English | عربی | Kurdî دواهەواڵ
ڕاستەوخۆ  
 
پەرلەمانی کوردستان به‌دواداچوون بۆ داواكاریی ئاوارەكانی خورماتوو ده‌كات
2019-09-02 [01:48 AM]

ZNA-هه‌ولێر


نوێنەرانی خەڵکی زیانلێکەتوو و ئاوارەی شارۆچكه‌ی خورماتوو، سەردانی پەرلەمانی کوردستانیان كرد و له‌لایه‌ن لیژنەی ناوچە كوردستانییه‌کانی دەرەوەی ئیدارەی ھەرێم پێشوازی لێكران.

ئەمڕۆ دووشەمە 2019/9/2 لیژنەی ناوچە كوردستانییه‌کانی دەرەوەی ئیدارەی ھەرێم له‌ په‌رله‌مانی كوردستان بەسەرپه‌رشتیی د.جوان ڕۆژبەیانی سه‌رۆكی لیژنه‌و ئامادەبوونی جێگرى سه‌رۆكی لیژنه‌و بریاردەرو ئەندامان و ڕاوێژکارانی لیژنەكه‌ لە ھوڵی لیژنە له‌ ته‌لارى په‌رله‌مان پێشوازیی لە نوێنەرانی خه‌ڵكی زیانلێکەتووی دووزخورماتوو کرد.

له‌ كۆبوونه‌وه‌كه‌دا نوێنەرانی خه‌ڵكی زیانلێکەتووی دووزخورماتوو باسیان لە کێشە و گرفته‌كانی خه‌ڵكی شارۆچكه‌كه‌یان کرد و یاداشتێکیشیان سه‌باره‌ت به‌ داواکارییه‌كانی خه‌ڵكی ناوچه‌كه‌ پێشکەش بە لیژنەکە کرد.

لای خۆیانەوە سەرۆکایەتی لیژنەی ناوچەکانی كوردستانییه‌كانی دەرەوەی ئیدارەی ھەرێم بەڵێنیان بە نوێنەرانی خه‌ڵكی زیانلێكه‌وتووی دووزخورماتوو دا کە به‌دواداچوون بۆ كێشه‌و داواكارییه‌كانیان بكه‌ن و ھەموو توانایه‌كیشیان بخەنە گەڕ بۆ بەدیھێنانی مافەکانی خەڵکی ئەو ناوچانە.

 

Thumbnail





ئەم هەواڵە 1696جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad