English | عربی | Kurdî دواهەواڵ
ڕاستەوخۆ  
 
هندی دوریێ ژ چارەسەریێ نێزیکین
2019-09-10 [07:37 AM]

نڤیسینا : سوهەیب میکائیل


پشتی چەندین سالێن شەڕ و ئالۆزییان ، ل سالا (۲۰۱۲) ێ پرۆسەیا ئاشتیێ دناڤبەرا تورکیا و پەکەکێ و ب ناڤبژیکاریا حکومەتا هەرێما کوردستانێ ژ دایک بوو . شاندەک ژ پەڕلەمانتارێن هەدەپێ ژبۆ گفتوگۆکرنێ دناڤبەرا تورکیا و پەکەکێ پێکهات و سەرەدانا (عەبدولا عۆجەلان ) رێبەرێ بەندکریێ پەکەکێ ل ئیمرالیێ کرن . و چەندین جاران ئەڤ شاندە سەرەدانا قەندیلێ کرن و نامەیا ئۆجەلانی گەهاندنە وان.  رەوش هێدی هێدی بەرەڤ باشیێ درۆیشت هیڤیەک لجەم کوردان دروست ببو. لێ پشتی هەلبژاردێن (۷) ی خزیرانێ ، ئالۆزی دناڤبەرا ئاکەپێ و هەدەپێ و پەکەکێ دروست بوو . دووێ سەروبەندێ تەقینەک ل ناوچەیا ( پرسوس )ٚ سروچی سەر ب باژێڕی رحایێ ل باکورێ کوردستانێ رویدا و حکومەتا تورکیێ پەکەکە ب ئەگەرێ وێ تەقینێ تۆمەتبار کر . و لدویڤدا سوپایێ تورکیا ئۆپراسیۆنەکا بەرفرەهـ بۆ سەر بارەگەهێن پەکەکێ ل ناوچەیێن سنوریێن باکور و باشورێ کوردستانێ و بنارێ قەندیلێ ئەنجامدا . ئەڤەژی ب پێنگاڤا ئێکێ یێ دووبارە دەست پێکرنا شەڕی دهێتە دانان .  د نهادا تورکیا بۆ قۆناغا داهاتویا خوە پێدڤی ب ڤەگەڕاندنا سەقامگیریێ هەیە ، پێخەمەت بهێزبونا ئابوریا وی وەلاتی و رێگریکرن ژ دەست وەردانا زێدەتر و کاودانێن نافخۆییا وی وەلاتیدا کو رەوشا ئاوارتەیا تورکیا ، کاودانێن وەلاتی و پرسا چارەسەری و پرۆسەیا ئاشتیێ شێواندییە . ب تایبەت کو د نهادا تورکیێ پێدڤی ب وێ یەکێ هەیە کو رۆلێ وی د ئێکلایی کرنا کێشەیێن سوریێ بهێزتر بیت ؛ چونکی رێککەفتن لسەر دروستکرنا دەڤەرا ئارام ل سوریێ ، ئاماژەیەکا بهێزە بۆ ئێکگرتنا سیاسەت و بەرژەوەندیێن تورکیا و ئەمریکایێ .
نێچیرڤان بارزانی سەرۆکێ هەرێما کوردستانێ کو ب دروستکەرێ پرۆسەیا ئاشتیێ دناڤبەرا دەولەتا تورکیێ و پەکەکێ دهێتە ناسین ، دنهادا دشێت ب رەنگەکێ دن لێ ب هەمان ئارمانج بزاڤێن خوە بۆ وێ مەبەستێ بئێخیتە کار . پرسا ئاشتیێ ل باکورێ کوردستانێ و تورکیا شاندەکێ هەدەپێ ب سەرۆکایەتیا هەڤسەرۆکێ وێ پارتێ گەهاندە هەولێرێ . ل دوەم رۆژا سەرەدانا خوەدا بۆ هەولێرێ سەزای تەمەللی هەڤسەرۆکێ هەدەپێ و شاندێ دگەلدا ژ ئالیێ نێچیرڤان بارزانی سەرۆکێ هەرێما کوردستانێ ڤە هاتنە پێشوازیکرن . نێچیرڤان بارزانی راگەهاند : " نها دەمێ ئاشتیێ یە ل تورکیا و پێدڤییە پرسا کوردی ب رێیێن ئاشتیانە بھێتە چارەکرن، ژبەرکو شەڕ چ کێشەیان چارەناکەت و نابیت چ دەلیڤەیێن ئاشتیێ ل تورکیا بھێن ژ دەست دان.  نێچیرڤان بارزانی دوپاتی ل بزاڤێن خوە یێن دەستپێکرن و سەرخستنا پرۆسەیا ئاشتییێ ل تورکیا کر و راگەھاند: ھەر چ یا پێدڤی بۆ دەستپێکرنا پێڤاژۆیا ئاشتییێ ئەو یێ بەرھەڤە. " ھەڤدەم شاندا ھەدەپێ، پیرۆزباھییا دەستبکاربوونێ ل سەرۆک نێچیرڤان بارزانی کر و ھیڤیا سەرکەفتنێ بۆ خواست و سوپاسییا بزاڤێن وی یێن بەردەوام یێن نھا و بەرییا نھا بۆ سەرخستنا ئاشتییێ کر و راگەھاند: گەلێ کورد خوازیارێ چارەسەرییا ئاشتیانەیە ل تورکیا.
پشتی ئەڤان بزاڤان پرسیارەک دهێتە ئازراندن . ئەرێ قۆناغەکا نوی یا پرۆسەیا ئاشتیێ دێ دەست پێکەت ؟ 
ب دیتنا گەلەک ژ چاڤدێرێن سیاسی ل هەمی دەماندا چارەسەری هەیە ، ئەگەر خواستا هەردوو ئالیان لسەر هەبیت . مەهمەت ڤۆڕال سەرۆکێ دەزگەهێ دیجلە بۆ ڤەکۆلینێن جڤاکی ، د چاڤپێکەفتنەکێ دگەل بەشێ تورکیێ ئاژانسا DW یێ ئەلمانی ئاماژە بۆ وێ یەکێ کر کو د نهادا ژ ئالیێ تورکیێ ڤە نەرمی نواندنەک هەیە ، و چەند ئاماژەیەک هەنە ژبۆ دەستپێکرنا گفتوگۆیان ، ڤۆڕال راگەهاند " جڤاک ماندی بویە . مرۆڤێن لڤێرە دژین ماندی بون ، رێژەیەکا زۆر ژ خوینێ هاتیە رێژتن ، بلا خەبات و تێگۆشانا سیاسی بهێتە ئەنجامدان ، لێ پێدڤیە بێی چەک بیت  " . ب دیتنا مە رەوش هەر چاوابیت لێ دنهادا گرنگە قۆناغەکا نوی ژ پرۆسەیا ئاشتیێ بهێتە دەست پێکرن .





ئەم هەواڵە 1306جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad