English | عربی | Kurdî دواهەواڵ
ڕاستەوخۆ  
 
عەرەبەکانی ئیسرائیل پاڵپشتیی رکابەرەکەی نەتانیاهۆ دەکەن
2019-09-23 [12:20 PM]

ZNA-هەولێر


حزبە عەرەبییەکانی ئیسرائیل پاڵپشتیی رکابەری سەرۆک وەزیرانی کاربەڕێکەری وڵاتەکەیان دەکەن بۆ پێکهێنانی حکوومەت.

لیستی هاوبەشی عەرەبی، کە نوێنەرایەتیی حزبە عەرەبییەکانی ئیسرائیل لە پەرلەمان (کنێست)ی ئەو وڵاتە دەکات و 13 کورسی بەدەست هێناوە، لە بەیاننامەیەکدا داوایان لە بینی گانتس، کاندیدی پارتی شین و سپی کردووە حکوومەتی نوێی ئیسرائیل پێک بهێنێت.

بە پاڵپشتیی حزبە عەرەبییەکان بۆی، ژمارەی کورسییەکانی بینی گانتس لە کنێست دەبێتە 57 کورسی و ژمارەی کورسییەکانی هاوپەیمانی بنیامین نەتانیاهۆی سەرۆک وەزیرانی کاربەڕێکەریش گەیشتووەتە 55 کورسی.

بۆ پێکهێنانی حکوومەت، پێویستە کاندیدی سەرۆکایەتیی حکوومەت لانی کەم دەنگی 61 پەرلەمانتار مسۆگەر بکات، کە دەکاتە رێژەی %51.

بەپێی دوایین ئەنجامە نافەرمییەکان، پارتی لیکۆد 32 کورسیی کنێستی مسۆگەر کردووە و پارتی شین و سپیش 33 کورسی بە دەست هێناوە.

رۆژی سیشەممە 17-9-2019، هاووڵاتییانی ئیسرائیل چوونە سەر سندوقەکانی دەنگدان بۆ هەڵبژاردنی پەرلەمانی وڵاتەکەیان.

کنێستی ئیسرائیل لە 120 ئەندام پێک دێت و کام لایەن زۆرینەی کورسییەکان بە دەست بهێنێت، سەرۆک وەزیرانی ئیسرائیل دیاری دەکات، بەڵام پێویستە رەزامەندیی 61 پەرلەمانتار، بەدەست بهێنێت.

 





ئەم هەواڵە 2050جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad