English | عربی | Kurdî دواهەواڵ
ڕاستەوخۆ  
 
خواردنی تەندروست لە قەڵەوی بۆماوەیی دەتپارێزێ
2019-09-11 [01:45 AM]

هەولێر _ ZNA


 

توێژینەوەیەکی نوێی ئەمریکی دەڵێ شێوازی تەندروستانەی خۆراک بە تایبەت بۆ ئەو کەسانە گرنگە کە لە رووی بۆماوەییەوە جەستەیان لەباریی تێدایە بۆ قەڵەوبوون.

واتە ئەو کەسانەی جینەکانیان رێگاخۆشکەرن بۆ قەڵەوبوون، ئەگەر شێوازێکی تەندروستانەی خۆراکیان هەبێ، کەمتر کێشیان زیاددەکات بەراورد بە کەسانی دیکە.
 

قەڵەوی ناڕێکییەکی ئاڵۆزە و هۆکارەکەی تێکەڵەیەکە لە رێگاخۆشکەری بۆماوەیی و نەریتی نادروستی ژیان. بۆ مرۆڤی ئەمڕۆ خواردنەوە شیرینکراوەکان و خواردنی سوورەوەکراو و فاستفوود لە هۆکارە دیارەکانی قەڵەوین، بە تایبەت لەو کەسانەی جینەکانیان رێگاخۆشکەرن بۆ قەڵەوبوون.

توێژینەوەکە لەلایەن توێژەرانی زانکۆی هارڤەرد لەسەر 8,828 خانم و 5,218 پیاو ئەنجامدراوە لەنێوان ساڵانی 1986 و 2006 و لە جۆرناڵی زانستی (بریتش مێدیکاڵ جۆرناڵ) بڵاوبووەتەوە.

بۆ گەیشتن بە ئەنجامەکانیش 77 جینیان لە بەشداراندا دەستنیشانکردوون کە پەیوەندییان بە کێشی جەستەوە هەیە و چاودێری سیستمی خۆراکیی بەشدارانیان دەکرد.

لە ئەنجامدا دەرکەوت ئەوانەی جینەکانیان رێگاخۆشکەرن بۆ قەڵەوبوون، ئەگەر پابەندی سیستمێکی خۆراکیی تەندروستانە بن، ئەوە ئەگەری زیاترە کێشی لەشیان داببەزێنن، بەراورد بەوانەی جینەکانیان رێگاخۆشکەر نین.

مەبەست لە خۆراکی تەندروست پابەندبوونە بە زۆر خواردنی بەرهەمە رووەکیەکان، هەر لە دانەوێڵەکان تاوەکوو پاقلەمەنی، چەرەس، سەوزە و میوەکان. هەروەها کەمکردنەوەی خوێ و شەکری دەستکرد و خواردنی لەقوتونراو.





ئەم هەواڵە 2554جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad