English | عربی | Kurdî دواهەواڵ
ڕاستەوخۆ  
 
فارس عیسا: رەنگە كۆبوونەوەی نێوان هەرێم و بەغدا‌ بۆ كاتێكی تر دوابخرێت
2019-10-06 [11:52 AM]

ZNA- هه‌ولێر


نوێنەری حكوومەتی ھەرێمی كوردستان لە بەغدا رایگەیاند، شاندێكی حكوومەتی ھەرێمی كوردستان سەردانی بەغدا دەكات و دەر‌بارەی پشكی ھەرێمی كوردستان بۆ ساڵی ٢٠٢٠ لەگەڵ بەرپرسانی عێراق گفتوگۆ دەكەن.

فارس عیسا، بە ماڵپەڕی فەرمیی پارتی دیموكراتی كوردستانی ڕاگەیاند، ڕۆژی سێشەممە بڕیار دراوە شاندێكی حكوومەتی ھەرێمی كوردستان سەردانی بەغدا بكات، بڕیاریشە شاندەكەی حكوومەتی ھەرێم لەگەڵ ئەنجوومەنی وەزیران و لایەنە سیاسییەكانی نێو ئەنجوومەنی نوێنەرانی عێراق كۆببنەوە.

ناوبراو ڕاشیگەیاند، لە كۆبوونەوەكەدا، شاندی ھەرێم دەر‌بارەی پشكی ھەرێمی كوردستان لە پڕۆژەیاسای بودجەی گشتیی عێراق بۆ ساڵی ٢٠٢٠ و ماددەی ١٤٠، لەگەڵ بەرپرسانی عێراق گفتوگۆ دەكەن.

 ‌نوێنەری حكوومەتی ھەرێمی كوردستان لە بەغدا، ڕوونیشی كردەوە، شاندەكەی هەرێم پێكهاتووە لە د. ئومێد سەباح، سەرۆكی دیوان لە سەرۆكایەتیی ئەنجومەنی وەزیران، خالید شوانی، وەزیری ھەرێم، دارا ڕەشید، وەزیری پلاندانانی ھەرێمی كوردستان و د. ئامانج رەحیم، سكرتێری ئەنجوومەنی وەزیران.

فارس عیسا، ئاماژە بەوەش دەكات، ئەگەر خۆپێشاندانەكانی عێراق بەردەوامییان هەبێت و بەرەو ئاڵۆزتر بڕوات، رەنگە كۆبوونەوەكەی نێوان هەرێم و بەغدا‌ بۆ كاتێكی تر دوابخرێت، چونكە ئەنجوومەنی وەزیرانی عێراق لە هەوڵی ئاساییكردنەوەی بارودۆخەكەدان.





ئەم هەواڵە 1498جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad