English | عربی | Kurdî دواهەواڵ
ڕاستەوخۆ  
 
ئه‌نجومه‌نی وه‌زیران له‌سه‌ر خزمه‌تی فه‌رمانبه‌ران چه‌ند بڕیارێكی ده‌ركرد
2019-09-03 [06:59 AM]

​ZNA – هه‌ولێر


 بەپێی نوسراوێكی فەرمانگەی كارگێڕی و دارایی سەرۆكایەتی ئەنجومەنی وەزیرانی كوردستان كە لە 21ی 8ی 2019 دەرچووە وئاماژە بەوەكراوە، بە مەبەستی بەرێكردنی كارەكان و رێگری كردن لە هەڵە و كەمتەرخەمی بۆ مەبەستی ئەژماركردنی گشت جۆرەكانی خزمەت چەند بڕیارێك دەركراوە.  

بۆ ئەژماری خزمەتی فەرمانبەرێتی ئەنجومەنی وەزیران بڕیاریداوە، دەبێت پوختەی راژەی پەسندكراو و دروست و فەرمانی دامەزراندن و گەڕانەوەی فەرمانبەرەكە لەگەڵ گشت بەراییەكانی رەسەن بۆ ئەنجومەنی وەزیران بنێردرێت.

سەبارەت بە ئەژماری خزمەتی ماوەی فەرمانبەرانی گرێبەست، بە پێویست داندراوە وێنەی رەسەنی پوختەی راژەی پەسندكراو و گرێبەست و فەرمانی رەزامەندی وەزارەتی دارایی لە لیستی هاوپێچ هەبێت كە بۆ ئەنجومەنی رەوانە دەكەن.

هه‌ر له‌نوسراوه‌كه‌ جەخت كراوەتەوە كه‌ بۆ ئەژماری خزمەتی كەرتی تایبەتی ئەندازیاری ، پێویستە وێنەی رەسەنی پوختەی راژەی پەسندكراو و پشتگیری ئەنجومەنی سەندیكا و پشتگیری كۆمپانیا و گشت بەراییەكانی ئەو پڕۆژانەی كاری لەسەر كردووە بنێردرێت .  

لە بارەی ئەژماری خزمەتی پارێزەرایەتی، دەبێت وێنەی رەسەنی پوختەی راژەی پەسندكراو و پشتگیری سەندیكای پارێزەران و گشت بەراییەكانی تایبەت بەو داوا دادوەریانەی كاری لەسەر كردووە رەوانە بكرێت.

بۆ ئەژماری خزمەتی رۆژنامەنوسی تاوەكو بخرێتە سەر خزمەتی فەرمانبەری دەبێت وێنەی رەسەنی پوختەی راژەی پەسندكراو و پشتگیری سەندیكای رۆژنامەنووسان و ئەو دەزگایەی كاری رۆژنامەنوسی لێ كردووە بنێردرێت.

پەیوەست بە ئەژماری خزمەتی كەرتی تایبەت، دووپاتكراوەتەوە بەو مەرجە دەكرێ كەوا وێنەی رەسەنی بەڵگەنامەی پێویست بۆ پشتگیری تایبەت بە وەرگرتنی پارەی دەستەبەری كۆمەڵایەتی بۆ ئەنجومەنی وەزیران بنێردرێت.

ئاماژە بەوەشكراوە بۆ ئەژماری خزمەتی ئاوارەیی ئێران، پێویستە لە رێگەی وەزارەتی ناوخۆ و بەرێوەبەرایەتی كۆچ و كۆچبەران نوسراوەكانی تایبه‌ت بەو بابەتەیان ئاڕاستە بكرێت.

هەروەها بۆ ئەژماری خزمەتی پێشمەرگایەتی ئەوە ئاشكرا كراوە كەوا دەبێت لە وەزارەتی پێشمەرگە بهێندرێت بەو مەرجەی بەراییە رەسەنەكانیشی لەگەڵ بێت.

سەبارەت بەو فەرمانبەرانەی پێشتر دۆسیەیان فەوتاوە، ئەوە خراوەتەڕووكاتێك نوسراو ئاڕاستەی سەرۆكایەتی ئەنجومەنی وەزیران دەكرێت پێویستە وێنەی رەسەنی فۆڕمە سوتاوەكان بەڵگەنامە و زانیاری تەواو رەوانە بكرێت. گواستنەوەی ئەو راژانە بۆسەر خزمەتی فەرمانبەری هەم بۆ گۆڕینی ناونیشان و زیادكردنی مووچەیە ، هەروەها بۆ خانەنشینیش سودی لێوەردەگیرێ.





ئەم هەواڵە 35125جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad