English | عربی | Kurdî دواهەواڵ
ڕاستەوخۆ  
 
هەزاران پارچه‌ زەوی كارت تاپۆ دەكرێن
2019-08-27 [06:04 AM]

​ZNA – هه‌ولێر


لە سنوری شارەوانی هەولێر لە دوو ناوچە زیاتر لە 26 هەزار پارچە زەوی كارت بەسەر خاوەنەكانیان تاپۆ دەكرێن, بەرپرسێكی شارەوانیش چەند زانیاریەك لەمباریەوە ئاشكرا دەكات.

سامان محەمەد، سەرۆكی شارەوانی هەولێر بە باسی راگەیاند: لە سنوری هەولێر دوو ناوچە ماوه‌ زەوی كارتن و تاپۆ نەكراون،  ئەوەی كە كێشەیە و زەوی كارتەكانی تاپۆ نەكرابێت باغلۆمنارەیە كە 22 هەزار زەوی كارتە لەگەڵ تاپۆ و فەرمانگەی كشتوكاڵ لەسەر هێڵین بۆ ئەوەی بە زووترین كات كێشەكه‌ چارەسەر بكرێت و تاپۆ بكرێن".

محه‌مه‌د گوتیشی:" ئەوەی باغلومنارە لە شارەوانی هەموو كارەكانی تەواو بووە كێشەكە ئەوەیە زەویەكان لەسەر ناوی كشتوكاڵ و دارایی ماون دەبێت بێتەوە سەر ناوی شارەوانی پاشان تاپۆ دەكرێت، ئێستاش خەریكین دەیخەینە سەر ناوی شارەوانی، لە ماوەی 3 بۆ 4 مانگی داهاتوو كێشەكە تەواو دەبێت و تاپۆ دەكرێن".

سەرۆكی شارەوانی هەولێر ئاماژه‌ی به‌وه‌شكرد: ئەو زەویانەشی دراونەتە قەرەبوی ئەو كەسانەی پێشووتر خانووی كۆریان بۆ دەرچووبوو تاپۆ دەكرێن، ده‌شڵێت:" زەویەكان ئیفراز كراون و نەخشەی پەسندركراوی هەیە، نوسراومان بۆ كشتوكاڵ كردووە بۆ ئەوەی زەویەكان بخرێتە سەر ناوی شارەوانی، كارەكان هیچ كێشەیەكی تێدا نیە و لە ماوەیەكی نزیكدا ئەو زەویانەش بەسەر خاوەنەكانیان تاپۆ دەكرێت".

ئاشكراشی كرد ئەو زەویانەی قەرەبوی گوندی كۆری كە ژمارەیان 4 هەزار و 300 كەسە مامەڵەكردن پێیان قەدەغەیە، هەر كەس مامەڵەشی پێو بكات لای ئێمە هەر لەسەر ئەو ناوانە دەمێنێتەوە كە وەریان گرتووە، ئومێد هەیە پاش دوو مانگی تر تاپۆیان دەربچێت و بدرێنە خاوەنەكانیان".

سەرۆكی شارەوانی دووپاتی كردەوە گەیاندنی خزمەتگوزاریش بەو زەویانە لە پلانی شارەوانی ئاماژەی بۆ كراوە و بە قۆناغ خراونەتە پلانی كاركردنەوە.

 





ئەم هەواڵە 3895جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad