English | عربی | Kurdî دواهەواڵ
ڕاستەوخۆ  
 
هاوپەیمانان و هێزە عێراقییەکان هێرشیان کردە سەر داعش
2019-09-10 [11:35 AM]

ZNA- هەولێر


لە دابەزینێکی ئاسمانی هاوپەیمانان، بە هاوکاریی دەزگای دژە تیرۆری عێراق، لە بیابانەکانی سەڵاحەدین ١٥ چەکداری داعش کوژران و نۆ کەسی دیکەش دەستگیرکران.

سەباح نوعمان گوتەبێژی دەزگای دژە تیرۆری عێراق رایگەیاند، لە دابەزینێکی ئاسمانی هاوپەیمانان، بە هاوکاری هێزەکانی سەربە دەزگاکەیان، بۆ سەر ناوچەی متێبیجە و بیابانەکانی سەڵاحەدین، ١٥ چەکداری داعش کوژران و نۆی دیکەش دەستگیرکران و چەندین حەشارگە و تونێل و بنکەی راهێنانی چەکداران خاپورکران.

هاوکات، خەتاب خەلەف محەمەد سالح جەواری، یەکێک لە سەرکردە دیارەکانی رێکخراوی داعش لە کەرکووک و ژمارەیەک چەکداری لەگەڵیدا بوون، لە بۆردوومانێکی فڕۆکەکانی هاوپەیمانان، بۆ سەر زنجیرە چیای مەکحول کوژرا.

لە جەزیرەی نەینەوا لە رۆژئاوای موسڵیش، چەکدارێکی داعش کوژرا و لەناوچەی ئەبو تیبان لە نزیک رومادیش، چەکدارێکی دیکە دەستگیر کرا، کە بەرپرسی ئامادەکردنی ئۆتۆمبێلە بۆمبڕێژکراوەکانی داعش بووە لە ناوچەکە.

 





ئەم هەواڵە 607جار خوێندراوەتەوە
 
 
ڤیدیۆ گەلەری
چەند بیرۆکەیەک بۆ ڕزگاربوون لە گەرمای ھاوین
بەدڵنایی دوو جار سەیری دەکەیەوە ، منداڵێکی زۆر قشە
چەند دیمەنێکی لافاوی شاری شیراز لە ئێران
لە رووداوێکی ھاتووچۆ ئۆتۆمبێلێک دەفڕێت
منداڵێک لە ناو ئۆتۆمبێلی دایکی دەکەوێتە خوارەوە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad