2019-09-09 [09:40 AM]

ساموێل ئۆمتیتی فەڕەنسی بەرگریکاری یانەی بەرشەلۆنە دەڵێت ، لە منداڵیەوە خەونم بەوە دەبینی لە یانەی بەرشەلۆنە یاری بکەم . 

لەمیانەی چاوپێکەوتنێکی رۆژنامەوانی ئۆمتیتی رایگەیاند : لە منداڵییەوە خەونم بەوە دەبینی لەگەڵ یانەی بەرشەلۆنە یاری بکەم و خەونەکەشم ھاتەدی . 

ھەروەھا گووتیشی : خەڵک پێیان دەگووتم : کەی لەگەڵ بەرشەلۆنە یاری دەکەیت ، من ھاتووم بۆ ئێرە تا زۆررترین ماوە لەگەڵ یانەی بەرشەلۆنە بمێنمەوە و نازناوەکان بەدەست بھێنم ، نەک بۆ ئەوەی لەسەر کورسی یەدەگ دابنیشم . 

بەھۆی پێکانەوە وەرزی رابردوو ئۆمتیتی ماوەیەکی زۆر لە یانەی بەرشەلۆنە دابڕا و دواتر یاریزان کلیمنت لینگلی جێگە گرتەوە و ئۆمتیتی پێگەی سەرەکی خۆی لە دەستدا ، لەم وەرزەش جارێکی دیکە ئۆمتیتی تووشی پێکان ھاتەوە و تا ئێستاش بەشداری یارییەکانی یانەی بەرشەلۆنە و ھەڵبژاردەی فەڕەنسای نەکردووە . 

یاسین ئەحمەد