English | عربی | Kurdî دواهەواڵ
ڕاستەوخۆ  
 
نێچیرڤان بارزانی له‌گه‌ڵ باڵیۆزی كه‌نه‌دا له‌ عێراق كۆده‌بێته‌وه‌
2019-10-03 [11:26 AM]

ZNA - هه‌ولێر


 

سه‌رۆک نێچیرڤان بارزانی جه‌ختی له‌ پاراستنی سه‌ركه‌وتنه‌كان به‌سه‌ر داعشدا و ده‌ستپێكردنی قۆناغی ئاوه‌دانكردنه‌وه‌ی ناوچه‌ زیانبه‌ركه‌وتووه‌كانی شه‌ڕ و گه‌ڕانه‌وه‌ی ئاواره‌ و په‌نابه‌ران بۆ شوێنه‌کانیان كرده‌وه‌، هه‌روه‌ها سوپاسی پشتیوانیی كه‌نه‌دای بۆ عێراق و هه‌رێمی كوردستان له‌ شه‌ڕی دژی داعشدا کرد.

 

‌پێشنیوه‌ڕۆی ئه‌مڕۆ پێنجشه‌ممه‌ 3/10/2019 له‌ هه‌ولێر، به‌ڕێز سه‌رۆكی هه‌رێمی كوردستان له‌ دیداره‌كێدا له‌گه‌ڵ به‌ڕێز پۆڵ گیبارد باڵیۆزی که‌نه‌دا له‌ عێراق كه‌ خاتوو ئاشلی دوریك به‌ڕێوه‌به‌ری ئۆفێسی باڵیۆزخانه‌ی كه‌نه‌دا له‌ هه‌ولێر تیایدا ئاماده‌ بوو، پوخته‌یه‌كی ده‌رباری پرۆگرام و كاره‌ له‌پێشینه‌كانی هه‌رێمی كوردستان، په‌یوه‌ندییه‌كانی هه‌ولێر ـ به‌غدا و چاره‌سه‌ركردنی كێشه‌كان له‌سه‌ر بنه‌مای ده‌ستوور خسته‌ ڕوو، هه‌روه‌ها په‌ره‌پێدانی په‌یوه‌ندییه‌‌كانی هه‌رێمی كوردستانی له‌گه‌ڵ که‌نه‌دا له‌ هه‌موو بواره‌كاندا دووپات كرده‌وه‌.

 

لای خۆیه‌وه‌ به‌ڕێز گیبارد باڵیۆزی كه‌نه‌دا له‌ عێراق خۆشحاڵیی خۆی به‌ ئاستی په‌یوه‌ندییه‌كانیان له‌گه‌ڵ عێراق و هه‌رێمی كوردستان ده‌ربڕی و هیوای به‌ره‌وپێشبردنی زیاتری په‌یوه‌ندییه‌کانی خواست.

 

تاوتوێكردنی دۆخی سیاسیی عێراق، جێبه‌جێكردنی ده‌ستوور، ڕێگریكردن له‌ سه‌رهه‌ڵدانه‌وه‌ی تیرۆر، دۆخی ئاواره‌ و په‌نابه‌ران و سوودوه‌رگرتن له‌ ئه‌زموونه‌ سه‌رکه‌وتووه‌کانی كه‌نه‌دا، لایه‌نێكی دیكه‌ی دیداره‌که‌‌ بوو.

 





ئەم هەواڵە 1663جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad