2019-09-30 [12:05 PM]

 بەرپرسی دەزگای هەڵبژاردنی پارتی دەڵێ، لە كۆبوونەوەی ئەمڕۆی لایەنە كوردستانییەكاندا، لەسەر بنەما سەرەكییەكانی هاوپەیمانی كوردستانی رێككەوتوون و سبەینێ و هەفتەی دابێتیش كۆبوونەوەی دیكە ئەنجام دەدەن.

خەسرۆ گۆران، لە لێدوانێكیدا بۆ ماڵپەڕی فەرمیی پارتی دیموكراتی كوردستان، رایگەیاند، كە لە كۆبوونەوەی ئەمڕۆی لایەنە كوردستانییەكاندا، لەسەر بنەما سەرەكییەكانی هاوپەیمانی كوردستانی رێككەوتوون و سبەینێ و هەفتەی دابێتیش كۆدەبنەوە و كۆبوونەوەكانیشیان بەردەوام دەبن.

بەرپرسی دەزگای هەڵبژاردنی پارتی دیموكراتی كوردستان روونیشی كردەوە، كە كۆبووەنەوەی سبەینێی لایەنەكان لە سلێمانی و بۆ دیاریكردنی كاندیدی سەرۆك لیست و رێپێدراوی لیست و درووشم و لۆگۆی لیستەكەیە، هاوكات هەفتەی دابێتیش كۆبوونەوەیان لەسەر نووسینەوەی بەرنامەی سیاسیی لیستەكە دەبێت.

رەتیشی كردەوە، كە تا ئێستا بە فەرمی هیچ كەسێك لە لایەن حزبەكانەوە وەك كاندید دیاری كرابێت.