English | عربی | Kurdî دواهەواڵ
ڕاستەوخۆ  
 
وه‌زیرى پلاندانان چاكسازى هه‌موو سێكته‌ره‌كان ده‌گرێته‌وه‌
2019-10-15 [01:13 AM]

ZNA - هه‌ولێر



ئەمرۆ سێشەمە ١٥-١٠-٢٠١٩ لەدیوانی وەزارەت د.دارا ڕەشید وەزیری پلاندانان پێشوازی کرد لە ئەنجومەنی بازرگانانی ئەمریکا و کوردستان لەدیدارێکدا کە بەیان سامی عەبدلرحمان نوێنەری حکومەتی ھەرێم لە ئەمریکا ئامادەیی بوو باس لە پەیوەندیە ئابوریەکانی نێوان ھەرێمی کوردستان و ئەمریکا کرا" بەتایبەت لەبواری بازرگانی و کاری کۆمپانیاکانی ئەو ووڵاتە لەھەرێمی کوردستان.


لەبەشێکی تری دیدارەکە وەزیری پلاندانان ئاماژەی بەکارنامەی حکومەتی ھەرێمی کوردستان کرد کە بۆ چوارساڵی داھاتووئامادەیی کردوە بەتایبەت لەبوارەکانی تەندروستی و ئاوەدانکردنەوە و پەروەردە و سیستەمی بانکی و چاکسازی لە سێکتەرەکانی وەبەرھێنان و ئەنجامدانی چاکسازی راستەقینە لەدامەزراوەکانی حکومەت لەو پێناوەش داوای لێکردن کۆمپانیا ئەمریکیەکان ڕۆڵی زیاتر بگێرن لە ھەماھەنگی کردن لەگەڵ حکومەتی ھەرێم و کۆمپانیا ناوخۆییەکانی ھەرێم لەجێبەجێ کردنی پرۆژەکان. بەو پێیەی ھەرێمی کوردستان قۆناغی سەختی تێپەراند لەھاتنی داعش و برینی بودجە لەلایەن حکومەتی عێراق و ھاتنی ژمارەیەکی زۆری ئاوارە و پەنابەر بۆ ھەرێم کە تائێستاش ژمارەیەکی زۆر لەو خێزانانە لەکامپەکان نیشتەجێن و حکومەت خزمەتگوزاریان بۆ دابین دەکات.


دواتر د.دارا ڕەشید بەگرنگیەوە تیشکی خستەسەر کێبرکێی کۆمپانیاکان و پێدانی پرۆژەکان لەرێگەی تەندەر بەئامانجی زیاتر شەفافیەت لەجێبەجێ کردنیان" ھەروەک ڕاشی گەیاند دەمانەوێت بەشێک لەپرۆژە ستراتیژیەکان بەھەماھەنگی لەگەڵ کەرتی تایبەت بێت وەک دروستکردنی رێگاوبانی  شارەکانی ھەرێم و نۆژەنکردنەوەیان.
لەبارەی پەیوەندیەکانی نێوان ھەرێم و بەغدادش وەزیری پلاندانان ووتی لێکتێگەیشتنی باش ھەیە لەنێوان ھەرێم و بەغداد و ھەوڵەکانیش بەئاراستەی چارەسەری کێشەکانن بەشێوەیەک دەستور ببێتە بنەمای نزیک بونەوەی نێوانمان.





ئەم هەواڵە 3577جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad