English | عربی | Kurdî دواهەواڵ
ڕاستەوخۆ  
 
سه‌رۆكی هه‌رێمی كوردستان و باڵیۆزی فه‌ڕه‌نسا دۆخی عێراق تاوتوێ ده‌که‌ن
2019-10-06 [06:41 AM]

ZNA - هه‌ولێر


له‌ كۆبوونه‌وه‌یه‌كدا له‌گه‌ڵ به‌ڕێز برۆنۆ ئۆبێر باڵیۆزی فه‌ڕه‌نسا له‌ عێراق، به‌ڕێز سه‌رۆكی هه‌رێمی كوردستان سوپاس و پێزانینی هه‌رێمی كوردستانی بۆ ڕۆڵی فه‌ڕه‌نسا و سه‌رۆك ماكرۆن له‌ پشتگیریكردن و هاوكاریكردنی هه‌رێمی كوردستان دووپات كرده‌وه‌.

سه‌رۆك نێچیرڤان بارزانی جه‌ختی له‌ هه‌ستیاریی دۆخی عێراق و پێویستیی وڵات به‌ سه‌قامگیریی سیاسی و ئه‌منی كرده‌وه‌، هه‌روه‌ها مه‌ترسیی سه‌رهه‌ڵدانه‌وه‌ی داعشی له‌ عێراق به‌ هه‌ڕه‌شه‌یه‌کی ڕاسته‌قینه‌ و جددی له‌قه‌ڵه‌م دا.

له‌ كۆبوونه‌وه‌كه‌دا ئێواره‌ی ئه‌مڕۆ یه‌كشه‌ممه‌ 6/10/2019 له‌ هه‌ولێر كه‌ به‌ڕێز ئۆلیڤیێ دیکۆتینی، كونسولی گشتیی فه‌ڕه‌نسا له‌ هه‌ولێر ئاماده‌ی بوو، هه‌ردوولا جه‌ختیان له‌ به‌ره‌وپێشبردنی په‌یوه‌ندییه‌‌کانی هه‌رێمی کوردستان و فه‌ڕه‌نسا، دۆخی ئێستای عێراق، پێشهاته‌ ئه‌منییه‌كانی به‌غدا و پارێزگاكانی دیكه‌، كێشه‌كانی هه‌ولێر ـ به‌غدا و دیالۆگی چاره‌سه‌ركردنیان، دۆخی ئاواره‌ و په‌نابه‌ران له‌ هه‌رێمی كوردستان، پێویستیی هه‌ماهه‌نگیی نێوان سوپای عێراق و پێشمه‌رگه‌ له‌ ناوچه‌ كێشه‌ له‌سه‌ره‌كان، دۆخی ناوچه‌ زیانبه‌ركه‌وتووه‌كانی شه‌ڕی تیرۆر و پێشهاته‌كانی ناوچه‌كه‌یان به‌گشتی تاوتوێ كرد.





ئەم هەواڵە 1165جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad