English | عربی | Kurdî دواهەواڵ
ڕاستەوخۆ  
 
هۆشداری ده‌درێت له‌سه‌ر گۆڕانی کەش و هەوا له‌ عێراق
2019-08-26 [12:23 PM]

ZNA-هه‌ولێر


ئەنجوومەنی نێودەوڵەتی بۆ گۆڕانی کەش و هەوای سەر بە نەتەوە یەکگرتووەکان هۆشداری لە گۆڕانی کەش و هەوا و کاریگەرییە نەرێنییەکانی لەسەر چەندین ناوچە، بەتایبەتی عێراق و سووریا دەدات و پێشبینیشدەکات تاوەکو 2030 ئاوی دیجلە و فورات 50% کەمبکات.

لە هەرێمی کوردستانیش حکومەت بیری لەوەکردووەتەوە رێکاری پێویست بگرێتەبەر بۆ کەمکردنەوەی کاریگەرییەکانی دیاردەی گۆڕانی کەش و هەوا.

لە بڕگەی دووەمی خاڵی دووەم لە کارنامەی چوار ساڵی کابینەی 9ـی حکومەتی هەرێمی کوردستاندا هاتووە: "کاردەکەین بۆ بەکارهێنانی سەرچاوە ئاوییەکان و دروستکردنی بەنداوە وەرزی و هەمیشەییەکان بۆ گلدانەوەی ئاوی پێویست بۆ بواری کشتوکاڵ و زیادکردنی رووبەری سەوزایی لە هەرێمی کوردستان".

 

هاوکات حەمید نایف، گوتەبێژی وەزارەتی کشتوکاڵی عێراق لەو بارەیەوە رایگەیاند، به‌ره‌نگاربوونه‌وه‌ی بیابانبوون پێویستی به‌ پاره‌یه‌كی زۆر هه‌یه‌ و عێراقیش رووبه‌ڕووی قه‌یرانێكی دارایی گه‌وره‌ هاتووەتەوە‌ به‌هۆی شه‌ڕی دژی داعش.

 

حەمید نایف ئاماژەی بەوەشکرد، دوای قۆناخی داعش، عێراق له‌سه‌ر پێیه‌كانی وه‌ستاوه‌ و ئێستا كه‌مپەین، هه‌ڵمه‌تی سه‌وزكردن و ناشتن و چاندنی نه‌مامی ده‌ستپێكردووه‌. ئێستا عێراق چاڵێنجی چاندنی نه‌مامی له‌ هه‌موو پارێزگاكانی راگه‌یاندووه‌. چاڵنجه‌كه‌ش ئێستا گه‌یشتووه‌ته‌ شاری هه‌ولێر و شاره‌كانی دیكه‌ی هه‌رێمی كوردستان".

 

هۆکارێکی سەرەکی کەمبوونەوەی ئاو لە هەرێمی کوردستان و عێراق پەیوەندی بە دروستکردنی بەنداوەکانەوە هەیە لەلایەن حکومەتەکانی تورکیا و ئێران لەسەر ئەو رووبارانەی دەڕژێنە ناو هەرێمی کوردستان و عێراقەوە. 

 

بەگوێرەی راپۆرتی نەتەوە یەکگرتووەکان، بەراورد بە ساڵی 1980، ئاوی گەیشتووی دیجلە و فورات بۆ هەرێمی کوردستان و عێراق بۆ کەمتر لە یەک لەسەر سێ کەمیکردووە.  تاوەکو ساڵی 2030 پێشبینیدەکرێت ئەو دوو رووبارە 50% کەمبکەن.


رووداو





ئەم هەواڵە 6880جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad