English | عربی | Kurdî دواهەواڵ
ڕاستەوخۆ  
 
دزێكی بە ڕەگەز سووری دەستگیر كرا
2019-09-15 [10:22 AM]

ZNA - هه‌ولێر


 

دوای ڕوودانی (۱۷) تاوانی دزی لە ماوەی كەمتر لە مانگێكدا لە پاڕكینگەكانی (پاڕك ڤیو ـ ئەمپایەر ـ پاركی شەهید سامی عەبدولڕەحمان)، پۆلیس بە هەماهەنگی لەگەڵ (ئاسایشی هەولێرـ هۆبەی لێكۆڵینەوە) توانی تۆمەتبارێكی بە ڕەگەز سووری دەستگیر بكات.

 

لەمبارەیەوە مقەدەمی ماف ئومێد عارەب بەرپرسی نووسینگەی نەهێشتنی تاوانی باكوور، بە هەولێر پۆلیسی ڕاگەیاند، ئاگادار كراینەوە بە بوونی (۱۷) تاوانی دزیكردن لە سنووری بنكەكەمان كە لە ماوەی كەمتر لە مانگێكدا روویان دابوو، ئێمەش دەستبەجێ دۆسیەی لكۆڵینەوەمان بۆ ئەم ڕووداوە كردەوە و بە یارمەتیی (ئاسایشی هەولێر - هۆبەی لێكۆڵینەوە) توانرا تۆمەتبارێك دەستگیر بكرێت و دواتر ڕادەستی ئێمە كرایەوە.

 

مقەدەم ئومێد گوتیشی، تۆمەتبار بە ناوی (ح.م.ك) تەمەن (۳۱) ساڵ، بە ڕەگەز سووری، دانی نا بە تاوانەكەیدا كەوا هەڵسابوو بە شكاندنی جامی چەندین ئۆتۆمبێل و دزینی بڕێكی زۆر پارە و كەلوپەلی نێو ئۆتۆمبێلەكان، كە بڕەكەی بە نزیكەی 40  هەزار دۆلاری ئەمەریكی دەخەمڵێنرێت لە پاڕكینگەكانی (پاڕك ڤیو- ئەمپایەر ـ پاڕكی شەهید سامی عەبدولڕەحمان).

 

بەرپرسی نووسینگەی نەهێشتنی تاوانی باكوور روونیشی كردەوە، پەڕاوی لێكۆڵینەوە بۆ ئەم ڕووداوە كرایەوە و ڕەوانەی بەردەم بەڕێز دادوەری لێكۆڵینەوە كرا، بەڕێزیشیان بڕیاری دا بە بەندكردنی تۆمەتبار بە ماددە (٤٤٦) لە (ی.س.ع).





ئەم هەواڵە 2257جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad