English | عربی | Kurdî دواهەواڵ
ڕاستەوخۆ  
 
له‌ چه‌ند شارێكی عێراق خۆپیشاندان له‌دژی گه‌نده‌ڵی و بێكاریی به‌رێوه‌چوو
2019-10-01 [11:50 AM]

ZNA-هەولێر


له‌ چه‌ند شارێكی باشووری عێراق به‌ تایبه‌تی به‌غدای پایته‌خت و به‌سره‌ خۆپیشاندان سازكرا بۆ پرۆتێستۆكردنی گه‌نده‌ڵی و بێكاریی له‌ وڵاتدا.

ده‌یان كه‌س له‌ گۆڕه‌پانی ته‌حریر له‌ ناوه‌ڕاستی به‌غدا كۆبوونه‌وه‌ و، به‌ هۆی به‌ره‌نگارنه‌بوونه‌وه‌ی گه‌نده‌ڵیی و نه‌دۆزینه‌وه‌ی چاره‌سه‌ر بۆ بێكاریی، ناڕه‌زایه‌تیان دژ حكوومه‌ت ده‌ربڕی.

خۆپیشاندان هوتافیان دژی حكوومه‌ت كێشا و، ویستیان به‌ره‌و ناوچه‌ی سه‌وز به‌ڕێبكه‌ون كه‌ داموده‌زگا حكوومییه‌كانی لێیه‌، به‌ڵام هێزه‌ ئه‌منییه‌كان رێگه‌یان پێ نه‌دان.

له‌ كاتێكدا له‌ ده‌وروبه‌ری ناوچه‌ی سه‌وز رێوشوێنی ئه‌منیی توند گیراوه‌ته‌به‌ر، ته‌واوی ئه‌و رێگایانه‌ی بۆ ناوچه‌كه‌ ده‌چن داخراون.

له‌گه‌ڵ به‌غدای پایته‌خت، له‌ شاره‌كانی دیكه‌ی باشووریش خۆپیشاندانی هاوشێوه‌ رێكخرا.

له‌و خۆپیشاندانانه‌ی له‌ شاری به‌سره‌ سازكران كه‌ ده‌وڵه‌مه‌نده‌ به‌ نه‌وت، ١٢ كه‌س ده‌ستگیركران.

خۆپیشانده‌ران له‌ رێگه‌ی تۆڕی كۆمه‌ڵایه‌تییه‌وه‌ گردبوونه‌وه‌كه‌یان رێكخست و تا ئێستا هیچ پارت و گرووپێكی سیاسیی ئه‌و بانگه‌وازانه‌یان له‌ ئه‌ستۆ نه‌گرتووه‌ كه‌ له‌ رێگه‌ی تۆڕی كۆمه‌ڵایه‌تییه‌وه‌ بڵاوكراوه‌ته‌وه‌.

هه‌روه‌ها نوێنه‌رانی رێبه‌ری شیعه‌، موقته‌دا سه‌در كه‌ خاوه‌نی گه‌وره‌ترین كوتله‌یه‌ له‌ عێراق، رایانگه‌یاند كه‌ به‌شداری له‌و خۆپیشاندانانه‌دا ناكه‌ن.





ئەم هەواڵە 4963جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad