ توندوتیژیێ بۆ پێکڤەژیانێ
2019-08-25 [07:17 AM]

نڤیسینا : سوهەیب میکائیل


ل شەڤەکا گەرما هاڤینێ دناڤ باخچەیا مالا خوەدا رونشتبوم ، من ل ئاسمانێ تژی ئەستێرەیان دنێڕی . ئەڤە تاکە مفایا بێ کەهرەبیێ یە کو ل وی دەمی ئاسمانا تژی ئەستێرەیان دبینم . من ب هەردوو دەستان پێشی ژ خوە ڤەدکرن . ژ نشکەکێڤە زەنگێ موبایلا من لێدا، ئەلیاس هەڤالەکێ من یێ ئێزدی بوو ، ل دەمێ زانکۆیێ مە ب هەڤڕا دخواند . ب دەنگەکێ تژی گری گۆت : " هاوارە برا دیسا ل مە فەرمانە... " ۳/ ۸ / ۲۰۱٤ ئالایەکا ڕەش و مێژویەکا رەش بونە سێبەر ل ئاسمانێ شنگالێ. شەنگاڵ و دەروبەرێ وێ ب مەلبەندێ ژیانا ئێزدیان دهێتە ئەژمارکرن . ئەو ب هەزاران سالان لسەر وی ئەردی دژین ، لێ چ جاران زیان بۆ دەوروبەرێ خوە نەبویە . ژێدەرێن مێژویی بەحس دکەن  کو بەردەوام روو ب روویێ هێرش و کوشتن و ژناڤبرن و کۆمکوژیێ بوینە . ئێزدیان سەربورێن نەخۆش د پێکڤە ژیانا دگەل عەرەباندا هەنە. و دوماهیک کارەساتا بسەرێ واندا هاتی هەر لسەر دەستێ وان بوو ، کو حەزێن خوە یێن پیس لژێر ماسکێ خەلافەتێ  ڤەشارتبوون . مە نەڤێت گوتارا مە ببیتە ڤەگێڕانا بویەرێن مێژویێ ، باشتر ئەوە ئەم بپرسین رۆلێ حکومەتا هەرێما کوردستانێ چ بوو لسەر ئەو کارەساتا بسەر مللەتێ مە داهاتی ؟ 
ل ماوەیێ بوری نێچیرڤان بارزانی وەک سەرۆکێ حکومەتا هەرێمێ رۆلەکێ بەرچاڤ هەبوو بۆ د هەوار چونا لێقەوماییێن ئێزدیان . هەر زوو بزاڤ کر ب زوترین دەم خوە بکەتە هەڤبەش دخەمێن وان . پشتی کو هژمارەکا زۆر ژ کوردێن ئێزدی کەفتنە دەستێ داعشێ ، نێچیرڤان بارزانی وەک سەرۆکێ حکومەتێ نڤیسینگەها رەڤاندیین ئێزدییان دامەزراند . ئەڤێ نڤیسینگەهێ رۆلەکێ مەزن هەبویە ل رزگارکرنا رەڤاندیێن ئێزدیان . و دوماهیک ئامارا کو ل ڤێ نڤیسینگەهێ بەلاڤ بوی بڤی ڕەنگیە : 
ـ هژمارا رەڤاندییان : ٦ هەزار و ٤۱۷ کەس بوون. ۳ هزار و ٥٤٨ کەس ژ رەگەزێ مێ و ۲ هزار و ۸٦۹ کەس ژ رەگەزێ نێر . هژمارا رزگار بویێن ژێر دەستێ داعشێ بڤی رەنگی یە : سەرجەمێ گشتی : ۳ هزار و ٥۰۹ کەس لژێر ەستێ داعشێ هاتینە رزگارکرن و ۲ هزار و ۹۰۸ کەس ڤەماینە .
ئانکو هزرا دامەزراندنا ڤێ نڤیسینگەهێ سەرکەفتی بوو .ئاشکرایە کو بزاڤێن نێچیرڤان بارزانی ب رێکێن جودا بەردەوامن بۆ رزگارکرنا رەڤاندییێن بێ سەروشوین . هەروەسا حکومەتا هەرێما کوردستانێ ب سەرۆکایەتیا نێچیرڤان بارزانی ل وی دەمی رێکارێن باش گرتنە بەر بۆ پێشوازیکرنا ئاوارەیان و شیا ( ۲۰ ) کەمپان دروست بکەت و ژیانا وان فەراهەم بکەت . و رۆژ بۆ رۆژێ حکومەتێ کار لسەر باشتر کرنا رەوشا وان دکر. پرسا هەری گرنگ کو نێچیرڤان بارزانی کار لسەر دکر پێخەمەت دوورکەفتنا جڤاکێ کوردی ل رویدانێن توندوتیژیێ ، گوهۆڕینا هزرا تاکێ کوردی بوو ژ توندوتیژیێ بۆ پێکڤە ژیانێ . بۆ ڤێ مەبەستێ ژی سالانە چەندین کۆڕ و کۆنفرانسان لسەر پێکڤە ژیانێ ئەنجام ددەت . هەلبەت بەرهەمێ ئەڤان بزاڤان لسەر گوهۆڕینا هزرا تاکێ کوردی د جڤاکێ مەدا رەنگڤەدایە . نها هەرێما کوردستانێ مەلبەندێ پێکڤەژیانێ یە ، نەخاسمە برایێن ئێزدی کو هەردەم ب چاڤێ رێزێ لێ دهێتە نێڕین . 
ئەگەر ئەم ئەڤێ پرسێ دگەل ئیراقێ بەراورد بکەین دێ بینین کو هەتا نهاژی حکومەتا ئیراقێ ب جدی کار لسەر چەمکێ پێکڤەژیانێ نەکریە . هەردەم ئول ونەتەوەیێن دن ل ئیراقێ ب نمرە دوو دهێنە ئەژمارتن . لێ ل کوردستانێ رۆلێ نێچیرڤان بارزانێ کریارێن وێ بەرچاڤ و دیارن . ئەڤ راستیە ژی ل دوماهیک سەرەدانا نێچیرڤان بارزانی ب مەبەستا پیرۆزبایی کرنێ  بۆ مالا میرێ ئێزدیان ( میر حازم تەحسین بەگ ) ل شێخان دیار دبیت . ئەو باش ل چەمکێ حوکمڕانیێ تێگەهشتیە . حاکمێ وەلاتی پێدڤیە کەسک بیت ب چاڤەکێ ئێکسان ل هەمی نەتەوە و ئول و مەزهەبان بنێڕیت . دێ شێین بێژین نێچیرڤان بارزانی شیایە هەڤسەنگیێ دناڤبەرا هەمی نەتەوە و  ئول و مەزهەبێن ل هەرێما کوردستانێ هەی رابگریت ، ئەڤەژی بویە ئەگەرێ هندێ کو ل هەرێما کوردستانێ رۆژ بۆ رۆژێ پەیوەندیێن پێکهاتەیان بهێزتر ببن و بەروڤاژی ئیراقێ کو چەندین سالە بۆشاییا دناڤبەرا پێکهاتەیێن وێ مەزنتر دبیت . ئەڤەژی ب رامانا هندێ دهێت کو دەسهەلات دارێن ئیراقێ ل چەمکێ حکمڕانیێ نەگەهشتینە و بڤی رەنگی ئەڤ ئالۆزیێن ل ئیراقێ هەی دێ هەر وەکی خوە مینیت و کوردستانژی دبیتە هێڤێنا پێکڤە ژیانێ ل رۆژهەلاتا ناڤین .





ئەم هەواڵە 1987جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad