English | عربی | Kurdî دواهەواڵ
ڕاستەوخۆ  
 
نۆژەنکردنەوەی رێگاوبانەکان پڕی پاره‌ و ماوه‌ی جێبه‌جێ كردنه‌كه‌ی بۆ دیاری كرا
2019-10-15 [07:15 AM]

ZNA – هه‌ولێر


حکوومەت لە رێگەی دابینکردنی بودجەوە چەند پڕۆژەیەکی نۆژەنکردنەوەی رێگاوبان لە سەرجەم شار وشارۆچکەکانی کوردستان بە گوژمه‌ی دەیان ملیار دینار دەخاتە بواری جێبەجێکردنەوە.

ئەندازیار سدقی ئامێدی، بریکاری وەزارەتی ئاوەدانکردنەوە و نیشتەجێکردن بۆ کاروباری رێگاوبان، بە باسی راگەیاند:  چاککردنەوەی رێگاوبانی دەرەوەی شارەکان کە لەلایەن ئەنجومەنی وەزیرانەوە بڕیاری لەسەر دراوە، لە سلێمانی تا زاخۆ و هەولێر و هەڵەبجە و ئیدارەی گەرمیان و راپەڕینیش دەگرێتەوە.

سدقی ئامێدی گوتیشی: هەڵمەتی نۆژەنکردنەوەکە کراونەتە سێ زۆن،  پڕۆژەکانی پارێزگای سلێمانی 8 پڕۆژەن 13 ملیار دیناریان بۆ تەرخانکراوە بریتین لە (چاککردنەوەی قیری رێگای دەربەندیخان – باوەنور، چاککردنەوە و دروستکردنەوەی بەشێک لە پردی کانیسارد بە درێژیی و نۆژەنکردنەوەی رێگای قیری تاسلوجە-تەکیە، نۆژەنکردنەوەی رێگای دوکان – چوارقوڕنە، چاککردنەوەی قیری رێگای وارماوا – دەربەندیخان، چاککردنەوەی قیری رێگای دوکان – سلێمانی، نۆژەنکردنەوە و قیرتاوکردنەوەی رێگای دووسایدی رانیە – دەربەندی رانیە، قیرتاوکردنی رێگای سیتەک ".

ئه‌و روونیشی کردەوە، پڕۆژەکانی پارێزگای دهۆک بڕی زیاتر لە 10 ملیار دیناری بۆ تەرخانکراوە و کراوەتە چوار بەش" بریتین لە پڕۆژەکانی رێگاوبانی دەڤەری ئامێدی، پڕۆژەکانی دەڤەری ئاکرێ و بەردەڕەش، پڕۆژەکانی رێگاوبانی دەڤەری دهۆک و سمێل، پڕۆژەکانی دەڤەری شێخان" .

سه‌باره‌ت به‌  پڕۆژەکانی زۆنی پارێزگای هەولێر  گوتی:" بە دوو شێوازی راستەوخۆ و کەرتی تایبەت جێبەجێ دەکرێن، ئەو پرۆژانەی راستەوخۆ جێبەجێ دەکرێن بڕی 2 ملیار و 500 ملیۆن دنیاریان بۆ تەرخانکراوە و بریتین لە پڕۆژە رێگاکانی رێگای هەولێر – پیرمام، هەولێر – پردێ، گۆمەسپان – سماقۆڵی، کۆڕێ – شەقڵاوە – میراوە، بەستۆڕە – شێخ توراب – قەندیل، حوجران – سەر کەند خەیلانی – رەزگە دیوین".

بریکاره‌كه‌ی وەزارەتی ئاوەدانکردنەوە و نیشتەجێکردن ئاشکراشی کرد: بەشی دووەمی پڕۆژەکانیش کە لە رێگای کۆمپانیا و بەڵێندەرایەتییەوە جێبەجێ دەکرێن و بەسەر پێج زۆن دابەش کراون" زۆنی A1 رێگاکانی دەوروبەری ناوەندی هەولێر، زۆنی B1 رێگاکانی قەزای سۆران و شەقڵاوە، زۆنی B2 چەندین پڕۆژەی رێگاوبان لە قەزای سۆران و شەقڵاوە، زۆنی C رێگاوبانەکانی قەزای مێرگەسۆر دەگرنەوە، هەروەها رێگەی سپیلک – خەلان – بارزان بە بودجەی 7.5 ملیار دینار، چاک دەکرێتەوە".

راشی گەیاند ئەو بڕە پارەیەی بۆ چاککردنەوەی رێگاوبانەکانی هەر سێ پارێزگاکە تەرخانکراوە، 33 ملیار دینارە و دەبێت ئەم پرۆژانە لە ماوەی 70 رۆژدا پێش ئەوەی وەرزی بەفر و باران دەست پێ بکات  تەواو ببن.





ئەم هەواڵە 3127جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad