English | عربی | Kurdî دواهەواڵ
ڕاستەوخۆ  
 
چەند زانیارییەك لەبارەی شێرپەنجەی مەمك
2019-10-19 [10:52 AM]

هەولێر ــ ZNA


شێرپەنجەی مەمك بریتییە لە گەشەكردنێكی نائاسایی خانەكانی مەمك، هاوكات دەركەوتنی گرێ لە مەمك مانای بوونی شێرپەنجە نییە.
 شێرپەنجەی مەمك كاتێك دروست دەبێت، كە خانەكانی مەمك لە رووی فەرمان و گەشەكردنەوە گۆڕانكاریان بەسەردا دێت و لە كۆنترۆڵ دەردەچن و دەگۆڕێن بۆ خانەی شێرپەنجەیی لە پیاو ژندا و ئەو خانانە توانای بڵاوبوونەوەیان هەیە، هەر بۆیە مانگی تشرینی یەكەمی هەموو ساڵێك بە مانگی هۆشیاركردنەوە لەبارەی شێرپەنجەی مەمك ناسراوە و لە هەموو جیهان هەڵمەتی هۆشیاركردنەوە و بڵاوكردنەوەی زۆرترین زانیاری لەبارەی دووەم بڵاوترین جۆری شێرپەنجە لە ژناندا بڵاو دەكرێتەوە.
لێرەدا چەند زانیارییەك لەبارەی شێرپەنجەی مەمكەوە دەخەینە ڕوو بە ئومێدی ئەوەی بتوانن سوودی لێوەربگرن و خۆتان بپارێزن:
* پیاوانیش تووشی شێرپەنجەی مەمك دەبنەوە بە رێژەیەكی كەمتر لە ژن و جیاوازی لە نیشانەكانی نێوانیان نییە، رەنگە لە پیاوان مەترسیدارتر بێت، چونكە پێشبینی ناكەن و ەنگە پشكنینی خۆپارێزی نەكەن.
* مامۆگرام، واتە وێنەی تیشكی شانەكانی مەمك تەنیا ئامرازێكە بۆ دەستنیشانكردنی نەخۆشییەكە.
* هیچ توێژینەوەیەك نییە بەوەی بەستنی ستیان پێوەندی بە دروستبوون و نەبوونی شێرپەنجەوە هەبێت.
* قەبارەی مەمك كار ناكاتە سەر رێژەی تووشبوون بە شێرپەنجەی مەمك و هۆكارێكی مەترسیدار نییە، بەڵام ژمارەی خانە شێرپەنجەییەكان ئەگەری تووشبوون زیاتر دەكات.
* خۆراكی دیاریكراو نییە رێگری لە دروستبوونی شێرپەنجەی مەمك بكات، بەڵام خۆراكی دروست و باش بەگشتی مەترسی تووشبوون كەمتر دەكاتەوە.
* ئارەقە لابەر پێوەندی بە تووشبوون بە شێرپەنجەوە نییە.
* بەركەوتنی گورز و لێدانی ناوچەی سنگ پێوەندی بە دروستبوونی شێرپەنجەی مەمكەوە نییە.
* وەرگرتنی سامپڵێك لە گرێی مەمك بەمەبەستی پشكنینی پێویستە بۆ ئاشكرابوونی نەخۆشییەكە و دڵنیابوونەوە لە پیسی و ئاساییەكەی و نابێتە هۆی بڵاوبوونەوەی.
* مامۆگرام و تیشكی سینی باشترین و وردترین رێگان بۆ دۆزینەوەی شێرپەنجە لە قۆناغەكانی زوودا، پەستان خستنە سەر مەمك لەكاتی پشكنینی مامۆگرامیش نابێتە هۆی بڵاوبوونەوەی شێرپەنجە، هاوكات ئاشكرابوونی نەخۆشییەكە لە قۆناغێكی زوودا لە زیانەكانی كەم دەكاتەوە و بڕێكی كەمتر تیشك بەر مەمك دەكەوێت، بۆیە سوودەكانی لە زیانی زیاترە، بۆیە ژنان لە تەمەنی دوای 40 ساڵ رێنوێنی دەكرێن ساڵێ جاریك ئەو پشكنینە بكەن





ئەم هەواڵە 2149جار خوێندراوەتەوە
 
 
ڤیدیۆ گەلەری
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
بە ڤیدیۆ.. كاره‌ سه‌خت و نایابه‌كانى چه‌ند كرێكارێك
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad