English | عربی | Kurdî دواهەواڵ
ڕاستەوخۆ  
 
توركیا.. شەش هاوسەرۆكی هەدەپە دەستگیر كران
2019-10-15 [11:50 AM]

ZNA- هه‌ولێر


ئەمڕۆ لە هێرشێکی هێزەكانی پۆلیسی تورکیا لە شارەكانی باكوور، شەش هاوسەرۆكی هەدەپە دەستبەسەر كراون و تۆمەتی ئەوەیان دراوەتە پاڵ كە سەر بە رێكخراوی پارتی كرێكارانی كوردستان (PKK)ن و پشتگیریی ڕۆژئاوای کوردستانیان کردووە.

ئەمڕۆ سێشەممە ١٥_١٠_٢٠١٩، هاوسەرۆكی شارەوانیی جوولەمێرگ سەر بە هەدەپە بەناوی (جیهان قەهرەمان)، هەروەها هەردوو هاوسەرۆكانی شارەوانیی گەڤەر بەناوەكانی (عیرفان ساری و رەمزییە یەشار) و هەروەها (یڵدز چەتین) هاوسەرۆكی شارەوانی "ئەرجیش" و هەردوو هاوسەرۆكی شارەوانیی نوسێبین بەناوەكانی (فەرهاد كوت و سەمیرە نێرگز) لە لایەن پۆلیسی تورکیاوە دەستبەسەر كراون.

ئاژانسەكانی هەواڵی توركیا بڵاویان كردەوە، ئەو شەش هاوسەرۆكەی هەدەپە، تۆمەتی ئەوەیان دراوەتە پاڵ كە سەر بە پەكەكەن، هەروەها پشتگیرییان لە یەپەگە كردوە لە رۆژئاوا.

بە گوێرەی ئەو زانیارییانەی ماڵپەڕی (بی بی سی) توركی بڵاوی كردوەتەوە، پۆلیس ماڵی ئەو بەرپرسانەی هەدەپەی پشكنیوە و چەند بەڵگەیەكیان دەست كەوتووە كە دەیسەلمێنێت ئەوان پشتگیرییان لە پەكەكە كردووە.

هەمان ماڵپەڕ ئاشكرای دەكات، لە ماوەی شەش رۆژی هێرشی توركیا بۆ سەر رۆژئاوا، لە تەواوی توركیادا ١٥١ ئەندامی هەدەپە دەستبەسەر كراون، هەروەها زۆربەی ئەو دەستبەسەركراوانە، لە سۆسیال میدیاوە دژایەتیی خۆیان بۆ شەڕ دەربڕیوە، بەڵام پۆلیس بە تۆمەتی ئەوەی پشتگیرییان لە تیرۆر كردووە دەستبەسەری كردوون.





ئەم هەواڵە 2296جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad