English | عربی | Kurdî دواهەواڵ
ڕاستەوخۆ  
 
خزمەتگوزاری ئینتەرنێت لە عێراق راگیرا
2019-10-03 [07:51 AM]

ZNA- ھەولێر


خزمه‌تگوزاریی ئینته‌رنێت، له‌ ته‌واوی عێراق، جگه‌ له‌ هه‌رێمی كوردستان، راگیرا و هاووڵاتیان ناتوانن ده‌ستیان به‌و خزمه‌تگوزارییه‌ بگات.

به‌ گوێره‌ی وێبسایتی "سۆمه‌ری نیوز"، بڕیاری راگرتنی خزمه‌تگوزارییه‌كه‌، دوای خۆپیشاندانه‌كانی چه‌ند رۆژی رابردوو دێت، كه‌ له‌ زۆربه‌ی پارێزگاكانی ناوه‌ڕاست و خوارووی عێراق هاووڵاتیان رژانه‌ سه‌ر شه‌قامه‌كان.

به‌ هۆی رووبه‌ڕووبوونه‌وه‌ی هێزه‌ ئه‌منییه‌كان و خۆپیشانده‌ران، تا ئێستا 6 خۆپیشانده‌ر و كارمه‌ندێكی هێزه‌ ئه‌منییه‌كان گیانیان له‌ده‌ستداوه‌.

به‌هۆی نه‌بوونی خزمه‌تگوزارییه‌ سه‌ره‌تاییه‌كان، وه‌كو ئاو، كاره‌با و بێكارییه‌كی كوشنده‌، هاووڵاتیان رژاونه‌ته‌ سه‌ر شه‌قامه‌كان و له‌ دژی حكوومه‌ت هوتاف ده‌كێشن.

ئێواره‌ی رۆژی چوارشه‌ممه‌ش، تۆڕه‌ كۆمه‌ڵایه‌تییه‌كانی وه‌كو فه‌یسبووك، تویته‌ر، ئینستاگرام و واتسئاپ، له‌ عێراق له‌ كاركردن راگیراون، جگه‌ له‌ هه‌رێمی كوردستان نه‌بێت، كه‌ ئه‌ویش ژێرخانی ئینته‌رنێتی تایبه‌ت به‌خۆی هه‌یه‌.

به‌ گوێره‌ی وێبسایته‌كه‌، له‌ كاتژمێر پێنجی به‌یانییه‌وه‌ قه‌ده‌غه‌ی هاتووچۆ له‌ به‌غدای پایته‌خت راگه‌یه‌ندراوه‌ و ماوه‌ی كۆتایی هاتنی قه‌ده‌غه‌كه‌ش دیاری نه‌كراوه‌.





ئەم هەواڵە 6184جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad