English | عربی | Kurdî دواهەواڵ
ڕاستەوخۆ  
 
ئێران به‌ڕێوبه‌ری چه‌ناڵێكی تێلیگرامی به‌ تۆمه‌تی سیخوڕی ده‌ستگیركرد
2019-10-14 [12:23 PM]

ZNA -هه‌ولێر


هه‌واڵگری سوپای پاسدارانی كۆماری ئیسلامی ئێران، رایگه‌یاند، به‌ڕێوبه‌ری كه‌ناڵێكی تێلیگرامیان به‌ تۆمه‌تی سیخوڕی بۆ ده‌زگایه‌كی هه‌واڵگری خۆرئاوایی ده‌ستگیركردووه‌.

هه‌واڵگری سوپای پاسداران راشیگه‌یاندووه‌، روحوڵڵا زمكان به‌ڕێوبه‌ری كه‌ناڵی ئامدنیوز به‌ رێنمایی هه‌واڵگری فه‌ره‌نسا و به‌ پشتیوانی هه‌واڵگری ئه‌مه‌ریكا و ئیسرائیل كاری كردووه‌ و چه‌ناڵه‌كه‌ی نزیكه‌ی یه‌ك ملیۆن بینه‌ری هه‌بووه‌.

روونیشیكردووه‌ته‌وه‌،ورده‌كاری زیاتری ئه‌و هه‌ڵمه‌ته‌ ئاشكرا ده‌كه‌ن، كه‌ دژی پیلانگێڕی ده‌ره‌كی ئه‌نجامیان داوه‌.

ئاماژه‌ی به‌وه‌شداوه‌، به‌ هۆی ئۆپراسیۆنێكی هه‌واڵگری ئاڵۆزه‌وه‌، توانراوه‌ ئه‌و تۆمه‌تباره‌ له‌ ده‌ره‌وه‌ی ئێرانه‌وه‌ په‌لكێشی ناوخۆ بكرێت و ده‌ستگیر بكرێت.

كه‌ناڵی ئامه‌دنیوز له‌ تێلیگرام، یه‌كێكه‌ له‌ كه‌ناڵه‌ به‌رچاوه‌كانی تێلیگرام و لای ئێرانییه‌كان ناسراوه‌. له‌و كه‌ناڵه‌وه‌ دنه‌ی خۆپیشاندان و ناڕه‌زایه‌تی دژی ده‌سه‌ڵاتدارانی ئێران دراوه‌ و هاوكات وانه‌ی تایبه‌ت به‌ درووستكردنی بۆمبی ده‌ستی په‌خش كراوه‌.

كه‌ناڵه‌كه‌ له‌ به‌یاننامه‌یه‌كدا رایگه‌یاندووه‌، به‌ڕێوبه‌ره‌كه‌ی ده‌ستگیركراوه‌ و ئه‌وه‌شی به‌ شكست بۆ ده‌زگا هه‌واڵگرییه‌كانی ئه‌مه‌ریكا و ئه‌وروپا وه‌سف كردووه‌.

چه‌ناڵه‌كه‌ سوپاسی سوپای پاسدارانیشی كردووه‌ بۆ ده‌ستگیركردنی به‌ڕێوبه‌ره‌كه‌ی و راشیگه‌یاندووه‌، زانیارییه‌كانی ناو كه‌ناڵه‌كه‌ له‌به‌رده‌ستی هه‌واڵگری سوپای پاسداراندان.

 





ئەم هەواڵە 2500جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad