English | عربی | Kurdî دواهەواڵ
ڕاستەوخۆ  
 
سەرۆک بارزانی: رۆڵی مامۆستایانی ئایینی لە پەروەردەکردنی کۆمەڵگە بە گرنگ ناودەبات
2019-09-22 [08:46 AM]

ZNA-هەولێر


سەرۆک بارزانی رۆڵی مامۆستایانی ئایینی لە پەروەردەکردنی کۆمەڵگەیەک کە دین و نیشتمان لەیەک جیانەکەنەوە بە گرنگ ناودەبات و بە ئەرکی ئەوان دەزانێت، خەڵکەکە پەروەردە بکەن لەسەر پێکەوەژیان و رێز لە یەکدی گرتن و یەکدی قبوڵکردن.

سەرۆک مەسعود بارزانی، ئەمڕۆ سەردانی بارەگای یەکێتی زانایانی ئایینی ئیسلامی کرد و لە گوتارێکدا پیرۆزبایی ساڵیادی دامەزراندنی یەکێتییەکەی کرد و رایگەیاند: "من لەبیرمە بارزانی چەند بەلایەوە گرنگ بوو و چەند هەوڵیدا بۆ ئەوەی ئەم یەکێتییە دابمەزرێت. بێگومان مامۆستایانی ئایینی رۆڵێکی زۆر گەورە و پیرۆزیان بینیوە لە بزووتنەوەی رزگاریخوازی گەلی کوردستان بەتایبەتی لە شۆڕشی ئەیلوول. شەو و رۆژ مامۆستایان لە سەرتاسەری کوردستان دێ بە دێ دەگەڕان و خەڵکیان هاندەدا خزمەتی شۆڕش و پێشمەرگە بکەن. بەشێکی زۆری مامۆستایانیش چەکیان هەڵگرت و شەهیدیش بوون لە بەرەکانی شەڕدا".

لە درێژەی قسەکانیدا سەرۆک بارزانی هیوای خواست "مامۆستایان بگەڕێنەوە بۆ ئەو دۆخە پیرۆزە چونکە رۆڵی ئێوە ئەوەیە کە خەڵکەکە پەروەردە بکەن و ئامۆژگارییان بکەن. ئەو بە لاڕێدانەی دروستبووە دروستیبکەنەوە، چونکە بەداخەوە ئێمە دەبینین ئینحرافاتێکی زۆر دروستبووە. دینی ئیسلام دینی پێکەوەژیان و ئاشتی و خۆشەویستیی و تەبایی و براییە. لەناو کۆمەڵگەی کوردستانیشدا رۆڵی ئێوەیە خەڵکەکە پەروەردە بکەن لەسەر پێکەوەژیان و رێز لە یەکدی گرتن و یەکدی قبوڵکردن".

سەرۆک بارزانی ئاماژەی بە کردەوەکانی داعش کرد بەناوی دینەوە و گوتی: "ئەوەی لەم دواییە بینیمان کە بەناوی دینەوە لە هەندێ شوێن کرا، گەورەترین تاوان و خیانەت بوو بەدین. وەک ئەوەی تیرۆریستان کردیان لە تیرۆر و کوشتن و سووتان. هیچ تاوانێک نەما نەیکەن؟ کەی ئیسلام رێگەی ئەم شتانەی داوە".

سەبارەت بە پشتیوانی لە مامۆستایانی ئایینیش سەرۆک بارزانی گوتی: "من پێموایە ئێوە رۆڵێکی زۆر گەورە دەتوانن بگێڕن و بەدڵنیاییشەوە دەبێت پشتیوانیتان بکرێت، ئەوەی پێمان بکرێت پشتیوانیتان دەکەین چونکە بە ئەرکی دەزانین".

سەرۆک بارزانی دینداری و خۆشەویستی بۆ نیشتمان بە تەواوکەری یەکدی ناودەبات  و گوتی: " زۆر گرنگە خەڵکی ئێمە وا پەروەردە بکرێت کە دین و نیشتمان لەیەکدی جیا نەکەنەوە، هەردووکی پێکەوە بەستراوە، ئەوەی دینداربێت نیشتمانی خۆش دەوێ و ئەوەی نیشتمانی خۆش بوێ دیندار دەبێت. هەردووکی پێکەوە بەستراوەتەوە و دەبێت ئێوە (مامۆستایانی ئایینی) رایگرن".

 





ئەم هەواڵە 2329جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad