English | عربی | Kurdî دواهەواڵ
ڕاستەوخۆ  
 
وەزارەتى خوێندنى باڵا کارنامەى چوار ساڵى کارکردنى پێشکەش بە ئەنجومەنى وەزیران دەکات
2019-09-23 [03:31 AM]

ZNA - هه‌ولێر


ئەمڕۆ دوشەممە ئارام محمد قادر وه‌زیری خوێندنی باڵا و توێژینه‌وه‌ی زانستی له‌گه‌ڵ باربارا ڤۆڵف کونسڵى گشتى وڵاتى ئەڵمانیا لە هەولێر كۆبووه‌وه‌.

لە دیدارەکەدا کە ڕاوێژکار و بەڕێوەبەرانى گشتى وەزارەت ئامادەیبون، کونسڵى گشتى ئەڵمانیا لە هەولێر ستایشى هەماهەنگى و دڵسۆزى گەل و حکومەتى هەرێمى کوردستان کرد هەر لە شەڕى ڕوبەڕوبونەوەى داعش و پاراستنى ئەمن و ئاسایشى ناوچەکە و قوڵکردنى کلتورى پێکەوەژیان و ئاشتیانە لەنێوان پێکهاتە و نەتەوە و ئاینزا جیاوازەکانى کە لە هەرێمى کوردستان دەژین.

لەبارەى پەرەپێدانى سێکتەرى خوێندنى باڵاى کوردستان کونسڵى ئەڵمانیا پەرەپێدانى پەیوەندییەکان و هاوکارى خۆی بۆ سیستمى خوێندن و پێشخستنى ئاستى زانکۆکانى کوردستان دوپاتکردەوە و، کورتەیەکیشى لەبارەى گۆڕانکارییەکانى سیستمى خوێندن و فێربون لە وڵاتى ئەڵمانیا خستەڕو، بەشێوەیەک گۆڕانکارییەکان لەگەڵ ژینگە و پێداویستى بازاڕ گونجاون.

لەبەرامبەردا وەزیرى خوێندنى باڵا و توێژینەوەى زانستى، به‌گرنگیه‌وه‌ باسی له‌ پێویستی هه‌ماهه‌نگی و هاوكارییه‌كانی حكومه‌ت و گه‌لی ئەڵمانیا بۆ هه‌رێمی كوردستان كرد و، له‌و باره‌یه‌وه‌ وتی: له‌ ماوه‌ی چه‌ند ساڵی ڕابردودا به‌تایبه‌ت له‌ شه‌ڕی داعش  ئەڵمانیا هاوكاری سەرەکى خه‌ڵك و حكومه‌تی هه‌رێمی كوردستان و هێزى پێشمەرگەى کوردستان بوه‌، بۆیه‌ هاوكارییه‌كانی ئه‌وان ڕۆڵی گه‌وره‌ی بۆ‌ له‌ناوبردنی داعش له‌ كوردستان و عێراق هه‌بو، بۆ ئه‌وه‌ش وتی سوپاس بۆ ئه‌و هاوكارییانەى ئەڵمانیا پێشكه‌شی كردوە.

هەر لە وتەکەیدا وەزیرى خوێندنى باڵا ڕایگەیاند: لەدواى شەڕى داعش و گۆڕانکارییەکانى ناوچەکە وا دەخوازێت ئاستى پەیوەندى و لێکگەیشتنەکانمان بچێتە قۆناخێکى تر، بەتایبەت لە کەرتى خوێندنى باڵاى کوردستان و پێشخستن و پەرەپێدانى ئاستى زانکۆ و دامەزراوە زانستیەکانمان.

لە بەشێکى دیکەى کۆبونەوەکەدا و، بەمەبەستى تیشکخستنە سەر کارنامە و پلانى کارکردنى وەزارەتى خوێندنى باڵا و توێژینەوەى زانستى، د. ئارام محمد قادر ڕایگەیاند: لە کابینەى نۆیەمى حکومەتى هەرێمى کوردستان پلانى ستراتیژى چوار ساڵى کارکردنمان داڕشتوە و، به‌رزكراوه‌ته‌وه‌ بۆ ئەنجومەنى وەزیران بەمەبەستى گفتوگۆ و پەسەندکردنى، بۆ ئەوەش وتى: لە هێڵە سەرەکیەکانى کارنامەکەماندا بەهێزکردنى پێگەى نێودەوڵەتى زانکۆکانى کوردستان و، باشترکردن و ڕەخساندنى ژینگەى خوێندن و فێربونى سەردەمیانە بۆ ڕۆڵەکانمان و ئەنجامدانى پڕۆژەی گرنگ و ستراتیژەکان و، بەستنى کۆنفرانسى زانستى و ئەکادیمى بۆ گۆڕانکارى لە سیستمى خوێندن و گونجانى لەگەڵ ڕەهەندى نێودەوڵەتى له‌ پێشینه‌ی كاره‌كانمانه‌، وتیشى دەمانەوێت لەم بوارەدا پەیوەندى نێوان زانکۆکان و بازاڕى کارى کوردستان بەهێز بکەین و پرۆگرامەکانمان بە پێداویستییەکانى بازاڕى کارى کوردستان ببەستینەوە، بۆ جێبەجێکردنى ئەم پلان و بەرنامانە و پڕکردنەوەى پێداویستیەکانى بازاڕى کارى کوردسان، پێویستمان بە هەماهەنگى و شارەزایى وڵاتى ئەڵمانیا دەبێت.

هه‌ر له‌ میانه‌ی قسه‌كانیدا، وه‌زیری خوێندنی باڵا و توێژینه‌وه‌ی زانستی وتی: ئه‌و پڕۆژانه‌ی پێویسته‌ بخرێنه‌ خزمه‌ت کەرتەکە ده‌كرێ هه‌ماهه‌نگ و هاوكاری یه‌كتربین، بۆ ئه‌وه‌ش به‌سود وه‌رگرتن له‌و په‌یوه‌ندییه‌ توندوتۆڵه‌ی زانكۆكانی ئەڵمانیا له‌گه‌ڵ وه‌زاره‌ت و زانكۆكانی هه‌رێمی كوردستان دەتوانێت ئاڵوگۆڕى زانستى و ئەکادیمى و کلتورى زیاتر لە نێوادا پەرەپێبدات.





ئەم هەواڵە 2095جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad