English | عربی | Kurdî دواهەواڵ
ڕاستەوخۆ  
 
كاتی دابەشکردنی مووچەی مانگی شه‌شی فەرمانبەران ئاشکرا کرا
2019-08-29 [10:37 AM]

ZNA-هه‌ولێر


وەزارەتی دارایی و ئابووریی حکوومەتی هەرێمی کوردستان، ئامادەکارییەکانی بۆ دابەشكردنی مووچەی مانگی 6ی فەرمانبەران و مووچەخۆران دەست پێ کردووە و لیستی مووچەش وردبینی تێدا دەكرێت.

سەرچاوەیەك لە گەنجینەی سەر بە وەزارەتی دارایی  رايگەیاند، لیستی مووچەی مانگی 6ی فەرمانبەران لەلایەن گەنجینەكانەوە وردبینی كراوە و دراوەتە وەزارەتی دارایی.

ڕوونیشی کردەوە کە لە وەزارەتی داراییەوە پێداچوونەوە بە وردبینییەکە دەكرێتەوە، پاشان دەنێردرێتەوە بۆ گەنجینەكان و بەپێی خشتەی مووچە، مووچەی هەر وەزارەت و فەرمانگەیەك دابەش دەكرێت.

سەرچاوەکە روونی كردەوە کە هیچ گۆڕانكارییەك لە زنجیرەی دابەشكردنی خشتەی مووچە نەكراوە و بەپێی خشتەی مانگەكانی پێشوو، مووچە دابەش دەكرێت.

بەپێی زانیارییەكانی  بڕیارە لە ڕۆژی چوارشەممەی هەفتەی داهاتووەوە 4ی 9ی 2019، دەست بە دابەشكردنی مووچەی مانگی 6ی وەزارەتی پێشمەرگە بكرێت.

پێشتر ئاوات شێخ جەناب، وەزیری دارایی و ئابووریی حكوومەتی هەرێمی كوردستان رایگەیاند: "مووچە بەپێی ئەو داهاتەی لەبەر دەستە و بە  شێوەی زنجیرەی خۆی، دابەش دەکرێت".

بۆ دابەشكردنی مووچە، وەزارەتی دارایی پشت بە سەرچاوەی داهاتی وەزارەتی سامانە سرووشتییەکان لەلایەک و ئەو بڕە پارەیەی لەلایەن بەغداوە دێت لەلایەکی دیکەوە، دەبەستێت.

 

باسنیوز





ئەم هەواڵە 14350جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad