English | عربی | Kurdî دواهەواڵ
ڕاستەوخۆ  
 
هەنگاریا ٣٠ زەمالەى خوێندن پێشکەش بە هەرێمى کوردستان دەکات
2019-09-19 [10:29 AM]

ZNA - هه‌ولێر


وەزیرى خوێندنى باڵا و توێژینەوەى زانستى ئارام محمد قادر لەگەڵ شاندێكی وڵاتى هەنگاریا کە پێکهاتبو لە (سابۆ میکلۆش) کونسڵى هەنگاریا و (د. تۆماش دەژۆ) بەرپرسى زەمالەى خوێندنى هەنگاری كۆبووه‌وه‌، لەو دیدارەدا کە ژماریەک لە پەرلەمانتاران و بەڕێوەبەرانى گشتى ئامادەیبون، گفتوگۆ لەبارەى ئاستى پەرەپێدانى پەیوەندییەکان نێوان هەردولا کرا.

لەسەرەتاى دیدارەکەدا کونسڵى هەنگاریا ڕایگەیاند هەوڵمانداوە لە زۆربەى بوارەکان پەرە بە پەیوەندییەکان بدەین، یەکێک لەو سێکتەرانە بوارى خوێندنى باڵا و توێژینەوەى زانستى بوو، بۆ ئەمەش ئاماژەى بە چوارچێوه‌ی ڕێكه‌وتنامه‌ی نێوان وه‌زاره‌تی خوێندنی باڵا و توێژینه‌وه‌ی زانستی هه‌رێمی كوردستان و، وه‌زاره‌تی توانسته‌ مرۆییه‌كانی هه‌نگاریا کرد کە ساڵانە هەنگاریا سی زەمالەی خوێندنی باڵا بۆ فێرخوازان و هاوڵاتیانی هەرێمی کوردستان ڕاده‌گه‌ێنێت. دوپاتیشیکردەوە بۆ ئەمساڵیش لەسەرەتاى مانگى ١٢ دەرگاى پێشکەشکردن بۆ زەمالەى خوێندنى باڵاى هەنگاریا دەکرێتەوەو ٣٠ زەمالەى خوێندن تەرخانکراوە کە دواتر وردەکارى پێشکەشکردن و مەرجەکان بۆ خەڵکى کوردستان ڕادەگەیەنرێت.

لە بەرامبەردا، د. ئارام محمد قادر وەزیرى خوێندنى باڵا و توێژینەوەى زانستى، دواى ستایشکردنى کارەکانى کونسڵى هەنگاریا لەهەرێمى کوردستان ڕایگەیاند: هەنگاریا لە کاتێکدا هاوکارى پێشکەش بەهەرێمى کوردستان کرد، کە هەرێمەکەمان ڕوبەڕوى شەڕى داعش و، قەیرانى دارایی بو بۆوە، بەڵام هاوکارییەکانى ئەوان بۆ هێزى پێشمەرگە لەلایەک و، بەردەوامیدان بەپێشکەشکردنى سکۆلەرشیپ بۆ خوێندکارانى کوردستان لەلایەکى دیکە مایەى ستایش و نرخاندێکى زۆرە، وتیشى: هیوادارم بەردەوام بن لە پەیوەندییتان لەگەڵ کوردستان و بۆ ئەمەش خۆشحاڵى خۆى پیشاندا، کە خوێندکارانى کوردستان کە لە چوارچێوەى سکۆلەرشیپ گەیشتونەتە زانکۆکانى ئەو وڵاتە توانیویانە شوێن و پێگەى خۆیان بکەنەوە، سوپاسى هەنگاریشى کرد لەبەرامبەر دابینکردنى ٣٠ کورسى سکۆلەرشیپ- بۆ خوێندکارانى کوردستان.

لە بەشێکى دیکەى وتەکەیدا وەزیرى خوێندنى باڵا و توێژینەوەى زانستى داواى کرد ئاستى پەیوەندییەکان لەگەڵ وڵاتى هەنگاریا فراوانتر بکرێت بۆ ئاستى مامۆستاو فەرمانبەرانیش بەشێوەیەک بتوانرێت لە ڕێگەى پرۆژەو پرۆگرامەکانى ئەو وڵاتە سود بە هەرێمى کوردستان و زانکۆکانى کوردستان بکرێت.





ئەم هەواڵە 2476جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad