English | عربی | Kurdî دواهەواڵ
ڕاستەوخۆ  
 
له‌ هه‌ولێر كه‌سێك دایكى خۆى كوشت
2019-09-24 [09:43 AM]

ZNA - هەولێر


به‌ڕێوه‌به‌رایه‌تیی پۆلیسى هه‌ولێر له‌ ڕاگه‌یاندراوێكدا ئاشكراى كرد، كه‌سێكى به‌ ڕه‌گه‌ز عه‌ره‌ب دایكى خۆى كوشتووه‌.

ئه‌مڕۆ سێشه‌ممه‌ 24/9/2019، به‌ڕێوه‌به‌رایه‌تیی پۆلیسى هه‌ولێر ڕاگه‌یاندراوێكى له‌ په‌یجى فه‌رمیی خۆى، له‌ تۆڕى كۆمه‌ڵایه‌تیی (فه‌یسبووك) بڵاو كرده‌وه‌، تێیدا هاتووه‌: "له‌ به‌روارى 15/9/2019دا، پۆلیس ئاگادارکرانەوە بە بوونی ڕووداوێکی نەخوازراو لە گوندی مورتکە، دوای گەیشتنی پۆلیس بۆ شوێنی ڕووداوه‌كه‌ دەرکەوت کەسێک دایكى خۆى كوشتووه‌".

هه‌ر له‌ ڕاگه‌یاندراوه‌كه‌دا و له‌باره‌ى ڕووداوه‌كه‌،لەمبارەیەوە نەقیبی پۆلیس فەرمان عه‌بدوڵا محه‌مه‌د، ئەفسەر لە بەشی پۆلیسی نەهێشتنی تاوانی دارەتوو ڕاى گه‌یاندووه‌: "ئاگادار کراینەوە بە بوونی ڕووداوێکی کوشتن لە گوندی مورتکە، ئێمەش دەستبەجێ گەیشتینە شوێنی ڕووداوه‌كه‌، دەرکەوت کەوا کەسێک بە ناوی (خ، ا، ڤ) تەمەن 19 ساڵ بە ڕەگەز عەرەب، دایكى خۆى بە ناوی (س، ا) كوشتووه‌، دوای ڕووداوەکە تۆمەتباره‌كه‌ بۆ ناحیەی (شەرگات)ى سەر بە پارێزگای مووسڵ ڕاى كرد، دواتر توانرا بهێنرێتەوە و دەستگیر بکرێت".

پۆلیسى هه‌ولێر ئاماژه‌ى به‌وه‌ش داوه‌، پەڕاوی لێکۆڵینەوەی بۆ ڕێکخراو ڕەوانەی بەردەم دادوەر کرا، دادوه‌ریش بڕیاری دا بە بەندکردنی تۆمەتبار بە پێی ماددە 405 لە یاساى سزادانى عێراقى.





ئەم هەواڵە 2659جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad