2019-10-13 [06:48 AM]

رێڤەبەری خۆسەر هۆشداری دەدات لە دروستبوونەوەی رێکخراوی داعش و رایدەگەیەنێت "بەهۆی هێرشی دڕندانەی تورکیا، ژمارەیەک چەکداری داعش توانیویانە لە کەمپی عەین عیسا هەڵبێن".

لە راگەیەندراوێکدا ئەمڕۆ (یەکشەممە، 13-10-2019) رێڤەبەری خۆسەر داوا لە هاوپەیمانیی نێودەوڵەتی لەدژی داعش، کۆمکاری عەرەبی، یەکێتیی ئەوروپا و سەرجەم رێکخراوەکانی مافی مرۆڤ دەکات ئەرکی سەرشانیان بەخێرایی بەجێبهێنن، بۆ ئەوەی "رێگە لەو کارەساتە بگرن، کە ئاسەواری تەنیا لە سووریا نامێنێتەوە و دەگاتە بەر دەرگەی هەمووان کاتێک کارەکان لە ژێر کۆنترۆڵ دەردەچن".

لە راگەیەندراوەکەدا رێڤەبەریی خۆسەر دەڵێ "بەهۆی هێرشە دڕندانەکەی تورکیا و گرووپە چەتەکانی لە کەمپی نزیک عەین عیسا، کە هەزاران خێزانی چەکدارانی داعشی لێیە، بەشێکیان توانیویانە هەڵبێن، ئەمەش دەبێتە پاڵپشتییەک بۆ دووبارە ژیاندەنەوەی رێکخراوی داعش".