English | عربی | Kurdî دواهەواڵ
ڕاستەوخۆ  
 
ساڵی داهاتوو دوو مەرجی تازە بۆ پشكنینی ساڵانەی ئۆتۆمبێل زیاد دەكرێن
2019-09-24 [06:09 AM]

ZNA- هه‌ولێر


 بەرپرسێكی هاتووچۆ ئاشكرای دەكات، لە ساڵی داهاتوودا بۆ سەلامەتی توندوتۆڵی ئۆتۆمبێل دوو مەرجی تازە پەیڕەو دەكرێن و هەر تاقیگەیەكیش كارئاسانی بۆ ئۆتۆمبێل بكات لەكاتی پشكنیندا ڕووبەڕوی سزای دارایی دەبێتەوە.

لیوا هێرش ئەحمەد، بەڕێوەبەری گشتیی هاتوچۆی هەولێربە باسی راگەیاند: مەرجێكی تر بۆ پشكنینی ساڵانەی ئۆتۆمبێل زیاد دەكرێت كە پێی دەگوترێت هەززە، ئەویش كاركردنی ئێرباكە كە پێشی دەڵێن پەڕەشووت" ئاشكراشی كرد، هەروەها مەرجی قایشی خۆبەستنەوەی شۆفێران و سەرنشینانیش زیاد دەكرێت، گوتیشی: "ئەوانەی قایشی خۆبەستنەوەیان ستۆك بووە لە پشكنین بە دەرنەچوو ئەژمار دەكرێن بۆیە دەبێت قایشی سەلامەتی گرنگی زۆری پێ بدرێت".

ئەو بەرپرسەی هاتووچۆ روونی كردەوە: "ئاگاداری ئەو كۆمپانیایەمان كردۆتەوە كاری خۆیان بۆ ئەو مەرجه‌ تازانه‌ بكەن بۆ ئەوەی لە ساڵی داهاتوو ئەو پشكنینانەش كاری پێ بكرێت، رۆتینیش زیاد ناكات بەڵكو لە پاڵ مەرجەكانی تری سەلامەتی ئۆتۆمبێل پشكنینەكە زیاد دەكرێت".

لیواهێرش دووپاتی كردەوە: "زۆرێك لەو ئۆتۆمبێلانەی بەم دواییانە هێندراونەتە كوردستان یان ئێرباكیان كار ناكات یان تەقیووە، پشتێنی سەلامەتیشیان ستۆك بووە بۆیە ئەوەی ئەو كێشەی هەیە دەبێت لەو چەند مانگە چاكیان بكەنەوە".

بەپێی بڕیاری وەزارەتی ناوخۆ هەر سەنتەرێكی پشكنین سەرپێچی ئەو بڕیارە بكات سزای دارایی دەدرێت وە هەر تاقیگەیەك كارئاسانی بۆ ئۆتۆمبێل بكات لەكاتی پشكنیندا ڕووبەڕوی سزای دارایی دەبێتەوە‌و لەكاتی دووبارە بوونەوەدا مۆڵەت لەتاقیگەكە وەردەگیرێتەوە."

لە ساڵی 2009 وە كۆمپانیای pvi بۆ پشكنینی شیاوی و سەلامەتی ئوتومبێل لە هەرێمی كوردستان دامەزراوە و لە هەموو پارێزگاكان سەنتەریان هەیە، هه‌روه‌ها لە هەرێمی كوردستان زیاتر لە یەک ملیۆن ‌و 500 هەزار ئۆتۆمبێل هەیە.  

 

 





ئەم هەواڵە 6784جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad