2019-09-22 [06:40 AM]

شاندێکی وەزارەتی خوێندنی باڵای عێراق بۆ داننان بە نۆ زانکۆی هەرێمی کوردستان، سەردانی هەولێر دەکات.

بەپێی نووسراوێکی وەزارەتی خویندنی باڵای عێراق، شاندەکە لە سێ لێژنە پێک دێت و هەر لێژنەیەک سەردانی سێ زانکۆی هەرێمی کوردستان دەکات.

بەپێی زانیارییەکان، شاندەکە رۆژی شەممە 21-9-2019 گەیشتووەتە هەرێمی کوردستان و دوای سەردانیکردنی ئەو زانکۆیانە، راپۆرتی خۆی دەداتە وەزارەتی خوێندنی باڵا بۆ داننان بە بڕوانامەی ئەو زانکۆیانە.

زانکۆکان بریتین لە؛

- زانکۆی هەڵەبجە.
- زانکۆی سۆران.
- زانکۆی زاخۆ.
- زانکۆی راپەڕین.
- زانکۆی کوردستان.
- زانکۆی گەرمیان.
- زانکۆی تەکنیکیی هەولێر.
- زانکۆی تەکنیکیی سلێمانی.
- زانکۆی تەکنیکیی دهۆک.