English | عربی | Kurdî دواهەواڵ
ڕاستەوخۆ  
 
مەزناھیا شۆرەشا مەزنا ئیلۆنێ
2019-09-12 [05:53 AM]

نڤیسینا : غیاس خالد زێباری


٥٨ ساڵ بسەر  بەرپابوونا  شۆرەشا مەزنا ئیلۆنێ دەرباز دبن ، ئەو شۆرەشا ب رێبەری و سەرپەشتی و بەرنامە رێژیا  رێبەرێ نەتەوا کورد  و دامەزرێنەر و سەرۆکێ پارتی دیموکراتی کوردستان مەلا مستەفای بارزانی  ل رۆژا ١١ ێ ئیلۆنا سالا ١٩٦١ بەرپا بووی  و ب شۆرەشا مەزنا ئیلۆنێ ھاتیە نیاسین . 
رەنگە خەلکەک ھێشتا بڤی ناڤی ھێشتا حیبەتی بمینیت و نەزانیت بۆچی بڤی ناڤی دھێتە نیاسین (شۆرەشا مەزنا ئیلۆنێ ) ، یان ئەگەرێن لسەر دانانا ڤی ناڤی نەزانیت ، یان ژی دوژمن و نەیارێن شۆرەشێ و پارتی چاڤ پێ رانەبن و لپێش چاڤێن خەلکی بچیک بکەن و ب شۆرەشەکا پاشکەفتی و نەرێکخستی  نیشا خەلکی بدەن . 
ئەز نزانم کی و کەنگی ئەڤ ناڤە لسەر ڤێ شۆرەشێ دانایە ..؟ 
لێ ناسناڤەکێ ھەژی و لدیڤ کار و کریار و دەسکەفتێن وێ یە ، چونکی ب درۆستی شۆرەشەکا مەزن بوو ، و ژلایێ کەسەکێ مەزن سەرکێشی لێ دکر و سەرکەفتنێن مەزن ژی تۆمار کرینە . 
ئەیلۆل شۆرەشەکا مەزن بوو چونکی ب کریار مەزناھیا خۆ چەسپاند ژبەر کو شۆرەشەکا رێکخستی و پلان دارشتی بوو ژلایێ رێبەر و سەرکردایەتیا وێ ( بارزانیێ نەمر و پارتی دیموکراتی کوردستان ) یا رێکخستی بوو چونکی بەری بەرپاکرنێ ئانکۆ دەسپێکرنێ بارزانی نەمر چ بریارێک ئێک لایەنی نەدان ، لێ جەنابێ وی سەردانێن کەسایەتیێن نشتیمان پەروەر و رەوشەنبیر و کاریگەرێن جڤاکی ل پرانیا باشوورێ کوردستانێ کر و دیتن و بۆچوونێن وان وەرگرتن ، ئانکۆ  کۆ دەنگی لسەر بریاردانا وێ ھەبوو  و یا پلان دارشتی بوو  . 
ژلایێ رێکخستنێ ڤە ژی مینا لەشکرێن وەلاتێن سەربخۆ  لەشکرەکێ رێک و پێکی و خودان دیسپلین و سازیێن خۆ بوو  . ئەڤ  رێکخستن و دیسپلینە فاکتەرێ سەرەکیێ بەرفرەھبوون و بەردەوامیا شۆرەشێ بوو دەمێ چاردە سالا کۆ درێژترین شۆرەشا کوردستانی د دیرۆکێ دا . 
ژبلی لایەنێ چەکداری ، ئەیلۆل شۆرەشەک بۆ پێگەھاندنا شۆرەشگێر و فەرماندە و سەرکردەیان ، ئەیلۆل شۆرەشەک بوو  دژی زۆردایێ و وورە بلنکرنا تەخ و چینێن ھەژار و بندەست ، دشێین بێژین چەندین شۆرەش بوو دناڤ شۆرەشەکێ دا . 
ئەیلۆل ، شۆرەشا دادەوەر خازا  بوو بەرامبەر نەدادوەرا ، سەرکەفتنا پێشکەفتنخوازا بوو بەرامبەر برجوازیەتێ ، 
ئەیلۆل شۆرەشا باوەری بخۆ بوونێ بوو ، ئەیلۆل شۆرەشەکا چەکداری بوو ، ژ پێخەمەت ئاشتیێ و نەمانا شەرێ ، ئەیلۆل ئەو شۆرەش بوو ھەمی تەخ و چینێن جڤاکی کرینە ئێک پایە و دبن ئێک چادر و ئێک درۆشم دا کۆم کرین . ئەیلۆل شۆرەشا پاراستنا مۆرکا نەتەوایەتیا کوردی بوو و  دۆز سیاسی و نشتیمانیا کوردستانێ لسەر ئاستێ جیھانێ دایە نیاسین و داستان و سەرکەفتنێن مەزن تۆمار کرین . نەچار کرنا رژێما عیراقێ بۆ دیالۆگێ و واژووکرنا رێکەفتنا ١١ ێ ئادارا سالا ١٩٧٠ و دانپێدان ب مافێ نەتەوا کورد و ئۆتۆنومیێ ، بۆ وی دەمی نە تنێ دەسکەفتەکێ مەزن بوو بەلکێ موعجیزەکا ھەرە مەزن بوو لسەر دەستێ بارزانی نەمر . 
ئەیلۆل شۆرەشا پەروەردە و پێگەھاندنا پێشمەرگەھێن کوردستانێ لسەر پاراستنا مافێن مرۆڤی و سڤیلا و ژینگەھێ و دوور کەفتن ل تاوانێن جەنگی . ب درێژاھیا چاردە سالا شۆرەشا ئیلۆنێ بەرۆڤاژی لەشکرێ بەرامبەر سەرەدەریەکا مرۆڤانە لگەل دیل و کوشتی و بریندارێن چەکدارێن دوژمنا دکر . 
ئەیلۆل یا مەزن بوو چونکی چونکی لەشکرەکێ سەرتاسەری یێ پێشمەرگەھێن کوردستانێ درۆست کربوو ، کۆ چ جارا د دیرۆکا گەلێ کوردا روونەدایە ، چونکی خەلکێ ھەمی پارچینن کوردستانێ دناڤ شۆرەشێ دا بوون ب ھەمی نەتەوە و ئۆل و ئەتن ڤە .
ئەیلۆل یا مەزن بوو چونکی وەلاتێن مەزن ، ھزرێن مەزن لێ دکرن .
ژبەر مەزناھیا وێ لسەر ئاستێ نیڤ نەتەوی و وەلاتێن زلھێز و ھەرێمی ، پیلان ژبوی ناڤبرنا وێ ھاتنە دارشتن  وەک پیلانا خیانەتکارا ( الجزائر ) یا سالا (  ١٩٧٥ ) ێ    . 
ئەیلۆل یا مەزن بوو  ژبەرکۆ سەرۆک و سەرکردێن مەزن مینا سەرۆک مەسعوود بارزانی و شەھید سەرکردە و کاریزما ئیدریس بارزانی و سەرۆک نێچیرڤان بارزانی و مەسروور بارزانی سەرۆک حکومەتێ بھێز و چەندین سەرکردە و سیاسەمەدارێن  مەزن و بلیمەت پێگەھاندن . 
ئەیلۆل یا مەزن بوو چونکی بەردەوامی دا خەباتا بدەست ڤەئینانا ماف و ئارمانجێن گەلێ کورد و لسەرکەفتا مەغرۆر نەبوو و ل شکەستنا بێ ئۆمێد نەبوو . 
ئەڤ ھەمی حیکمەت و دەسکەفت و سەرکەفتنێن بێ ھژمارێن  شۆرەشا مەزنا ئیلۆنێ ، بۆ لێزانین و دووربینیا رێبەر و بابێ رووحی و دیرۆکیێ گەلێ کورد مستەفا بارزانی دزڤریت چونکی ، ھەمی پلان و بەرنامە و سیاسەتا وی بوو و ب بەردەوامیدانا پارتی لسەر رێبازا بارزانی نەمر ، ئەم خودان ئەڤ دەسکەفت و سەروەریە و پێگەھین .





ئەم هەواڵە 781جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad