English | عربی | Kurdî دواهەواڵ
ڕاستەوخۆ  
 
ڕۆژنامه‌نووسانی بیانی بەپەلە ڕۆژئاوای کوردستان جێدەهێڵن
2019-10-14 [12:18 PM]

ZNA-هەولێر


دوابه‌دوای ڕێككه‌وتنەکەی ١٣ی ئۆکتۆبەری نێوان هێزه‌كانی سووریای دیموكرات (هه‌سه‌ده‌) له‌گه‌ڵ ڕژێمی سووریا و ڕێگه‌دانیان به‌ گه‌ڕانه‌وه‌ی سوپای ئه‌سه‌د بۆ چه‌ند ناوچه‌یه‌كی ڕۆژئاوای كوردستان، به‌شێك له‌ ڕۆژنامه‌نووسه‌ بیانییه‌كان ئێستا خه‌ریكن ئه‌م ناوچه‌یه‌ جێده‌هێڵێن.

 

ده‌رچوونی ئه‌م ڕۆژنامه‌نووسانه‌ ده‌گه‌ڕێته‌وه‌ بۆ نیگه‌رانییان له‌ هاتنی سوپای سووریا كه‌ مه‌ترسی ده‌خاته‌ سه‌ر ژیانی ئه‌و ڕۆژنامه‌نووسانه‌ی ساڵانێكی هەواڵەکانی پەیوەندیدار بە قه‌یرانی سووریا و دڕنده‌یی ڕژێمه‌كه‌ی به‌شار ئه‌سه‌د ده‌گوازنه‌وه‌.

 

لەمبارەیەوە جینان مووسا، په‌یامنێری ته‌له‌فزیۆنی (ئه‌ل ئان) له‌ هه‌ژماری تایبه‌تیی خۆی له‌ (تویته‌ر) نووسیویه‌تی: ”به‌ دڵێكی گرانه‌وه‌ خه‌ریكین ناوچه‌ كوردییه‌كانی سووریا جێده‌هێڵین و به‌ره‌و سنووری عێراق ده‌چین“.

 

له‌ گرته‌یه‌كی ڤیدیۆییشدا ئاماژه‌ به‌وه‌ ده‌كات كه‌ ئه‌و له‌گه‌ڵ كۆمه‌ڵێك ڕۆژنامه‌نووسی دیكه‌ به‌ به‌ڵگه‌ی ڕێگه‌پێدانی ده‌سه‌ڵاتدارانی كورد، چوونه‌ته‌ ناو خاكی ڕۆژئاوا و ئێستاش كه‌ خه‌ریكه‌ ڕژێمی ئه‌سه‌د ده‌گه‌ڕێته‌وه‌ ناوچه‌كه‌، ئه‌گه‌ری ده‌ستگیركردنییان به‌هۆكاری نه‌بووونی ڤیزه‌ی فه‌رمیی حكوومه‌تی سووریا هه‌یه‌.

 

هاوكات، لیندزی هیلسام، په‌یامنێری (كه‌ناڵ ٤)ی به‌ریتانی له‌ كاتی په‌ڕینه‌وه‌ی له‌ ڕووباری فیشخابوور، وێنه‌یه‌كی گرتووه‌ و نووسیویه‌تی: ”به‌ دڵێكی غه‌مگین و شه‌رمه‌زارییه‌وه‌، له‌ ڕۆژئاواوه‌ ده‌په‌ڕمه‌وه‌ بۆ كوردستانی عێراق. دۆسته‌ كورده‌كانمان له‌ ژێر هه‌ڕه‌شه‌ی كوشتن به‌ ده‌ستی توركیا یان به‌شار ئه‌سه‌د دان. حكوومه‌تی به‌ریتانیا كه‌ هاوكاریی كورده‌كانی ده‌كرد له‌ شه‌ڕی داعشدا، ئه‌مجاره‌ له‌گه‌ڵ ئه‌مریكا ئه‌وانی جێهێشت. ئه‌مه‌ شه‌رمه‌زارییه‌“.

 

دوێنێ یەکشەممە ١٣ی ئۆکتۆبەری ٢٠١٩، خۆبەڕێوەبەریی ڕۆژئاوای کوردستان لە ڕاگەیاندراوێکدا ڕادەستکردنەوەی ناوچەکانی ژێر دەسەڵاتی بە تایبەتیش سنووری نێوان تورکیا و سووریای بە ڕژێمی بەشار ئەسەد راگەیاند، هەرچەندە زیاتر لە ١١ هەزار شەڕڤانیان لە ماوەی ڕابردوودا شەهید بووە.

 





ئەم هەواڵە 2515جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad