English | عربی | Kurdî دواهەواڵ
ڕاستەوخۆ  
 
دورخستنه‌وه‌ی به‌رپرسانی كورد له‌ كه‌ركوك به‌رده‌وامه‌
2019-09-22 [06:31 AM]

ZNA- هه‌ولێر


ئەندامێكی ئەنجومەنی پارێزگای كەركووك ڕای دەگەیەنێت تا ئێستا چەندینجار بەڵێنمان پێدراوە دوورخستنەوەی بەرپرسانی كورد لە پۆستەكانیان ڕابگیرێت، بەڵام بەپێچەوانەوە پرۆسەكە تا ئێستا بەردەوامە و بڕیارە ژمارەیەك بەرپرسی دیكەش لە پۆستەكانیان دوور بخرێتەوە و ئێمە ڕامان گرتووە.

 

ئازاد جەباری، ئەندامی ئەنجومەنی پارێزگای كەركووك ڕایگەیاند: "تا ئێستا چەندینجار بەڵێنمان پێدراوە دوورخستنەوەی بەرپرسانی كوردی شارەكە لە پۆستەكانیان ڕابگیرێت، بەڵام بە پێچەوانەوە پرۆسەكە تا ئێستا بەردەوامە و لەچەند ڕۆژی ڕابردوودا عەقید دانیال جەبار بەڕێوەبەری پۆلیسی فریاكەوتنی كەركووك لە پۆستەكەی دوور خرایەوە".

 

گوتیشی "ئێستا بڕیارە ژمارەیەك بەرپرسی دیكەی كورد لە پۆستەكانیان دوور بخرێتەوە، بەڵام ئێمە بڕیارەكەمان ڕاگرتووە و گوتوومانە قبووڵی ناكەین و چاوەڕێین پارێزگاری كەركووك لە سین بگەڕێتەوە تا لەو بارەیەوە گفتوگۆی لەگەڵدا بكەین".

 

ئاماژەی بەوەش دا "لابردنی بەرپرسانی كورد لە شارەكە سیاسەتی داڕێژراوی بەغدایە و لەلایەن ڕاكان سەعیدەوە جێبەجێ دەكرێت".

 

پێشتر جوان حەسەن زەنگەنە، ئەندامی ئەنجومەنی پارێزگای كەركووك ڕاگەیاندبوو: "لە پاش ڕووداوەكانی 16 ی ئۆكتۆبەری ساڵی 2017 وە زیاتر لە 50 بەرپرسی كورد لە پۆستەكانیان دوور خراونەتەوە".

 





ئەم هەواڵە 2527جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad